Четири часа траеше големото карневалско дефиле во Струмица на кое своите маски ги претставија повеќе од 2.000 учесници од земјава и странство. Разновидни креации и музичко-сценски настапи, презентираа карневалџиите, потсетувајки дека Струмица е балканскиот Рио со својот раскош, убавина и посетеност.

Плоштадот „Гоце Делчев“ беше светот во мало на кој се презентираа повеќе култури и традиции на домашните и карневалските групи од Москва, Бугарија, Албанија, Србија, Црна Гора, Аруба, Бугарија.