ОВЕН

Денес ќе се чувствувате напнато. Ве обзема нервоза и како да не знаете како да се справите сами со себе. Може да дојде до застој во работата што дополнително ќе ве исфрустрира. Наместо да се самосожалувате, обидете се да се смирите и да најдете начин да излезете од моменталната криза. Помладите овни и сите оние што се слободни ќе имаат можност да запознаат некој што ќе им се допадне. Не пропуштајте ја поканата за дружење.

БИК

Доколку имате сопствен бизнис, искористете го овој период за контакти. Можно е некој роднина да ви овозможи многу важна средба со личност која ќе ви помогне во работата. Ако имате некои неразрешени проблеми во врска со некој имот или наследство, ова е вистинско време да преземете нешто конкретно. Ако не сакате да влезете во расправии без почеток и крај, сменете го однесувањето кон партнерот. Време е да направите компромис.

БЛИЗНАЦИ

Многу сте активни и комуникативни. Постојано сте во движење и работите околу вас се менуваат со голема брзина. Ако имате сопствен бизнис, искористете ги своите пет минути и не дозволувајте конкуренцијата да преземе дел од вашите работи. Имате наплив на енергија и тоа треба да го искористите на најдобар начин. Флертувате на сите страни и постојано се појавуваат нови личности кои се заинтересирани за вас. Но, вие во моментов сте заинтересирани само за забава.

РАК

Внимавајте пред кого зборувате и што зборувате. Многу се лажете ако мислите дека сите ви се пријатели. Некој би можел да ја искористи вашата искреност. Фокусирајте се на финансиите и побрзо завршете го она што ви заостанало. Ако планирате да влезете во некој ризик, прво добро размислете. Некои работи би можеле да се свртат против вас. Ако сте сами, чувствувате внатрешен притисок и имате потреба да се повлечете. Личноста што ви се допаѓа воопшто не го забележува тоа.

ЛАВ

Полни сте со енергија и опкружени сте со многу пријатели. Искористете го ентузијазмот да си ги подобрите односите со соработниците. Се она што го работите со љубов сега ќе има успех. Ако сте сами, ова е вистински период за љубов. Постои можност да запознаете личност каква што одамна сонувате. Уживајте во убавите моменти и не размислувајте што ќе биде понатаму. Ако планирате годишен одмор, ова е вистинско време да го направите тоа.

ДЕВИЦА

Кај вас се се одвива во тајност. Малку сте одвоени од секојдневието и како да живеете во некој свој свет. Доколку се занимавате со медицина или на некој начин сте поврзани со некои методи на лекување, ова е идеално време за истражување. Тешко воспоставувате нови познанства и се повеќе се вртите кон старата љубов. Морате добро да размислите пред да направите чекор во тој правец. Партнерските односи ви се добри и имате поддршка од него.

ВАГА

Денес може да бидете изненадени од крајниот исход на една работа. Веројатно ќе морате да вложите дополнителен напор за да го завршите она што сте го започнале. На крај ќе сфатите дека не треба да се прават компромиси по секоја цена. Понекогаш треба цврсто да се држите за својот став и да не попуштате. Ако сте слободни може да ви се допадне една личност која не е слободна. Не се однесувајте како сите лаѓи да ви потонале. Во овој период ве очекуваат уште интересни познанства.

СКОРПИЈА

Ако работите во некоја државна фирма или се занимавате со административни работи, ова е одличен период за вас. Може да се случи да добиете унапредување или ако веќе се наоѓате на висока положба, може да добиете зголемување на платата. Опуштете се и не создавајте дополнителни обврски. Потребата да направите нешто повеќе ги оптоварува партнерските односи. Ако сте сами, веќе подолго време сте во контакт со една личност која не може да ви обезбеди иднина каква што посакувате.

СТРЕЛЕЦ

Имате одлична шанса да патувате и да се надградувате. Дел од стрелците ќе добијат можност да студираат во странство. Ова е одлично време за сите што сакаат да го дооформат образованието. Доколку соработувате со странски фирми, очекувајте успех. Ако сте слободни, се чувствувате емотивно празни. Имате чувство дека љубовта се случува далеку од вас и дека таму нема место за вас. Но, не сте во право. Вашето однесување ги одбива потенцијалните партнери.

ЈАРЕЦ

Ако се занимавате со банкарство, финансии и со инвестирање, очекувајте поволно решение на некоја работа што е започната уште пред неколку месеци. Останатите јарци мораат да внимаваат на комуникацијата. Бидете претпазливи кога испраќате пораки зашто можат да стигнат на погрешна адреса. Партнерот е нервозен и многу му пречи тоа што премногу се потпирате на него. Ќе морате да преземете дел од семејните обврски доколку не сакате да дојде до расправии.

ВОДОЛИЈА

Доколку сте на раководна положба или се занимавате со медицина, можно е денес да добиете шанса која долго ја очекувате. Водолиите кои се занимаваат со јавна работа ќе имаат можност да го кажат своето мислење. Бидете претпазливи и не избрзувајте со изјавите. Незадоволството од емотивниот живот расте. Чувствувате дека ви се потребни промени, но не знаете како да го направите тоа. Ако сте слободни, можно е да добиете порака од бившиот партнер.

РИБИ

Денес ќе се чувствувате како ѕвезда. Очите на колегите ќе бидат свртени кон вас и сите ќе очекуваат да донесете некое решение кое ќе биде поволно за сите. Имате преземено преголема одговорност и тоа може да ве направи емотивно нестабилни. Морате да сфатите дека вие сте одговорни единствено за себе и за никој друг. Ако сте слободни, постои можност во вашиот живот да влезе нова личност. За разлика од порано, сега сте емотивно подготвени за сериозна врска.