Вардар го посрами Рајн Нехар во Германија

Спорт

на 2.2015

Рајн Нехар 27-35 Вардар

Дербито на колото во ракометната лига на шампиони, мечот што решаваше коој ќе го освои второто место во групата, меѓу Рај Нехар и Вардар, воопшто не беше дерби. Иако германците беа апсолутни фаворити, Вардарците го одиграа мечот на сезоната и го посрамија германскиот состав.

Уште од самиот старт Вардар тргна одлично, па за само неколку минути имаше предност од 3-0 и подоцна 5-1, по што се виде дека ова ќе биде црно црвеа вечер. Напразно беа тајмаутите и промените на играчи во составот на домаќинот. Ништо не помагаша, па ни сомнителните судиски одлуки во нивна корист.

Вардар на полувреме замина со +8, а највисоката преднос од дури 11+ ја имаше во вториот дел. Потоа следеше опуштање , па германците не доживеаа катастрофа, иако и пораз со 8 разлика на домашен терен не е далеку од тоа.

Целиот состав на Вардар одигра одличен меч, но ако мора да издвоиме некого, тоа би биле Караџиќ, Дибиров, Штебик...

Митревски блескаше на голот во португалското дерби

Спорт

пред една недела

Македонскиот голман повторно блескаше во дресот на Порто кој триумфираше на гостински терен во дербито на португалското ракометно првенство против Спортинг со 37:35.

Нашиот чувар на мрежата придонесе во победата со девет одбрани.

На табелата Спортинг има 40 бодови, пред Порто со 38, следуваат Бенфика (34) и Брага (28).

Македонија има нов светски шампион

Спорт

пред една недела

Македонија има нов светски шампион! Бобан Илиоски го победи Берк Дузенли во првата професионална битка за појас во „ВАКО Про АФН 9“ и по аматерските трофеи, се закити со признание и во професионалните води. Илиоски во борбата во дисциплината К1 успеа да ја исполни зацртаната цел и стана професионален кик-бокс шампион.

Илиоски во пет рунди беше подобар од турскиот ривал на големиот светски настап кој се одржа во СЦ „Јане Сандански“. Македонецот имаше проблеми против Дузенли кој беше расположен во првите неколку рунди, меѓутоа потоа успеа да воспостави контрола. Илиоски добро се бранеше, го одби противничкиот налет и со удари од дистанца собра доволно бодови.

Откако немаше нокаут во петте рунди, одлуката остана на судиите, а спикерот го прогласи Илиоски за победник на одушевување на присутните во салата. За македонскиот кик-боксер ова е најголем успех во досегашната кариера, откако претходно стана светски и европски првак во ВАКО аматерските натпреварувања.

Пред одлично пополнети трибини во скопската сала Македонија доби нов првак на професионално ниво. Во поддршка на својот другар Бобан Илиоски дојдоа и навивачите на Вардар, верните „Комити“ во солидна бројка.

Лазаров доби нов помошник во репрезентацијата

Спорт

пред една недела

Поранешниот репрезентативец Стојанче Стоилов ќе биде дел од стручниот штаб на машката репрезентација на Македонија.

Тој и претходно беше дел во неколку наврати од подготовките на националниот тим откако ја заврши репрезентативната кариера, но сега ќе биде во улога на асистент.

Ова е четврти екс репрезентативец кој влегува во стручниот штаб на селекторот Кире Лазаров по Бранко Ангеловски, Ацо Јоновски и Филип Миркуловски.

Машката репрезентација ја очекува двомеч со Фарски Острови за пласман на СП 2025 година во Хрватска, Данска и Норвешка.

Првиот натпревар се игра во Торшавн на 8 мај од 20:00 часот, додека реваншот е во Скопје на 12 мај од 19:00 часот