(Фото) Малолетни вандали ја уништуваат урбаната опрема на плоштадот „Делфина“ во Влае, вчера мета им бил метален контејнер

Вести

пред 8 месеци

Вчера среде бел ден околу 16 часот гупа од неколку малолетни вандали го демолирале специјалниот метален контејнер наменет за складирање на токсичен отпад од батерии, акумулатори и делови од расипани електронски уреди, кои не смеат да се мешаат со обичниот отпад и мораат соодветно да се одложат и складираат со посебна процедура поставен на плоштадот „Делфина“ во Влае.

Како што пренесува „Курир“ ова не е прв пат ваков вандалски чин да се случува на овој плоштад. Урбаната опрема станува мета на посебно во летниот период кој наместо тоа место да им биде за забава и релаксација тие решаваат своите фрустрации да ги истурат врз урбанат опрема поставена од страна на општината, па дури се корнат и бекатон плочки. Мета на вандалите било и игралиштето за деца со посебни потреби, донација од Холандската амбасада вредно десетици илјади евра.

Жителите од околината велат дека спасот е или во чуварница или полицијата почесто да патролира во тој дел на градот.

Времето денеска ќе биде сончево со мала до умерена облачност

Македонија

пред 2 дена

Времето денеска ќе биде сончево со мала до умерена облачност, која ќе биде поголема во западните делови каде што ќе има услови за појава на краткотраен дожд. Ќе дува слаб до умерен ветер претежно од северозападен правец.

Максималната температура ќе биде во интервал од 22 до 30 степени. УВ индексот ќе достигне 6.

Во Скопје и околината ќе биде сончево со мала до умерена облачност и со слаб претежно северозападен ветер. Максималната температура ќе достигне до 27 степени.

(Фото) Патниците во оваа скопска населба наоѓале мир и си ја враќале силата

Скопје

пред 4 дена

Приказната за општината Kисела Вода е дека кон крајот на 18 век, на источната страна на денешната општина Kисела Вода, се откриени извори на минерална, кисела вода, кои бликале под карпата на поранешен каменолом.

Патниците таму наоѓале мир и си ја враќале силата за патот што ги очекувал, па полека почнало да се раскажува дека водата е лековита и има исцелителска моќ. Подоцна населението изворот го регулирал со три чешми. До него се изградени црквите „Свети Ѓорѓија“ и „Свети Никита“, а општината почнала да се вика Kисела Вода.

Кисела Вода е општина во градот Скопје. Зафаќа површина од 46,86 км2 и се простира во југоисточниот дел на Скопската котлина. Таа се граничи со општина Центар како и со ноформираните општини Аеродром, Студеничани и Сопиште. Според податоците од последниот попис на територијата на Општина Кисела Вода има вкупно население од 58.216 жители од кои 91,2% се Македонци. На територијата на општината функционираат 13 месни заедници.

Во рамките на општината егзистираат повеќе спортски клубови кои успешно се натпреваруваат во сите македонски лиги. Во границите на Општина Кисела Вода постојат повеќе цркви и манастири кои се главна туристичка дестинација во овој регион.