Рене Зелвегер во неделата се покажа како партнер со постојана поддршка на првиот фудбалски натпревар оваа сезона.

Во текот на полувремето холивудската актерка (54) беше видена како се прегрнува со британскиот ТВ-водител (44), а потоа и двајцата беа фотографирани во страстен бакнеж.

Ѕвездата на серијалот „Бриџит Џонс“, за која имаше шпекулации дека тајно се свршила во јули, задржа скромен профил на натпреварот за да го поддржи својот полупрофесионален фудбалски тим, американската филијала на „Саутемптон ФК“.

Двократната оскаровка е во лежерно издание и носи тегет бејзбол-капа.

Таблоидите потсетуваат дека Рене и 10 години помладиот Ент се во врска од 2001 година. По нивната свршувачка, ги држат своите планови во голема тајност. Извори блиски до двојката открија дека свадбата, исто како и нивниот приватен живот, ќе биде далеку од очите на јавноста.

„Јутјуб“ му ги суспендира каналите на Расел Бренд да не заработуваат од реклами поради прекршување на нивната политика за одговорност на создавачот.

Видеоплатформата соопшти дека презема акција за да ги заштити своите корисници.

Ова доаѓа откако лондонската полиција прими извештај за наводен сексуален напад во 2003 година по другите наводи против комичарот.

Во текот на викендот комичарот и ТВ-водител беше обвинет за силување и сексуални напади помеѓу 2006 и 2013 година, што тој го негира.

„Доколку однесувањето на создавачот надвор од платформата им наштетува на нашите корисници, вработени или екосистем, ние преземаме акција“, изјави портпаролот на „Јутјуб“.

Во последните години Расел се репозиционира и почна редовно да објавува видеозаписи за духовноста, политиката против естаблишментот и неодамна за НЛО за своите 6,6 милиони претплатници.

Одлуката на „Јутјуб“ да ги блокира неговите извори на приход се однесува на „сите канали што се во сопственост или под управа на 48-годишникот“, потврдија за Би-би-си.

Тејлор Свифт е големата победничка на „Ем-ти-ви видеомузичките награди“ (MTV Video Music Awards) за оваа 2023 година, бидејќи нејзината песна „Anti-Hero“ доминираше вечерта. Свифт освои 9 одличја од 11 номинации, вклучувајќи ја и главната награда за видеоспот на годината, за најдобра песна, визуелни ефекти и најдобра поп-песна на годината.

-Ова е неверојатно. Фактот дека за оваа награда гласаат гледачите значи многу за мене, изјави таа.

Свифт ја доби и наградата за албум на годината („Midnights“), како и за најдобар уметник, на доделувањето во „Пруденшл центарот“ во Њуарк, Њу Џерси, САД.

Водителка на емисијата беше Ники Минаж, која исто така настапи и победи во категоријата најдобра хип-хоп изведба, за хитот „Super Freaky Girl“. Лил Вејн го отвори шоуто, додека други изведувачи беа Оливија Родриго, Карди Би и Меган Ти Сталион. Се прославија и 50 години хип-хоп со крајната изведба во којашто беа вклучени Ники Минаж, Ел-ел Кул Џеј, „Ран-Д.М.Ц.“ и „Грендмастер Флеш енд д Фјуриус фајв“ коишто ја израпуваа „The Message“.

Раперот Диди ја подигна наградата за „светска икона“ којашто му ја врачи неговата ќерка Ченс Комбс и Мери Џеј Блајџ и изведе избор од неговите најголеми хитови.

– Ова се тие 30 години. Му се молам на Бога да го работите она што го сакате цели 30 години!, изјави познатиот рапер.

Шакира, исто така, изведе cпој од неколку свои хитови земајќи ја наградата „Видеоавангард“.

– Сакам да ја споделам оваа награда со моите обожаватели кои секогаш ме поддржуваат „низ сито и решето“. Ви благодарам многу што сте мојата „војска“ во сите мои битки, изјави таа, меѓу другото, говорејќи англиски и шпански.

Ајс Спајс беше прогласена за најдобар нов уметник, додека Рема и Селена Гомез победија во инаугуративната категорија за најдобар афробит со песната „Calm Down“.

Успех имаше и за Италија бидејќи претходната група победничка на „Евровизија“ – „Манескин“ ја доби наградата за најдобра рок-песна, за „The Loneliest“.