Македонија останува без едно од трите природни езера, алармира професорот Трајковски

Професорот Дејан Трајковски, од Техничкиот факултет во Битола, преку објава на својот фејсбук профил алармира за исчезнување на едно од трите природни езера во земјава.

- Јули 2024. На Преспанско Езеро му се случува забрзано исчезнување. Во однос на ланскиот 5 јули, нивото е пониско за цели 39 cm, иако според досега воспоставената динамика на намалувањето беше очекувано намалување од околу 18-20 cm. При површина на езерото од околу 258 квадратни километри, за една година се неповратно изгубени околу 100 милиони кубни метри вода, од што половината се непланирани, односно повеќе од повеќегодишниот тренд. Истовремено може да се констатира дека количеството на снежни врнежи на планините минатата зима потфрлило, што директно се одразило и на езерото, констатира тој во својата објава.

Додава дека летнава сезона езерото ја започнува од многу ниска стартна позиција.

- До крајот на ноември, кога што се очекува годинешниот минимум, се очекува спуштање на нивото за околу 55 cm, што може да го одведе нивото на нов стогодишен минимум, најмалку до кота -525 cm. Доколку се оствари ова ужасно сценарио поради отсуство на врнежи и при сегашната загуба на водата, ланскиот минимум би бил пробиен за дури 30-35 cm, анализира професорот Трајковски. 

Тука се работи за природна стихија што не можеме да ја сопреме, но доколку се сопре исцрпувањето на водата заради наводнување, можеме барем малку да го подзабавиме ова исчезнување на езерото пред нашите очи, алармира тој во својата анализа.

Внук со остар предмет ја нападнал сопствената баба во Штип

Внукот со остар предмет ја нападнал сопствената баба на која ѝ барал пари и накит.

- На 16.07.2024 во 10.20 часот во СВР Штип, 61-годишна жена од Штип пријавила дека околу 01.00 часот во семејната куќа во Штип, по претходна расправија, нејзиниот внук А.Ј.(23) од Штип агресивно се однесувал кон неа и со закана со остар предмет ѝ барал пари и накит, информираа денеска од полицијата. 

Се преземаат мерки за расчистување на случајот. 

(Фото) Падна дел од плафонот во ГТЦ

Од фотографиите што се појавија на социјалните мрежи може да се забележи како е паднат дел од плафонот во Градскиот трговски центар.

Долго време се зборуваше во јавноста за лошите услови во самиот трговски како и за се помалиот број на купувачи посебно во попладневните часови за целата оваа ситуација да кулуминира со паѓање на дел од плафонот.

Ова не е прв пат да падне дел плафонот во ГТЦ, и досега за среќа нема повредени случајни минувачи во ваквите инциденти.

Популарно