Британската консултантска компанија Хенли & Партнерс го рангираше македонскиот пасош на 40-то место според индексот на најмоќни патни исправи во светот за 2025 година, и со него може да се патува во 129 земји во светот.

Индексот на Хенли & Партнерс е најчесто цитираното рангирање на пасоши и се заснова на официјални податоци од Меѓународната асоцијација за воздушен транспорт (ИАТА). Примарниот одлучувачки фактор за одредување колку е „моќен“ пасошот е во колку земји може да се влезе со него без виза.

Македонија го дели 40. место со Црна Гора и Маршалските Острови. Од регионот најдобро позиционирани се Грција на шестото и  Словенија на 10 место. Хрватска е на 11-то, Бугарија е 15-та, Србија 34-та. Пасошот на Албанија е на 43 позиција, на Босна и Хрцеговина на 44, а на Косово е 63-ти.

Најмоќниот пасош во светот го има Сингапур, бидејќи овозможува патување без визи во вкупно 195 од 227 држави и територии ширум светот. Втор е јапонскиот пасош (193 земји), на третото место се Финска, Франција, Германија, Италија, Јижна Кореја и Шпанија (192), на четврто се Австрија, Данска, Ирска, Луксембург, Холандија, Норвешка и Шведска (191), на петото се Белгија, Нов Зеланд, Португалија, Швајцарија и Велика Британија (190), шести се патните исправи на Австралија и Грција (189), седми Канада, Малта и Полска (188), а осми на Чешка и Унгрија (187). Американската патна исправа е на деветото место, што го дели со Естонија, чии граѓани без виза можат да патуваат во 186 земји, а листата на топ 10 најмоќни пасоши ја заокружуваат Летонија, Литванија, Словенија и Обединетите Арапски Емирати.

На дното на листата се Ирак чии граѓани можат без визи да патуваат во 31 земја, Сирија – во 27 и Авганистан – во 26 земји.

Основачот на компанијата „Мета“ , Марк Закерберг која ги опфаќа платформите Фејсбук, Инстаграм и Тред пред неколку дена најави дека ќе ги укине услугите на фактчекерите поради цензурата која ја наметнале на овие платформи.

Овие промени според Закерберг ќе почнат најпрво во САД и ќе имаат за цел да ја закајнат слободата на говор. Според основачот на „Мета“, фактчекерите се политички пристрасни и создаваат недоберба наместо да ја градат.

На нивно место, компанијата ќе воведе механизми за ангажман на корисниците за да обезбедат контекст и информации за спорните објави, слично на пристапот што го користи платформата Икс, сопственост на Илон Маск.

„Мета“ ќе ги олабави рестрикциите за теми како имиграцијата и родовите прашања, кои, според Закерберг, се подалеку од мејнстрим дискурсот. Компанијата ќе соработува со претседателот Доналд Трамп за да се спротивстави на законските ограничувања на слободата на говор во различни делови од светот.

Закерберг ја критикувал Европа за „растечки број закони кои институционализираат цензура“, што, според него, ја отежнува иновацијата и развојот на дигиталните платформи.

„Мета“ моментално има повеќе од три милијарди корисници на глобално ниво. Со овие промени, компанијата очекува да го зајакне својот отпор кон ограничувањата што ги наметнуваат владите и да го поттикне плурализмот на своите платформи.

Новите политики се дел од пошироките напори на Закерберг да го реобликува дигиталниот пејзаж, поставувајќи ја „Мета“ како лидер во поддршката на слободниот говор.

Во меѓувреме во Македонија, македонските фактчекери изјавија разочараност од изјавите основачот на „Мета“. Во соопштението тие информираат дека силно ги осудуваат изјавите на Закерберг и посочуваат дека нивните членови истражувале и објавувале докази за лажни тврдења но во никој случај не вршеле „цензура“