Младиот Леонид Индов е пациентот кој успешно беше пренесен со хеликоптер од Виена до Скопје

Вести

пред еден месец

Во текот на вчерашниот ден, доцна попладне, беше реализиран транспорт со хеликоптер на младиот Леонид Индов, кој беше на лекување во Виена, Австрија, а за кого на 10 јули 2024 година од неговиот татко беше упатено барањето до Центарот за управување со кризи, за воздухопловен транспорт.

Во хеликоптерот на МВР се става специфична медицинска опрема согласно можностите, а и медицински персонал, за транспорт на болни и повредени.

Во координација помеѓу Министерството за внатрешни работи и Министерството за здравство на барањето беше позитивно одговорено и вчера се изврши реализација натранспортот со хеликоптер опремен со соодветни медицинска опрема и персонал, од Виена, Австрија до Скопје, Република Северна Македонија.

Инаку, ова е прв ваков воздухопловен транспорт во нашата држава, на лице заболено од параплегија (со неможност за движење на екстремитетите, а дише со помош на подвижен респиратор и кој е поврзан со катетер).

Транспортот со хеликоптер, се остварува согласно договорот за соработка и транспорт на болни лица помеѓу Министерството за внатрешни работи и Министерството за здравство, на 6 февруари 2024 година од Скопје, за транспорт на конкретното болно лице, Леонид, до клиниката во Виена, Австрија на лекување.

Пронајдени шест тела на мигранти близу Сицилија

Свет

пред еден час

Се претпоставува дека телата им припаѓаат на некои од пријавените 21 исчезнати мигранти при бродолом на почетокот на септември

Италијанската крајбрежна стража пронајде шест во близина на брегот на Сицилија. Властите засега само претпоставуваат дека станува збор за дел од исчезнатите луѓе на брод со мигранти кој потона на почетокот на месецот. Според исказите на преживеаните, како изчезнати се водат 21 лице.

Во средата италијанските власти објавија дека нашле група од седум луѓе, сите мажи со пасош од Сирија, во полу-потонат брод. Преживеаните им кажале на спасувачите дека тргнале од Либија на 1 септември, со вкупно 28 лица на бродот. Меѓу патниците имало и три деца. Ги фатило невреме од кое 21 патник паднал во морето.

Италијанските медиуми објавуваат дека засега само се претпоставува дека денеска најдените тела се дел од 21 исчезнати патници, меѓудругото и поради координатите на локацијата на која се најдени.

Средниот Медитеран е една од најсмртоносните мигрантски рути во светот. Според Агенцијата за миграција на Обединетите нации, над 2 500 мигранти загинале или се исчезнати во обид да поминат кон Западна Европа само минатата година. Од почетокот на оваа година, избројани се 1 116 жртви.

Според бројките на Министерството за внатрешни работи на Италија, пак, само годинава на околу 43 000 мигранти им успеало да го поминат Средоземното море и да стигнат до италијанско копно. Иако бројката изгледа голема, таа е многу пониска споредено со минати години.

Тешко повреден мотоциклист во сообраќајка во Неготино

Црна хроника

пред 3 часа

Со тешки повреди се здобил мотоциклист при судир со возило „пасат" вечерва во Неготино. Информацијата за МИА ја потврди портпаролката на СВР Велес, Биљана Ѓаковска.

- Вечерва во 20:45 часот во ОВР Неготино било пријавено дека на крстосницата од улиците „Идустриска" и ,,Маршал Тито" се случила сообраќајна несреќа меѓу мотоцикл „сузуки" со кавадаречки регистарски ознаки, управуван од А.К.(54) од Кавадарици и патничко возило „пасат“ со регистарски ознаки од Виница, управувано од Ф.А.(29) од Виница. Во несреќата со тешки телесни повреди се здобил возачот на мотоциклот, констатирани во болницата во Кавадарци, појасни Ѓаковска.

Увид на местото на несреќата извршила увидна екипа од Одделението за внатрешни работи од Неготино.

Пет опасни криминалци се на слобода: Избегале од строго обезбеден затвор во Португалија

Свет

пред 14 часа

Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.

Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.

Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.

Затворот Вале де Жудеуш е строго обезбеден и има капацитет од 560 затвореници.