Скопјанка го сподели своето непријатно искуство со напад од улично куче на пешачка патека во скопски Карпош. Таа била на прошетка со своето бебе, а завршила со модринки и рани на стомак за само неколку секунди.
- Гриз од куче скитник… Булевар 8 септември, среда 04.09…21:15-20
На прошетка со бебето неполни 40 дена, на стаза наменета за пешаци, каде што ПРИТОА нема никакво осветлување.
Гледам слика пред мене од затрчано куче и се запрашивам дали оди накај мене или према нешто друго. Ни 2 ни 3, во секунда се фрла на мене, ме каса по стомак и ме бутка на земја. Паѓам. Како што паѓам паѓа и количката во која се наоѓа син ми, паѓа од количка СРЕЌА на мека исушена трева, лазам по тревата да го фатам за да не го повреди, го зимам во раце и СРЕЌА некако ништо не му се беше случило. Две девојки позади мене ми ги слушнаа врисоците и де стрчаа да ми помогнат…
И до кога вака со кучињава пуштени како во дивина а во главен град, без никакви сериозни мерки?
Скраја да е! - сподели таа на својто фејсбук профил каде ги повика надлежните да го решат овој проблем.
