Капитенот на Металург и еден од најталентираните ракометари на македонската репрезентација Филип Талески потпиша договор со германскиот шампион Рајн Некар Левен, кој ке стапи на сила од јуни 2018 година.

Младиот бомбандер потпиша тригодишен договор, откако пред неколку недели ги мина медицинските тестови. Талески досега играше само за македоската машина за таленти – Металург, а од оваа година е и капитен на тимот, со што со своите 20 години стана најмладиот капитен на еден ракометен клуб кој се натпреварувал во ЕХФ Лигата на шампионите.

Кариерата ја почна во 2009 година во Металург 2, но се до 2014 година добиваше и шанса во тогаш моќниот Металург, од 2014 година е незаменлив во редовите на македонскиот вице-шампион, а сега веќе и во националниот дрес.

Левиот бек ќе му биде соиграч на колегата од репрезентацијата, и поранешниот колега од Металург левото крило Дејан Манасков.