Фленсбург 24-22 Вардар

Вардар повеќе не е изненадување во ракометна Европа. Кога една екипа ќе елиминира или победи еден фаворит, станува збор за изненадување, но кога ќе одигра цела сезона на исто ниво, во која ќе се сретне со најскапиот тим во светот ПСЖ, со најдобрата екипа во светот Барселона и кога ќе го прати дома европскиот првак Хамбург, повеќе не може да стане збор за изненадување. Станува збор за вистинска стратегија, максимална борбеност и неспорен квалитет.

Денеска Вардар загуби, но резултатот е повеќе и од позитивен. На гости, против големиот Фленсбург, пораз од два гола разлика е и повеќе од посакуван. Со најслабата партија на Дибиров во црвено црниот дрес, одлична тактика на германците потив Алекс Душебав, но и со инзворедните Карачиќ и пред се Ангелов, Вардар сонот наречен Фајналфор го доближи до реалноста.

Можеа црвецрните денаска да го победат Фленсбург, но заиграа германците многу погрубо во вториот дел, а судиите го дозволија тоа. 10 минути не постигнавме гол, па Фленсбург водеше и со највисоки 4 разлика. Сепак не дозволи Диви вардарци да бркаат голема разлика во Скопје. Бранеше се, од 9, од 6, од крило, од пикер, ќе го запомнат презимето Англеов и бројот на дресот сите во салата.

Пред мечот, тренерот на Фленсбург посака поголема разлика од 5 гола за реваншот во Скопје, инаку рече дека ќе биде многу тешко во Борис Трајковски. Го знаеме и ние тоа и едвај чекаме да ги видиме црвено црните во реваншот и на Фајналфор турнирот.