Таткото ставен на полиграф, за мајката откриено дека е бремена

Вести

пред еден месец

Родителите на исчезнатата Данка Илиќ се одведени во полиција на распит во врска со исчезнувањето на нивната двегодишна ќерка, која вчера во 13 часот беше изгубена во Бањско поле кај Бор.

Како што дознава „Блиц“, мајката и таткото на исчезнатата Данка Илиќ биле сослушани за околностите на исчезнувањето на нивната ќерка. На таткото му е извршен полиграфски преглед, а мајката е бремена.

– Полицијата го проверува приватниот живот и контактите на членовите на семејството на исчезнатата Данка Илиќ. Не исклучуваат ниту една можност додека се детално не се испита – вели изворот на „Блиц“.

Милан Илиќ, дедото на девојчето, во својата изјава, прва по исчезнувањето на Данка Илиќ, зборуваше за потрагата по внуката, но и за неа.

– Се уште не знаеме ништо. Ми рекоа да седнам во кола и да чекам. Не можам да одам таму горе. Постојано гледам телевизија, читам вести. Чекам се како и сите други. Полицијата си ја врши работата. Сите се таму. Се надевам дека ќе ја најдат што побрзо и дека се ќе биде во ред – вели дедото на Данка Илиќ.

Полицијата трага по 76-годишен кавадарчанец кој е пријавен за исчезнат

Вести

пред 3 часа

Портпаролка на СВР Велес Биљана Ѓаковска денеска извести дека во кавадаречко било пријавено исчезнување на 76-годишно лице, по кое се уште се трага.

- Вчера во 10.30 часот, во ОВР Кавадарци, К.С.(74) од Кавадарци пријавила дека од домот се оддалечил нејзиниот сопруг С.С.(76), кој имал здравствени проблеми. Се преземаат мерки за пронаоѓање на лицето.

Дознаваме дека лицето го бараат полицајци, блиски роднини и други луѓе, пожарникари, планинари и велосипедисти.

Се заканувал со автоматска пушка во казино и украл 4000 евра

Вести

пред еден ден

Јавен обвинител од Основното јавно обвинителство Тетово донесе Наредба за спроведување истражна постапка против 28-годишен жител на Непроштено, осомничен за разбојништво и поседување автоматска пушка.

-На 24 април, осомничениот, маскиран со „фантомка“, влегол во казино во Лешок и со автоматска пушка која на граѓаните им е забранета им се заканил на вработениот во обезбедувањето и на уште едно присутно лице. Ја репетирал автоматската пушка и им наредил на оштетените да легнат на подот, по што од фиоките на касите одзел 329.780 денари.

На овој начин осомничениот сторил кривично дело – Разбојништво по член 237 став 4 во врска со став 1, како и кривично дело – Неовластено изработување, држење, посредување и тргување со оружје или распрскувачки материи по член 396 став 2 во врска со став 1 од Кривичниот законик, информираат од Обвинителството.

Јавниот обвинител до судијата на претходна постапка од Основниот суд во Тетово достави предлог за определување мерка притвор за осомниченото лице, бидејќи постои опасност од бегство, можност тој да влијае врз сведоците и да го повтори делото. Судот го прифати предлогот и определи притвор во траење од 30 дена.

Загина 20-годишно момче во сообраќајка кај Новоселани

Црна хроника

пред еден ден

„На 25.04.2024 во 12.16 часот во ОВР Прилеп било пријавено дека на регионалниот пат Македонски Брод–Прилеп, кај с.Новоселани, се случила сообраќајна несреќа помеѓу патничко возило „бмв“ со прилепски регистарски ознаки, управувано од М.М.(20) од с.Браилово-прилепско и товарно возило „мерцедес“ со скопски регистарски ознаки, управувано од К.Т.(43) од Скопје“, информира МВР.

Како што соопштија од полицијата, во несреќата на местото на настанот починал М.М., а смрт била констатирана од лекар од Итна медицинска помош. Со телесни повреди се здобил К.Т., констатирани во Градската општа болница Прилеп.

Извршен бил увид од Јавен обвинител и увидна екипа од ОВР Прилеп.