ФОТО: Погледнете колку чинат 2 нескафиња, вода, лежалки и чадор во Сарти

Иако пуштија муабет дека сите цени се покачени во Грција, веројатно тоа не важи за Сарти на вториот крак на Халкидики. Нес кафе со вода и лежалка и чадор се исто како и лани 2 ипол евра или 150 денари. Скапо или не?

13936847_10157323249485613_1842926553_n

Испратено од Сашо

ФОТО: По 11 години повторно имаме рис

Првпат по 11 години истражување на балканскиот рис, тимот на Македонско еколошко друштво (МЕД) успеа да слика младо од рис. Во февруари истражувачкиот тим на Програмата за закрепнување на балканскиот рис успеал да постави ГПС околувратник на првата женка рис досега. Обележаната женка која го добила името Маја го одвела тимот до нејзиното дувло и го покажала најскапоцениот податок до сега – здраво младо рисче. Првите фотографии од младенчето балкански рис ги направил членот на мониторинг мрежата за балканскиот рис, Панајот Чоровски од Кичево. 
 

- Неверојатна радост е да прв да видиш младо рисче, особена чест ми беше да ја споделам информацијата со моите колеги и сите кои се грижат за заучувањето на ова неверојатно животно - вели Чоровски.

Ова рисче е надежта која ѝ е потребна на малата популација на балкански рисови во Македонија, велат од МЕД. 

- Се надеваме дека преку неговото и следењето на неговата мајка ќе успееме да ги добиеме податоците кои недостигаа досега. Овие податоци ќе ни помогнат за го разбереме животот на младите рисови во Македонија за да можеме да ги зачуваме -велат членовите на Програмата за закрепнување на балканскиот рис којашто ја спроведува МЕД.

Статусот на балканскиот рис е критично загрозен бидејќи бројот на возрасни единки способни за репродукција е помал од 50 и според стандардите на Меѓународната унија за заштита на природата, на праг е да биде целосно исчезнат од нашата фауна. Балканскиот рис за прв пат се најде на (IUCN) на 19 ноември 2015 година. Најзначајните закани за опстанокот на рисот се: криволовот, драстичното намалување на неговиот плен и уништување и фрагментација на неговите станишта. 

Програмата за закрепнување на балканскиот рис, меѓу другото, веќе десет години се обидува да го спречи овој негативен тренд. Резултатите од интензивниот мониторинг покажаа дека барем во јадровите подрачја, Националниот Парк Маврово и планината Мунела во Албанија, ова опаѓање е запрено. Секако, опстанокот на балканскиот рис ќе зависи не само од овие, туку и од сите останати подрачја на Балканот кои поседуваат погодни станишта за рисот и неговиот плен. 

Програмата е финансирана од фондацијата МАВА од Швајцарија и се спроведува во соработка со фондацијата Еуронатур од Германија и организацијата КОРА од Швајцарија како и здруженијата ППНЕА од Албанија, ЕРА и Финч од Косово и ЦЗИП од Црна Гора
 

ФОТО: (Не) забрането пушење во клиничи центар

На комплексот клиники ‘‘Мајка Тереза‘‘, поточно во хируршкиот центар пушењето не е забрането. Преку фотографиите кој ни ги испрати читател и неговото сведочење на самите скали во клиниката нема никаков проблем да се запали цигара.
-Тоа го прават сите, пациенти, посетители и медицински персонал. Дури имаат ставено и шишиња со вода каде може да ги гасат цигарите. Страшното е тоа што самите луѓе дури одпушоците ги фрлаат на подот без да ги изгасат и така оставени горат.- изјави анонимниот испраќач.
Се надеваме дека новата влада ќе биде поригорозна по ова прашање и ќе најде решение за сите пушачи кој мора да бидат таму.
 

Популарно