Неофицијално како што дознава порталот ЗаСе.мк од извори од институтот за радиологија при Државната болница, денеска 13.10.2025 година бил примен пациент од друга клиника, кој бил приклучен на кислородна поддршка.

Пациентот требало да биде снимен на магнетна резонанца, при што пред снимањето не била одстранета боцата. 

Според извори вработени бд институтот, кога бил вклучен апаратот за да се направи снимката, металната кислородна боца се заглавила во апаратот за магнетна резонанца и ја загрозила безбедноста на пациентот, а воедно и го уништила апаратот. Екипа сервисери од производителот допрва ќе треба да дојдат и да утврдат колкава е причинетата штета и дали воопшто може да се поправи. 

Од трите магнетни резонанци, едниот ќе остане вон употреба, што значи дека ќе се зголеми времето за чекање на пациентите, кои и онака со месеци чекаат за да дојдат на ред

Кејот во Ѓорче Петров, требаше да биде симбол на урбано зеленило и активен живот, истакна Каја Шукова, кандидатка за градоначалничка на Скопје, порачувајќи дека жителите на Ѓорче Петров заслужуваат многу повеќе од кал, трње и лажни ветувања.

„Се сеќавате што ветија? Зелен спортски кеј, 40 километри вело и еко коридори. А што добија жителите, ниту спорт, ниту зеленило, само запуштен простор и уште едно разочарување. Ѓорче Петров е оставена општина, како да не е дел од Скопје“, истакна Шукова во изјава за медиумите.

Таа го посочи конкретниот потег од Влае до Хром, долг само еден ипол километар, како вистинска слика за неработењето и игнорирањето на основните потреби на граѓаните од страна на ВМРО ДПМНЕ. Според неа, тоа не е само урбанистички, туку и политички пропуст, симбол на нефункционален град.

„Ако некој не знае да поврзе само еден километар ипол, како очекувате да поврзе град, идеи и луѓе?“, праша Шукова.

Шукова најави проект за целосно уредување на овој простор. Планирана е современа, безбедна и зелена пешачко-велосипедска патека која ќе стане дел од континуирана, урбана врска помеѓу Ѓорче Петров, Карпош, Центар, Аеродром и Гази Баба, вистинска зелена оска низ срцето на градот.

Во фокусот е создавање на простор којшто не служи само за транзит, туку за живот. Решенијата опфаќаат уредено корито, ново зеленило, јавни простори достапни за сите генерации и нов урбан пулс којшто ја враќа довербата на граѓаните во можноста за уреден, функционален и здрав град.

Шукова најави дека Ѓорче Петров нема да биде третирано како периферија, туку како точка од која започнува вистинското поврзување.

„Имаме план, имаме решение, знаеме како. Нема повеќе празни ветувања ова е почетокот на ново, поврзано, зелено и живо Скопје“, истакна Шукова.

Бензините од ноќеска на полноќ поевтинуваат за еден денар по литар, а цената на дизел горивата се намалува за половина денар, одлучи денеска Регулаторната комисија за енергетика, водни услуги и услуги за управување со комунален отпад (РКЕ). Со одлуката се врши намалување на малопродажните цени на нафтените деривати во просек за 0,83 отсто во споредба со претходната пресметка.

Новата малопродажна цена на ЕУРОСУПЕР БС-95 е 73 денари за литар, ЕУРОСУПЕР БС-98 ќе се продава за 75, ЕУРОДИЗЕЛ (Д-Е V) за 68, а Екстра лесното масло за домаќинство (ЕЛ-1) за 67,5 денари за литар.

Со одлуката на РКЕ за 0,001 денар по килограм се зголемува малопродажната цена на Мазутот М-1 НС и изнесува 36,661 денари.

Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат намалување кај бензините во просек за 3,358 отсто, кај дизелот за 2,566, кај екстра лесното масло

за 2,450 и кај мазутот за 0,645 отсто. Курсот на денарот во однос на доларот по кој беа формирани цените со претходната пресметка е повисок за 0,5110 отсто.