Што се крие зад неверството и каква е поврзаноста со љубовта?

Постојат многубројни психолошки причини за тоа зошто некој сака да изневерува, но според психијатарката д-р Сузан Еделман, најдоброто објаснување е она што го користеше поранешниот претседател на САД – Бил Клинтон, кога ја објаснуваше својата љубовна авантура со Моника Левински. Тој тогаш рече, го направил тоа – затоа што можел.

Во интервју за „Елит дејли“ (Elite Daily), д-р Еделман објаснува дека луѓето кои редовно изневеруваат, без разлика колку го сакаат партнерот/-ката, најверојатно „имаат проблеми со корени во детството поради што се чувствуваат недостојни за љубов“ и се плашат од интимност.

-Поради тоа избегнуваат да бидат вистински интимни со партнерот. А, друго можно објаснување, е дека тие би можеле да имаат проблеми со сексуална зависност или нарцисоидни или социопатски карактерни црти, појасни докторката.

Таа смета оти е важно, тн. „сериски изневерувачи“ кои сфаќаат дека имаат проблем  – да побараат помош.

-Но, почнете со тоа што ќе бидете искрени со себе и ќе си признаете дека имате проблем. Во спротивно, најверојатно ќе повредите многу луѓе, а ќе ја нарушите и вашата самоувереност, нагласи д-р Еделман.

Има совети и за оние кои веќе изневерувале, но имаат каење и не сакаат тоа да им стане навика.

-Ако не планирате тоа да прејде навика, поштедувањето од болката на партнерот е најдобриот начин доколку навистина сакате да останете со него / неа. Но, ако се посомнева и ве праша дека сте неверни, не ги влошувајте работите со лажење, советува психијатарката.

Како човекот да им се спротивстави на погрешните мисли? – Со настојување на фактот дека има моќ да му одолее на нагонот.

-Првиот чекор е да се разгледаат вистинските последици од изневерувањето. Треба да бидете целосно свесни за тоа што би можело да се случи ако постапите според вашите желби. Многу е веројатно дека изневерувањето ќе му наштети на односот со партнерот, децата, но и на вашиот углед. Откако ќе ја преминете линијата, можеби ќе биде полесно да ја преминете повторно и така да создадете шема на мамење, појасни Еделман.

Разговорот со пријател или член на семејството кој разбира и сака да помогне, исто така може да биде од помош.

-А, и да му кажете на партнерот дека имате нагон на изневерување, може да биде изненадувачки корисно. Иако тоа може да биде многу тешко да се направи, помалку ќе го повредите партнерот ако тоа е само мисла, а не и намера за вистински чин, рече стручњакот.

Секако, важно е и да се нагласи – има разлика за тоа дали оваа желба се јавила поради горенаведените причини или зашто сте несреќни во врската.  (МИА)

Некои луѓе ве сакаат дури откако ќе престанете да ги сакате

Некои луѓе воопшто не ве ценат додека не си заминете. Кога ќе престанете да бидете присутни во нивните животи, да ги сакате и да им давате поддршка, тие дури тогаш ќе ве забележат.

Ќе се налутат дека ги игнорирате, ќе ве обвинуваат дека повеќе не ги сакате, иако тие никогаш и можеби не ве сакале вас.

Не го трошете своето време на овие луѓе.

Тие не сфаќаат колку силно можете да ги сакате, да се грижите за нив и да се вложите во односот со нив. Кога ќе ве снема од нивниот живот, кога ќе останат сами, тие дури тогаш ја сфаќаат својата вредност. Кај вас се чувствувале сигурно и безбедно, сега се сами.

Тие ќе се потрудат да го добијат вашето внимание дури откако ќе си заминете. Кога ќе престанете да им праќате пораки, да им се јавувате, да ги прашувате како се, дури тогаш се освестуваат. Тогаш сте им многу потребни. Тие ќе се потрудат да ве освојат дури откако ќе ве изгубат. Претходно имаат други опции, се занимаваат со други луѓе и работи, мислејќи дека не мораат да ве сакаат и ценат, дека секогаш  ќе бидете тука. Тие се себични.

Ќе им недостасувате дури тогаш кога ќе ги заборавите. Кога ќе ги преболите, ќе заборавите дека постоеле, тие тогаш ќе се сетат на вас и ќе се потрудат да ве добијат назад.

Ако си заминете од овие луѓе, никогаш не ледајте назад.

Кои сигнали ни ги испраќа телото кога личноста која ја сакаме не е вистинската за нас?

Сè што мислиме и чувствуваме е преведено на говорот на телото. Тоа е нешто што не можеме да го контролираме.

Кога нешто ќе тргне наопаку, го чувствуваме. Еден од главните симптоми кога нешто не е во ред е анксиозноста. Личноста која доживува силен стрес можеби нема да го разбере, но затоа ќе доживее напади на паника и отежнато дишење.

Ова е само еден во низата докази дека нашата ментална состојба влијае на нашето тело. Се чувствува многу, дури и пред да бидеме свесни за тоа.

Еве кои сигнали ни ги испраќа телото кога саканата личност не е соодветна за нас:

1. Поретко се насмевнувате

Кога сме сами, стануваме искрени за нашите чувства. Ако секогаш кога ќе помислите на партнерот, насмевката исчезнува од вашето лице, тоа укажува дека вашата врска со него не ви носи радост, дека не сте среќни.

2. Ја изгубивте самодовербата

Вистинскиот маж ни дава позитивни емоции и ни ја зголемува самодовербата. Но, ако постојано се сомневате во себе, се преиспитувате, размислувате дали сте направиле нешто како што треба, а притоа полека ви паѓа самодовербата, најверојатно сте со погрешен партнер кој не влијае позитивно на вас.

3. Се чувствувате емоционално и психички исцрпени

Запомнете како се однесува заљубената личност. Изгледа дека може се, како да не може да ѝ застане никаква пречка на патот. Тоа е затоа што вистинскиот партнер ни дава сила и енергија, мотивација. Меѓутоа, ако најчесто се чувствувате исцрпено, тоа сугерира дека овој маж не е вистинскиот за вас.

4. Ги игнорирате сопствените потреби

Дури и ако сте во врска со некого, тоа не значи дека треба да заборавите на односот со себе. Ако секогаш го ставате на прво место, секогаш се снаоѓате според неговото време и потреби, тоа укажува дека се запоставувате себеси во таа врска.

5. Го изгубивте интересот за она што порано го сакавте

Кога сте среќни во врска, продолжувате да го живеете животот како кога сте биле сингл – да го правите она што го сакате, да се дружите со драги луѓе, да имате свои интереси… Не престанувате да живеете како што живеевте само за да ги задоволите потребите на вашиот партнер. Во спротивно, ако повеќе не го работите она што го сакате, ако сте се оддалечиле од драги луѓе, тоа е јасен сигнал дека оваа врска само негативно се одразува на вас и вашето однесување.

6. Не спиете добро

Причините за лош сон може да ги има многу, покрај преголемиот замор и стрес, а една од нив е погрешниот избор на партнер.За некој добро да спие мора да биде мирен, опуштен, без многу грижи и проблеми кои им дишат во вратот. Доколку не можете мирно и цврсто да спиете покрај партнерот, време е да се запрашате дали сте со вистинскиот. Ако вашето тело не може да се опушти покрај него, тоа кажува многу.

Токсични фрази кои несвесно ги изговараме, а ни ја уништуваат врската

Велат дека делата зборуваат погласно од зборовите, што е најчесто случај, но велат и дека изговорениот збор „не се враќа“.

За жал, во партнерските односи, повеќето не се грижат за она што го кажуваат, особено во екот на гневот.

Одредени зборови можат да ни го повредат духот и да остават долгорочни последици за нашата ментална состојба, а понекогаш можат да болат повеќе од физичка повреда.

Ајде да ги погледнеме најчесто користените фрази кои долгорочно може да го влошат нашето партнерство:

1. „Ако така се чувствуваш – подобро да раскинеме“

Оваа реченица обично ја кажуваме среде кавга, кога не можеме да се справиме со обвинувањата и незадоволството од партнерот.

Во тие моменти треба да се потсетиме дека бракот е спој на две личности кои заедно треба да бараат решение и компромис.

Наместо често да се закануваме дека ќе раскинеме, можеме да го пробаме следново:

– Во моментов се чувствувам лут, разочаран или погрешно разбран и тешко ми е да бидам покрај тебе. Те сакам ама ми треба простор, ќе разговараме кога ќе се „оладам“.

2. „Зборуваш глупости“

Чести се моментите кога мислиме дека нешто што ни го кажува другата половина е ирационално или бесмислено, но наместо да ги користиме токму тие фрази, посегнуваме по грдиот збор „глупав“.

Ова е особено погрешно бидејќи го прави нашиот партнер да се чувствува токму така – „глупав“ и може да го спречи да споделува идеи, соништа или стравови со нас во иднина.

Поинаква перспектива на гледање на нештата е нормална, дури и пожелна.

3. „Не сакам да зборувам за тоа“

Понекогаш ни треба пауза за време на дискусијата за да ја процениме ситуацијата, да ги оладиме главите и да размислиме за идните чекори.

Но, ако целосно го игнорираме „слонот во собата“, односно проблемот во нашиот брак или врска, тој може да стане почетна капсула за катастрофа.

Недоразбирањето е една од најчестите причини за прекинување на меѓучовечките односи, па затоа е многу важно да се разговара, без разлика колку е непријатна или болна одредена тема.

Нагласете дека сè уште не сте подготвени да започнете разговор, но не го отфрлајте целосно.

4. „Ти си ист/а како татко ти/мајка ти“

Ова е големо, големо НЕ затоа што навистина може да повреди човек.

Ако нашиот партнер ни верува доволно за да го сподели со нас своето детство или работи кои го мачат за неговите родители, никогаш не смееме да го злоупотребуваме тоа против него, без разлика колку сме лути.

5. „Само опушти се“

Во превод – престанете да размислувате за тоа.

Реченица која всушност создава сосема спротивно чувство, доколку некоја личност ви ги искаже своите негативни чувства, а вие на овој начин ја предизвикате, генерално ќе предизвикате зголемен гнев.

Популарно