Арена Спорт го раскинува договорот со ФФМ, не сакаат да вршат пренос од „циркус“

Вести

пред 12 месеци

Регионалниот ТВ гигант Арена Спорт ќе го раскине договорот со ФФМ и повеќе нема да биде присутна во Македонија пренесува Спортспорт.

Оваа ТВ куќа натпреварите во ПМФЛ ги смета за „циркус“ и повеќе не им е од интерес да вршат преноси. Во изминативе 8 кола колку што трае македонското првенство Арена Спорт нема пренесено ниту еден фудбалски натпревар. Со ова нема преноси ниту на МТВ која превземаше од Арена Спорт.

Инаку во изминатите три сезони можевме да гледаме мак – фудбал на тој начин, преку Арена Спорт и МТВ. Сега веќе нема да биде така, барем извесно време.

Засега останува можноста да се следат преносите на Вардар и Брера, кога и двата клуба се домаќини и тоа преку ТВ Спортклуб, исто така регионален ТВ гигант.

(Фото) Патниците во оваа скопска населба наоѓале мир и си ја враќале силата

Скопје

пред еден ден

Приказната за општината Kисела Вода е дека кон крајот на 18 век, на источната страна на денешната општина Kисела Вода, се откриени извори на минерална, кисела вода, кои бликале под карпата на поранешен каменолом.

Патниците таму наоѓале мир и си ја враќале силата за патот што ги очекувал, па полека почнало да се раскажува дека водата е лековита и има исцелителска моќ. Подоцна населението изворот го регулирал со три чешми. До него се изградени црквите „Свети Ѓорѓија“ и „Свети Никита“, а општината почнала да се вика Kисела Вода.

Кисела Вода е  општина во градот Скопје. Зафаќа површина од 46,86 км2 и се простира во југоисточниот дел на Скопската котлина. Таа се граничи со општина Центар како и со ноформираните општини Аеродром, Студеничани и Сопиште. Според податоците од последниот попис на територијата на Општина Кисела Вода има вкупно население од 58.216 жители од кои 91,2% се Македонци. На територијата на општината функционираат 13 месни заедници.

Во рамките на општината егзистираат повеќе спортски клубови кои успешно се натпреваруваат во сите македонски лиги. Во границите на Општина Кисела Вода постојат повеќе цркви и манастири кои се главна туристичка дестинација во овој регион.

Белгија е првата земја во ЕУ која ќе користи специјален дрон за транспорт на крв за болниците

Свет

пред една недела

За прв пат во Белгија патнички дрон транспортираше крв за потребите на болница, објави порталот Фокус на Белгија.

Белгискиот сајт оцени дека од технички аспект е отворен патот за економски, еколошки и ефикасно извршување на сложени медицински транспорти во секојдневниот живот, за кои традиционално се користат хеликоптери или лесни авиони. Сепак, од правен аспект, тоа сè уште не е можно.

Пробниот лет се одржа во близина на Лимбург во фламанскиот дел на Белгија. Беспилотното летало, со две патнички седишта и 16 електромотори и пропелери, летал до 130 километри на час за 30 минути.

Дронот поминал 2,6 километри без пилот со пакети крв. Авионот е дело на белгиската компанија Хеликс.

Овој авион е прилагоден за брз транспорт на крв до болници или во случај на обезбедување итна помош на недостапни места.

Сепак, законодавството во областа на сообраќајот во Европската унија сè уште не држи чекор со технологијата и иновациите во тој сектор, но пробниот лет е чекор во вистинската насока, објави порталот.

Популарно