Излезе трејлерот за петтата сезона на Круна – погледнете како изгледа Дајана, кралицата…

Објавен е трејлерот за петтата сезона на серијата The Crown на Нетфликс. Дејствието е сместено во турбулентните 90-ти и го следи почетокот на крајот на бракот на принцот Чарлс и принцезата Дијана, но нема да ја покаже нејзината смрт.

За кралското семејство, 1990-тите се опишани како „најпредизвикувачките досега“, со политички и приватни настани кои во голема мера ќе го обликуваат владеењето на кралицата Елизабета.

Во новата сезона, поради прославата на 40-годишнината од владеењето, таа се навраќа на некои историски пресвртници на кои дотогаш била сведок, како што е појавувањето на масовната телевизија. Кралицата Елизабета го доживува и распадот на Советскиот Сојуз, трансферот на суверенитетот во Хонг Конг што „сигнализира сеизмичка промена во меѓународниот поредок“ и други политички промени, додека во Велика Британија се се менува.

Што се однесува до приватниот живот на кралското семејство, петтата сезона ќе се занимава со заладените односи меѓу принцот Чарлс и принцезата Дијана, како и притисокот што Чарлс го извршил врз кралицата да не дозволи да се разведе од Дијана.

Како што се шират гласини за статусот на врската на Чарлс и Дијана, медиумите ѝ посветуваат сè поголемо внимание, па Дијана решава да го прекрши протоколот и да објави книга што ја поткопува јавната поддршка за Чарлс и ги разоткрива проблемите во Куќата на Виндзор.

Во новата сезона ќе се појават и Мохамед ал-Фајед и неговиот син Доди Фајед, кои сакаат да добијат „место на кралската маса“, според официјалниот опис на Нетфликс. Но, петтата сезона на Круната нема да ја прикаже трагичната смрт на Дијана во 1997 година, туку тој настан ќе дојде само во шестата сезона, која моментално се снима.

Третата промена на актерската екипа

Трејлерот дава прв поглед на новата екипа, со Имелда Стаунтон како кралицата Елизабета Втора, Џонатан Прајс како принцот Филип, Лесли Менвил како принцезата Маргарет, Доминик Вест како принцот Чарлс и Елизабет Дебицки како принцезата Дијана.

Во актерската екипа се и Клаудија Харисон како принцезата Ана, Оливија Вилијамс како Камила Паркер Боулс, Џони Ли Милер како Џон Мејџор, Салим До како Мохамед ал-Фајед и Калид Абдала како Доди Фајед.

Пред Имелда Стаунтон, кралицата Елизабета ја играа Клер Фој и Оливија Колман, кои и двете добија награда Еми за нивната работа.

Режисерот откри дел од тајните пред премиерата на новиот „Аватар“

Светот се подготвува за уште еден револуционерен исчекор во светот на 3D филмовите, очекувајќи ја на 14 декември премиерата на остварувањето „Avatar: The Way of Water“ кој ценетиот режисер Џејмс Камерон претходно го вети.

Покрај добитничката на наградата Оскар Кејт Винслет, нови интригантни членови на Пандора светот се и млади луѓе кои ги толкуваат улогите на децата на фантастичниот филмски пар Нејтири и Џејк, најавува филмската екипа.

„Се појавуваат некои нови деца, Нетејам (Џејми Флатерс) најстариот син на Џејк и Нејтири. Неговиот брат Ло’ак, кого го толкува Бритен Далтон кој по малку се чувствува осамено во светот којшто го опкружува, додека пак Туктиреј (Тринити Блис) е најмладиот член на семејството Сали.

18-годишниот Џек Чемпион го толкува Спајдер, додека пак како грациозна и јака млада Нави нуркачка се појавува Тсиреј којашто ја толкува Бејли Бас. Акцентот повеќе е ставен на ликовите, на нивните односи, на приказната и на емоциите“, изјавил режисерот и сценарист Џејмс Камерон.

Децата, според креаторите на филмот сами по себе се многу интересни ликови и токму нив во голем дел од филмот ги прикажуваат, додека пак продуцентот Џон Ландау на младата актерска постава ѝ дава нов слој на овој научно фантастичен еп затоа што досега го немале тој младешки елемент.

„Продолжението е приказна за семејството и она низ што ќе минат родителите за да го сочуваат и заштитат своето семејство… Секогаш велам дека филмовите на (режисерот) Џим имаат универзални теми – и навистина, нема поуниверзална тема од семејството“, изјавил продуцентот Џон Ландау во една прилика.

ФОТО: Како денеска изгледаат ѕвездите од „Бољи живот“?

Повторната средба на оригиналната актерска постава од некогаш мегапопуларната серија "Подобар живот", предизвикала лавина спомени и поттикнала многу сеќавања. Актерите се собрале за да позираат за насловната на 600. издание на српското списание "Story".

"Како да беше вчера", коментирал 70-годишниот Марко Николиќ, кој во серијата го глумел Драгиша Попадиќ или "Гига Моравац", татко на три деца и глава на петочлено семејство.

Маки му задавале синовите Александар Саша (Бориз Комнениќ) и Слободан Бобо (Драган Бјелогрлиќ) и ќерката Виолета (Лидија Вукучивиќ).

 

A post shared by Lidija Vukićević (@vukiceviclidija) on

69-годишната Светлана Бојковиќ, која во серијата била Емилија, била воодушевена од повторната средба. "Тоа не беше само серија. Тоа беше период во кој сите некако весело и убаво живеевме. Таа серија е создавана во прекрасна атмосфера. Многу ми е мило што по толку години повторно сите се собравме на фотографирањето на семејството Попадиќ", рекла Светлана.

Најголема слава по серијата остварил Бјелогрлиќ, кој станал главен српски актер, продуцент и режисер. Лидија Вукичевиќ се омажила и развела од фудбалерот Митар Мркела, а била и активен член на Српската радикална партија на Војислав Шешељ.

 

A post shared by Lidija Vukićević (@vukiceviclidija) on

Сталоне како мафијаш во својата прва ТВ-серија во кариерата

„Парамоунт плус“ почна со прикажување на акционата серија за мафијаш од Њујорк кој излегува од затвор по 25 години и оди во Тулса, Оклахома, САД… Занимливо е тоа што ова е прва главна улога на Силвестер Сталоне во ТВ-серија, по 80 филмови во неговата кариера.

Се работи за „Кралот на Тулса“ (Tulsa King), па според многумина светски познатиот „Слај“ (75) сѐ уште добро се држи, и сѐ уште шармантно ги пренесува репликите низ неговиот препознатлив изговор, водејќи нѐ во светот на мафијата.

Тој самиот вели дека телевизијата е многу потешка од снимањето филмови, па второво сега му се чини како „одмор“.

На ИМДБ, серијата има просечна оценка 8,4 / 10, а на „Ротен томатос“ ја препорачуваат 86 отсто од гледачите.

Популарно