ФОТО: Играше за Барселона, но на теренот единствен Македонец беше Кирил Лазаров

Спорт

на 11.2015

Македонскиот ракометен шампион Вардар вчера за прв пат оваа сезона беше поразен на свој терен. Виновник за тоа беше тимот на Барселоба со нашиот Кире Лазаров на своја страна.

По тој повод, на својот официјален Фејсбук профил се „јави“ и Стевче Алушовски, долгогодишен член на репрезентацијата, каде беше соиграч со Лазаров.

„И разбирливи се овациите за Кире Лазаров и тоа што пола јавно, а пола скришно на трибини потскокнуваа на неговите голови. Се подзабораваа, подвикнуваа, па брзо седнуваа, да не испадне дека во дресови за Вардар навиваат за Барселона. Наш е, го сакаме, македонската публика го сака и се гордее со капитенот во дресот на најмоќниот европски клуб. Впрочем, во поголемиот дел од натпреварот, Лазаров беше и единствениот Македонец, долу на теренот“, напиша Алушовски.

Митревски блескаше на голот во португалското дерби

Спорт

пред 4 часа

Македонскиот голман повторно блескаше во дресот на Порто кој триумфираше на гостински терен во дербито на португалското ракометно првенство против Спортинг со 37:35.

Нашиот чувар на мрежата придонесе во победата со девет одбрани.

На табелата Спортинг има 40 бодови, пред Порто со 38, следуваат Бенфика (34) и Брага (28).

Македонија има нов светски шампион

Спорт

пред 2 дена

Македонија има нов светски шампион! Бобан Илиоски го победи Берк Дузенли во првата професионална битка за појас во „ВАКО Про АФН 9“ и по аматерските трофеи, се закити со признание и во професионалните води. Илиоски во борбата во дисциплината К1 успеа да ја исполни зацртаната цел и стана професионален кик-бокс шампион.

Илиоски во пет рунди беше подобар од турскиот ривал на големиот светски настап кој се одржа во СЦ „Јане Сандански“. Македонецот имаше проблеми против Дузенли кој беше расположен во првите неколку рунди, меѓутоа потоа успеа да воспостави контрола. Илиоски добро се бранеше, го одби противничкиот налет и со удари од дистанца собра доволно бодови.

Откако немаше нокаут во петте рунди, одлуката остана на судиите, а спикерот го прогласи Илиоски за победник на одушевување на присутните во салата. За македонскиот кик-боксер ова е најголем успех во досегашната кариера, откако претходно стана светски и европски првак во ВАКО аматерските натпреварувања.

Пред одлично пополнети трибини во скопската сала Македонија доби нов првак на професионално ниво. Во поддршка на својот другар Бобан Илиоски дојдоа и навивачите на Вардар, верните „Комити“ во солидна бројка.

Лазаров доби нов помошник во репрезентацијата

Спорт

пред 3 дена

Поранешниот репрезентативец Стојанче Стоилов ќе биде дел од стручниот штаб на машката репрезентација на Македонија.

Тој и претходно беше дел во неколку наврати од подготовките на националниот тим откако ја заврши репрезентативната кариера, но сега ќе биде во улога на асистент.

Ова е четврти екс репрезентативец кој влегува во стручниот штаб на селекторот Кире Лазаров по Бранко Ангеловски, Ацо Јоновски и Филип Миркуловски.

Машката репрезентација ја очекува двомеч со Фарски Острови за пласман на СП 2025 година во Хрватска, Данска и Норвешка.

Првиот натпревар се игра во Торшавн на 8 мај од 20:00 часот, додека реваншот е во Скопје на 12 мај од 19:00 часот