Прекини на повеќе локации низ Скопје: Скопските улици ќе останат без струја, но и без вода

Вести

на 7.2024

ЕВН известува дека поради планирани зафати во електро дистрибутивната мрежа денеска (четврток), без напојување со електрична енергија ќе останат:

- од 08:00 до 12:00 часот, корисниците од ул. Христо Татарчев, крак – 15 (општина Кисела Вода);

- од 09:00 до 11:00 часот, корисниците од ул. Партение Зографски, дел од ул. Востаничка, ул. Димитар Беровски и дел од ул. Црниче (општина Кисела Вода);

- од 09:00 до 13:00 часот, корисниците од дел од ул. Народни Херои (општина Кисела Вода);

- од 09:00 до 13:00 часот, корисниците од ул. Дамаска (општина Карпош);

- од 09:00 до 13:30 часот, корисниците од дел од с. Бардовци во близина на училиштето (општина Карпош);

- од 13:30 до 15:00 часот, корисниците од дел ул. Џумајска (општина Карпош).

Регионалниот центар за управување со кризи на Град Скопје, по добиеното известување од ЈП Водовод и канализација - Скопје, ги известува граѓаните дека, денеска (четврток):

- Поради промена на затворач на водоводна мрежа со пречник од Ф80мм на ул.Александар Бујнов бр.8 во населба Бутел, од 07:00 часот до завршување на интервенцијата, прекинато водоснабдување ќе имаат корисниците од улиците: Александар Бујнов, Душко Поповиќ, Пребондова, Томе Пуре и дел од ул. Петар Манџуков (општина Бутел) 

- Поради уличен дефект на водоводна мрежа со пречник од Ф-100мм на ул.Ташко Караџа бр. 12 во населба Автокоманда, од 07:30 часот до санирање на дефектот, прекинато водоснабдување ќе имаат корисниците од улиците: Ташко Караџа, Трифун Хаџи Јанев, Христо Ботев и Бапчор (општина Гази Баба)

- Поради отстранување дефект во шахта на вентил од Ф-6/4цола, на ул. Манапо бр. 5, од 08:00 часот до санирање на дефектот, прекинато водоснабдување ќе имаат корисниците од улиците: Манапо, Струма, Пелистерска, Огражден и Радика (општина Карпош).

Белгија е првата земја во ЕУ која ќе користи специјален дрон за транспорт на крв за болниците

Свет

пред една недела

За прв пат во Белгија патнички дрон транспортираше крв за потребите на болница, објави порталот Фокус на Белгија.

Белгискиот сајт оцени дека од технички аспект е отворен патот за економски, еколошки и ефикасно извршување на сложени медицински транспорти во секојдневниот живот, за кои традиционално се користат хеликоптери или лесни авиони. Сепак, од правен аспект, тоа сè уште не е можно.

Пробниот лет се одржа во близина на Лимбург во фламанскиот дел на Белгија. Беспилотното летало, со две патнички седишта и 16 електромотори и пропелери, летал до 130 километри на час за 30 минути.

Дронот поминал 2,6 километри без пилот со пакети крв. Авионот е дело на белгиската компанија Хеликс.

Овој авион е прилагоден за брз транспорт на крв до болници или во случај на обезбедување итна помош на недостапни места.

Сепак, законодавството во областа на сообраќајот во Европската унија сè уште не држи чекор со технологијата и иновациите во тој сектор, но пробниот лет е чекор во вистинската насока, објави порталот.

Правник ја искина универзитетската дипломата по предлогот на власта за измени на КЗ

Македонија

пред една недела

Дипломиран правник ја искина дипломата по информацијата дека Владата на Собранието му предложи измени на Кривичниот законик со кои се намалуваат затворските казни за кривичното дело Злоупотреба на службената положба и овластувања. Имено, на социјалната мрежа Фејсбук, правник објави фотографија од искината универзитетска диплома, истакнувајќи дека се срами каде завршил факултет.

„После предложените измени на Кривичниот законик дефинитивно се срамам каде сум завршил Факултет. Оваа диплома повеќе не ми е битна. Пи*ка Ви Матер“, стои во описот на објавената фотографија. 

Популарно