Откако го загуби својот пулен Тоше Проески, кој го сакаше како свое дете, неговата менаџерка Љиљана Петровиќ сосема се повлече од јавниот живот и шоу бизнисот во Македонија, но и во Србија.
Таа мирот го најде во својот роден крај, на Сува Планина кај Бела Паланка, и таму ја оствари својата желба, да направи плантажа на лаванда, растение кое е многу ценето во индустријата за лекови, храна и козметика.
Нејзината органска плантажа на 600.000 растенија вистинска лаванда (Lavandula officinalis) се простира на повеќе од 27 хектари, со што е една од трите најголеми плантажи во Европа.
На плантажата има многу работа која започнува во март, а завршува во доцна есен. Вработите работат со полно работно време и уште многу други се ангажираат како сезонски работници.
На самата плантажа Љиља има и оддел за дестилација каде веднаш ги преработуваат и дестилираат набраните растенија.
Погледнете го видеото и видете како тоа изгледа во живо:
