Европски фронт: Не си играјте со Албанците! Ова може да има последици на стабилноста…

Централното претседателство на ДУИ вчера вечер во Мала Речица разговарало за последните политички случувања по изборите на 8 мај. 

На средбата, како што објави ТВ 21, Коалицијата Европски фронт ги координирала следните активности кои ќе ги преземат во наредните денови. Извори за телевизијата рекле дека лидерите на Европскиот фронт денеска ќе се сретнат и ќе испратат сериозна порака и предупредување до ВМРО-ДПМНЕ „да не си играат со Албанците и да не ја омаловажуваат волјата на мнозинството Албанци, како втора по големина заедница во државата“.

Велосипедист настрада во сообраќајка кај скопско Марино

66-годишен велосипедист е повреден во сообраќајка кај селото Марино.

Министерството за внатрешни работи информираше дека вчера во 18.20 часот во СВР Скопје било пријавено дека на ул.„531“ во с.Марино, општина Илинден, патничко возило „форд фиеста“ со скопски регистарски ознаки, управувано од З.Ј.(56) од с.Марино, удрило во велосипед управуван од Д.Ј.(66) од Скопје.

- Во несреќата со тешки телесни повреди се здобил велосипедистот констатирани во Градската општа болница „Св.Наум Охридски“ Скопје. За настанот бил известен јавен обвинител, информираат од полицијата.

Извршен бил увид од увидна екипа од СВР Скопје. 

Кражба во Центар – украле велосипед, клучеви и автомобил

Кражба во скопската населба Центар. Скопјанка преку социјалните мрежи апелира за помош за пронаоѓање на сторителите.

Кражбата се случила завчера попладне, во куќа во центарот на Скопје, каде живеат пензионери.

„Другари вчера вечер помеѓу 12:30ч и 02:40 на ул. Христо Смирненски позади универзална сала извршена е кражба во Куќа додека во неа Мирно Спијат луѓе над 70 години! Украден е точак Giant, клучеви од Кола Suzuki Swift црвена боја-слика во постот.Крадецот си оди прво со точакот па околу 2:37ч, се враќа и ја краде колата( снимка од сосед)“, стои во фејсбук објавата.

Понатаму во објавата тие апелираат доколку некој ја забележи колата од фотографијата, веднаш да ги извести сопствениците или полицијата.

Популарно