Македонската дијаспора во Торонто, Канада, годинава повторно се собрала во црквата „Св. Климент Охридски“ за изборот „Мис и мистер Валентајн“ по повод Денот на вљубените.
Со македонски ора тие го прославуваат овој празник секоја година и веројатно преминува во традиција. Момците и девојките, кои се веќе тинејџери, носат на себе бројки, а на крајот од церемонијата прогласуваат двајца победници.
Додека ги носат броевите, се играат ора, се пеат македонски песни, а на крајот секој од кандидатите се претставува со име, презиме, од кој крај на Македонија се неговите родители и како го замислува својот совршен љубовен состанок.
Годинава за мистер беше избран Веле Тошевски, а за мис беше избрана Џенифер Рашкоска.
Претставувањето на кандидатите е после шестата минута, а прогласувањето на победниците е на 14. минута.