Ова се 4 знаци дека сигурно го „гушите“ партнерот

Љубов и секс

на 1.2023

Ова се знаците на кои треба да внимавате

Нема ништо лошо во тоа да поминете квалитетно време со саканата личност, но другата крајност е кога го „давите“ партнерот со своите постапки. Можеби поминувате низ фаза во врската во која верувате дека врската може да се подобри ако сте повеќе посветени на партнерот, но тоа нема да се случи ако тој се чувствува како да не може да дише.

Еве ги знаците на кои треба да внимавате:

Не сакате вашиот партнер да поминува време со други

Пријателите и семејството се важни луѓе во животот на секој од нас. Без разлика дали сте во брак или не, никогаш не треба да губите контакт со овие луѓе. Ако мислите дека вашиот партнер не треба да ги гледа пријателите и семејството, бидејќи вие ги исполнувате неговите, а тој вашите потреби, во голема заблуда сте. Вистината не може да биде подалеку од тоа.

Верувате дека партнерот ве надополнува

Можеби звучи романтично вие и вашиот партнер да се надополнувате, но таа идеја повлекува друга, а тоа е дека не сте комплетни без него/неа. Партнерот е тука за да биде ваша поддршка, најдобар пријател, љубовник, некој кој ќе застане покрај вас кога е најтешко, но не и некој што ја надополнува вашата личност. Овој став создава нездрава зависност.

Партнерот повеќе не ве слуша

Дали вашиот партнер има навика да „одлута“ додека зборувате? Иако има луѓе кои попрво би слушале отколку да зборуваат, сепак проверете колку често се случува на половина од разговорот да видите дека мислите на вашиот партнер повеќе не се тука. Премногу монолози за секоја ситница што ви се случува ги тераат повеќето луѓе да бегаат, барем во мислите.

Проверување на телефонот

Сосема е легитимно да се воспостави политика на доверба во бракот што вклучува телефон без заклучување или заедничка лозинка. Меѓутоа, ако постојано го земате телефонот на вашиот партнер и ја прелистувате неговата е-пошта, гледате фотографии што ги има во галеријата или пораките кои ги разменува со други луѓе, ова не е прифатливо однесување. Тоа е опсесивно и многу тешко се контролира. Уште потешко е да се поднесе таквото однесување.

Закрепнувањето по „скршено срце“ трае три месеци

Љубов и секс

пред еден месец

Раскинувањата oбично завршуваат со подолготрајна тага.

Научен труд објавен во британскиот „Журнал“ за позитивна психологија открива колку време во просек им треба на луѓето да закрепнат по болен прекин на љубовна врска.

Кога „срцето е скршено“, преовладува чувството на безвредност, што поттикнува повредената или повредениот „да се држи“ дури и поцврсто за она што веќе не е достапно. Во такви случаи се јавуваат збунетост, лутина, тага, фрустрација. Уште повеќе, ако е присутна ниска самодоверба којашто нѐ тера постојано да се обвинуваме и омаловажуваме себеси, преболувањето на раскинувањето тогаш е потешко, па тоа „заздравување“ оди побавно.

Тоа ќе рече – проценувањето колку долго ќе трае таа лоша состојба по раскинувањето зависи, до одреден степен, од самодовербата.

Според наводите, на 71 отсто од 155 млади возрасни лица им биле потребни околу 11 седмици за промена кон подобро. До крајот на тие три месеци, испитаниците можеле да ги видат добрите страни на нивното раскинување. Тие, имено, почувствувале „созреаност“ и подготвеност да се насочат кон целта – позитивни промени по раскинувањето.

Разумно е да се очекува дека зацврстувањето на ниската самоувереност по раскинувањето може да трае барем неколку недели. А пак, факторите коишто влијаат на таа временска рамка зависат од самиот човек и од врската која штотуку завршила.

Три реченици кои звучат како љубов, а всушност зад нив се крие манипулација

Љубов и секс

пред еден месец

Понекогаш е тешко да се разликува грижата и љубовта од манипулацијата. Ова се фрази кои се користат за да се залажат партнерите.

Има луѓе кои имаат потреба да манипулираат со луѓето со кои се во врска или брак, поради некои психолошки проблеми што ги имаат.

Овие три реченици манипулаторите често ги користат како параван, бидејќи наликуваат на љубов.

„Ова го правам за твое добро“

Манипулаторот сака да изгледа како да се грижи за вас, а всушност сака да ве контролира за да ја постигне својата цел. Реченицата „Го правам ова за твое добро“ звучи како израз на грижа и љубов, но тоа е начин манипулаторот да ве принуди да го прифатите она што го прави велејќи дека е за ваша корист.

„Дали вака ми враќаш?

Кога манипулаторот ќе ви каже: „После се што направив за тебе, ти ми враќаш вака?“, тоа покажува дека сака да се чувствувате виновни. Не се залажувајте да мислите дека тој се грижи за вас. Тој само сака да ве натера да се согласите со она што тој го сака.

„Очекував повеќе од тебе“

Оваа реченица прави личноста кон која е насочена да се чувствува помалку вредна од манипулаторот. Тие се потпираат на моќта за да ги постигнат своите цели. И повторно сака да се чувствувате виновни што не го постигнавте она што требаше, според мислењето на манипулаторот.

Што се случува во телото на мажот кој подолго време нема секс?

Љубов и секс

пред еден месец

Има многу причини зошто треба редовно да имаме секс, но покрај задоволството, важни се и причините поврзани со здравјето.

Мажите кои редовно имаат секс се позадоволни од животот и посреќни, тоа го имаат потврдено повеќе истражувања, но дали некогаш сте се прашале што се случува со вашето тело кога ќе престанете да имате секс редовно?

Ова се најчестите последици:

Еректилна дисфункција

Мажите кои подолго време немале секс, а имаат над 50 години, најверојатно ќе се соочат со проблемот еректилна дисфункција. За да останете во сексуална форма, мора да ја одржувате.

Зголемен ризик од рак на простата

Ако не мастурбирате редовно и исто така немате секс, ги зголемувате шансите за заболување од рак на простата. Истражувањата покажале дека честото ејакулирање (4 до 7 пати неделно) го намалува ризикот од рак на простата.

Висок крвен притисок

Истражувањата покажале дека луѓето кои имаат редовен секс имаат понизок крвен притисок од оние кои имаат долги паузи меѓу сексуалните активности.

Стрес

Една жешка ноќ во кревет може да ви го подобри расположението и барем на кратко да ве ослободи од грижите и стресот. Ендорфинот што се ослободува за време на сексот го подобрува расположението, а и бројни науни истражувања покажале дека сексот има поволно дејство врз луѓето кои се под стрес.

Слаб имунитет

Доживувањето оргазми е од голема корист за вашиот имунолошки систем. Медицински истражувања покажале дека мажите кои немаат секс редовно имаат послаб имунитет и се поподложни на болести.