Се судрија камион и „бмв“ на патот Куманово-Свети Николе, има повредени

Вести

пред 6 часа

Двајца мажи се тешко повредени во сообраќајка што се случила вчеравечер кај месноста викана Овче Поле, на регионалниот пат Куманово-Свети Николе.

- На 10.01.2025 околу 20 часот во Полициската станица Свети Николе, било пријавено дека на регионалниот пат Куманово-Свети Николе-Овче Поле, кај место викано „Оранжерии“ се случила сообраќајна несреќа помеѓу патничко возило „бмв“ со бугарски национални ознаки, управувано од Д.Ц.(39) од Свети Николе и товарно возило „фиат“ со неготински регистарски ознаки, управувано од С.Т.(63) од Неготино. Во несреќата со тешки телесни повреди се здобиле возачот С.Т. и неговиот сопатник С.К.(58) од Р.Србија, констатирани во Клиничката болница Штип, информираа од полицијата.

Извршен бил увид од увидна екипа од ОВР Свети Николе.

Уапсени двајца млади скопјани во Центар, полицијата ги фати со кокаин

Вести

пред еден час

Две млади лица фатени со кокаин во центарот на Скопје.

- На 09.01.2025 во 14.40 часот во Скопје, на подрачјето на Центар, полициски службеници од Единицата за интервентна полиција при СВР Скопје ги лишиле од слобода З.Т.(23) и Ф.Т.(26), двајцата од Скопје, затоа што кај нив била пронајден и одземен кокаин. Од страна на Единицата за недозволена трговија при СВР Скопје на 10.01.2025 против лицата е поднесена кривична пријава по чл.215 од КЗ, а од страна на судија на претходна постапка на Ф.Т. му е одредена мерка притвор, а на З.Т. изречени му се мерки на претпазливост, соопштија од полицијата.

Во Скопје уапсен Турчин кој избегал од затвор, треба да „отлежи“ 23 години

Вести

пред 3 часа

Вчера околу 18.30 часот од страна на полициски службеници од Секторот за меѓународна полициска соработка- Отсек потраги, по претходно преземени оперативни мерки, на ул.„Бапчор“ во Скопје лишен од слобода е А.С. (44) од Анкара, Турција. кој бил баран со меѓународна потерница од Интерпол-Турција поради бегство од затвор во Турција, соопштија од полицијата.

А.С. е осуден на казна затвор во траење од 23 години, еден месец и 15 дена за сторени кривични дела измама и навлегување во компјутерски систем, а за доиздржување има 18 години, девет месеци и 13 денови.

А.С. е предаден на надлежниот суд, за понатамошна постапка околу екстрадицијата во Турција.