Јосипа Лисац и Карло Метикош се запознале во далечната 1971 година, а љубовта им се случила на прв поглед.
И по 25 години од смртта на Карло, Јосипа и понатаму на секој настап и на секоја минута се присетува на својот сопруг, му пишува писма, го сака… Вели дека никогаш не помислила на друг маж.
– Па така се погледнавме и од тогаш сме заедно, рекла Јосипа во едно интервју.
Се запознале во 1971, кога неговата светска кариера само што почнала да се гради. Беше познат како Мет Колинс, настапуваше по целиот свет и имаше армиија обожавателки. Денес хрватската музичка легенда Јосипа Лисац, пак, тогш ги правеше првите чекори како југословенска рокенрол дива. Никогаш не се венчаа, иако 20 години не се одделија еден од друг.
– Никогаш не разговаравме онака монструозно како денес што слушам кога луѓето разговараат. Никогаш еден кон друг не сме се опцуле или да си треснеме врата. Што имавме ќе си кажевме веднаш, ништо не остававме за подоцна. Се решававме со разговор. Кога некој од нас беше изнервиран или под стрес, другиот ќе го крене, така се менувавме и функциониравме, напишала Јосипа Лисац на Инстаграм за својата најголема љубов.
Карло почина на 10 декември 1991 година од срцев удар.
Но, ни смртта не успеала да ги раздели. Пејачката вели дека нема минута, а да не помисли на него. Секој нејзин концерт му е посветен нему и на нивната вечна љубов.
