Гери Олдман: Не сакам да глумам кога ќе имам 80 години

Актерот Гери Олдман навести дека ќе се повлече од актерството.

Олдман има долга филмска и телевизиска кариера која му донесе „Оскар“, „Златен глобус“, една САГ и три БАФТА награди.

Но, додека се подготвува да се врати за втората сезона на Slow Horses на „Епл ТВ-плус“, се чини дека актерот можеби ќе ги закачи чизмите во догледна иднина.

Во интервју за „Сандеј тајмс“, во пресрет на новата сезона, Олдман призна дека почнал да размислува за пензионирање.

Имав завидна кариера, но кариерите бледнеат, а имам и други работи кои ме интересираат надвор од актерството. Кога си млад мислиш дека ќе направиш сè, а потоа годините минуваат. Следната година ќе имам 65, 70 се зад аголот. Не сакам да бидам активен кога ќе имам 80 години“, изјави актерот.

Фановите не треба да се грижат бидејќи заминувањето на Олдман од „Бавни коњи“ е прилично далеку. Трилер серијата, која се базира на Slough House – бестселер сага на писателот Мик Херон – го обврзува Олдман на уште најмалку две сезони, тврди „Дедлајн“.

„Бавни коњи“ е приказна за шеф на дисфункционален тим на поранешни агенти на МИ5. Тој очекува агентите да ги напуштат своите здодевни канцелариски работни места, и тие набрзо ќе се најдат во опасна ситуација.

Трилер серијата нуди помалку гламурозен поглед на британските тајни служби и се фокусира на група отфрлени шпиони.

Покрај овој проект, Олдман ќе соработува со Кристофер Нолан на „Опенхајмер“, филм за проектот Менхетен и создавањето на атомската бомба во кој ќе глумат и Силијан Марфи, Роберт Дауни Џуниор, Флоренс Пју, Мет Дејмон, Рами Малек и Емили Блант.

Олдман во филмот ќе го портретира американскиот претседател Хари Труман.

„Спајс Грлс“ повторно се враќаат на музичката сцена?

Музичката група „Спајс Грлс“ (анг. Spice Girls) повторно се соединува, барем тоа го потенцираше една од девојките од групата, Меланија „Мел Би“ Браун додека гостуваше во шоуто на „Би-Би-Си“.

Музичката ѕвезда Мелани, во своето гостување најави заедничка турнеја на групата „Спајс Грлс“ во 2023 година, која воедно би претставувала и нивно повторно обединување.

„Ние бевме во преговори и претходната година, но тогаш се случи Ковид-19, па така се растурија плановите на сите. Девојките „ќе ме убијат“ бидејќи ќе го кажам ова но, ние се надеваме, посебно јас, бидејќи сум водечката сила, и ќе се потрудам да стане реалност – да организираме турнеја во 2023 година“ – потенцираше музичката ѕвезда Мел Би.

 Инаку, овој бенд светската популарност ја стекнува во 1996 година со хитот „Wannabe“ со кој владееја со светската сцена. Во 1998 година една членка ги напушта, а останатите четири се разишле во 2001 година. Викторија Бекам, Мелани Браун, Ема Бантон, Мелани Чизом и Џери Халивел се имињата кои ја градеа својата музичка кариера во оваа музичка група. Тие и денес остануваат најуспешен женски бенд во историја.

Девојките од оваа музичка група славеа 25-годишнина од нивната најпозната песна „Wannabe“, изминатиот јули.

(Фото) Не знаете која модна комбинација да ја одберете за вечерашното излегување? - Модните инфлуенсерки го нудат одговорот

Припадничките на понежниот пол, барем еднаш во месецот се соочуваат со проблемот – немање идеи за модни комбинации. Често си го поставуваат прашањето „Што да носам вечерва“?

Модните инфлуенсерки го нудат одговорот. Костумите ги посочуваат како прв избор на секоја жена, кога и да се двоуми што да облече. Тие никогаш нема да излезат од мода и секогаш ќе бидат во тренд. Истите се совршена идеја како за дневни, така и за вечерни настани, свечености или пак деловни обврски.

Во изминатите години, оделата станаа дел од речиси секој женски плакар. Во комбинација со интересна маичка и патики ќе изгледате одлично за кафе-средба или ручек со пријателките.

Доколку пак, го искомбинирате со високи потпетици и кошула, инстантно ќе добиете модна комбинација за вечерна забава.

Погледнете како модните блогерки ги комбинираат костумите и добијте инспирација за вашиот совршен вечерашен изглед.

ФОТО: Ќерките на познатите ви го „одземаат“ здивот во бикини!

Медиумите со години, без разлика дали одмараа или настапуваа низ регионот, во летните месеци ги следеа Здравко Чолиќ, Цеца Ражнатовиќ, Наташа Беквалац и многу други, но ситуацијата сега е малку променета.

Благодарение на социјалните мрежи и нивните деца станаа ѕвезди, а следбениците нетрпеливо чекаат најави од егзотични дестинации.

Анастасија Ражнатовиќ ги објави своите први фотографии од плажа уште во јуни, кога отпатува на Ибица со своето момче, фудбалерот Немања Гудеља.

Таа продолжи да објавува „жешки“ фотографии во бикини на својот Инстаграм профил, а нејзините следбеници беа повеќе од воодушевени.

Наследничката на Чола, Уна, уживала во прекрасната глетка на морето во Црна Гора.

Таа преку социјалните мрежи го покажа луксузот во кој ужива, а со тоа откри и во каква убавина израснала.

Атрактивната Џина Џиновиќ го одзема здивот каде и да се појави, а кога носи минимален материјал изгледот е запрепастувачки.

Своите следбеници ги воодушеви и со изданијата на бикини, а коментарите под нејзината објава не изостанаа, па многумина се согласија дека таа израсна во вистинска божица.

Петнаесетгодишната Хана Икодиновиќ се уште е премлада за да патува сама, но таа и нејзината мајка Наташа Беквалац одлично се забавувале во Марбела.

Таа ја изненади јавноста со своите фотографии, па многумина коментираа дека прераснува во вистинска убавица, и дека сигурно ќе скрши многу машки срца, исто како нејзината мајка.

Популарно