Помеѓу гостите на венчавката на Џорџ Клуни била и неговата сестра Аделина Зејидлер која со атрактивниот и шармантен актер нема апсолутно ништо заедничко, па некој лесно би можел да си помисли дека е натрапник.
Аделина во друштвото на својот брат и младоженец Клуни со брод стигнала до хотелот каде што се одржала свадбената церемонија каде што ги чекале родителите Ник и Нина Клуни.
Аделина Зејидлер (53), позната и како Ада Клуни, е постарата сестра на Џорџ Клуни, но нејзиниот животен стил воопшто не е така гламурозен како оној на брат и'.
Ада работи како сметководител во Кентаки, каде што живеат и нивните родители и има две дечиња. Во едно поранешно интервју Ада открила дека не била присутна на првата венчавка на Џорџ Клуни во 1989-та година кога Клуни се ожени со актерката Талија Балсам бидејќи, како што изјавила, "за свадбата дознала од весниците".
Taa исто така ракажала дека со брат си комуницира само преку email бидејќи го нема бројот на неговиот мобилен телефон и дека се гледаат само еднаш годишно кога Клуни ќе дојде во посета кај родителите.
"Го немам неговиот број на мобилен телефон бидејќи не би сакала да го изгубам телефонот, па некој после тоа да го злоупотреби. Тој може да ми се јави и понекогаш ми се јавува, но и на двајцата ни е полесно да се допишуваме преку email", изјавила тогаш Ада.