Овој пат светлата на рефлекторите ги украде Амбер Роуз, поранешната девојка на Канје Ветс. Меѓутоа, старлетата има оправдана причина за ваква комбинација.

Поранешната стриптизета пред неколку години покренала движење кое се бори за рамноправност на жените, сексуална правда и против негативно етикетирање на жените и окривување на жртвите на сексуално насилство. На ова ја поттикнал “совет“ на еден полицаец кој на група студентки им кажал да не се облекуваат провокативно (како проститутки)  доколку не сакаат да  бидат жртви на сексуално насилство.

Неодамна во Лос Анџелес е организиран  “Прошетка на проститутките“, со цел  да се крене свеста за овие проблеми, а Амбер гордо шетала речиси гола.

На собирот била главна атракција бидејќи се појавила во ултра кус, длабоко деколтиран фустан со гол грб, кожни чизми преку колениците и самолепливи чорапи.

Вака оскудно облечена Амбер носела транспарент на кој пишувало „Моја ваги*а, моја работа“.

Цел живот се соочувам со коментарите дека сум евтина и лесна жена. Ова е мојата поддршка на сите жени кои се соочуваат со истите проблеми“, кажала Амбер.