Доктор Даниловски појасни за новите смртни случаи од ковид: „Не лажете, не починале од корона“

Вести

пред еден ден

Докторот Драган Даниловски сподели детално објаснување за податоците за заболени од Ковид-19.

Според него, насловите објавени во медиумите се лажни.

„НЕ ГО ОБМАНУВАЈТЕ НАРОДОТ! Врие денес „Мрежата” од наслови кои соопштуваат дека четири лица починале од Ковид-19 минатата недела! Сите лажат! Не починале ОД Ковид-19. Починале СО Ковид-19.

Во извештајот на Институтот за јавно здравје јасно и разбирливо си пишува:

„Во текот на минатата недела (09-15.09.2024), пријавени се 4 починати лица асоцирани со КОВИД-19, од Скопје (2), Битола и Тетово. Сите починати лица се на возраст над 70 години, 3 од нив се починати во болнички услови, а кај 3 лица се регистрирани коморбидитети. Сите лица се невакцинирани против КОВИД-19.” Што значи ова? Ова значи дека починале од некоја своја хронична болест (тоа е основната причина за смрт), а Ковид-19 бил само придружна (асоцирана) состојба (болест) која го забрзала настапувањето на смртта.

А тоа понатаму значи: Ковид-19 не смее да се наведе како ,,основна причина за смрт”, туку само како „асоцирана” (придружна).

Накратко:Ниту еден од четирите починати минатата недела не умрел од Ковид-19! (Иако биле заразени!)

Медиуми, портали, поединци и други, не вознемирувајте го народот со лажни вести!

Намерно ли е тоа или од незнаење? Сменете ги насловите, „ако ви е вистината мила”!“, напиша тој на Фејсбук.

Млад скопјанец среде ноќ каснат од куче во Ченто

Вести

пред 31 минути

Среде ноќ млад скопјанец пријавил дека бил нападнат од улично куче во Гази Баба.

Денеска (19.09.2024) во 01.45 часот во Полициската станица Гази Баба, М.М.(19) од Скопје пријавил дека на ул.„Методија Андонов Ченто“ во Скопје бил каснат од куче скитник, соопштија од полицијата.

Жена е тешко повредена во сообраќајката што вчера се случи кај клучката Хиподром

Вести

пред еден час

МВР со детали за сообраќајката која вчера се случи во близина на клучката Хиподром.

- На 18.09.2024 во 06.00 часот во СВР Скопје било пријавено дека на автопатот Куманово – Скопје, во близина на клучката „Хиподром“, патничко возило „рено“ со скопски регистарски ознаки, управувано од Т.Н.(59) од село Ајватовци, скопско, излетало надвор од коловозот. Во несреќата со тешки телесни повреди се здобила Т.Н., констатирани во Градската општа болница „Св.Наум Охридски“ во Скопје, стои во полицискиот билтен.

Извршен бил увид од увидна екипа од СВР Скопје.

Утре и задутре „Пастрамалијада“ во Штип - Петар Грашо ќе биде главна ѕвезда

Вести

пред 3 часа

Утре и задутре во Штип ќе се одржи 16. издание на манифестацијата „Пастрамалијада“.

Како што беше соопштенео на прес-конференција новата локација за оваа манифестација е улицата „Ванчо Прќе“, а со голем број гости и изведувачи, пастрмајлии и добри вибрации се очекува масовна посетеност и одлична забава.

И годинава ќе се одржи традиционалното сечење на џиновската пастрамајлија, како и натпревар во брзо јадење.

- Имаме одлични изведувачи, пред се македонски изведувачи. Имаме и нова локација, ова е трета локација по ред на улицата „Ванчо Прќе“. Мислам дека ќе биде најдобро оваа година, оти ќе биде во центарот, ќе биде масовно и ќе има мнолгу вибрации, вели Миро Кацаров кој е дел од организацијата.

Македонски и странски ѕвезди и годинава ќе бидат дел од пастрмалијадата, со што ќе се понуди забава за сите генерации од седум до 77 години.

- Петок настапуваат Антонија Гиговска, Дани Димитровска која се прослави на „Макфест“, ФИС бенд и ѕвезди на вечерта се Лексингтон бенд. Саботата се Дупер бенд, Жаре бербер, Јордан Митев и Петар Грашо, информираше Кацаров. Годинава за првпат ќе има и денски забави на едносмерната улица, традиционално околу 30 тезги кои ќе нудат пастрмајлии и пијалоци.