Новогодишен хороскоп

Хороскоп

на 12.2016

ОВЕН

Празниците можат сериозно да го нарушат вашиот буџет, но деновиве не треба да мислите на тоа. За да се опуштите, најдете начин да ги поминете празниците поскромно. Ако планирате да патувате, деновиве ќе заборавите на она што е зад вас и ќе се препуштите на новите доживувања. Почетокот на новата година секогаш носи нова енергија. Искористете ја енергијата и оптимизмот што го имате, за да бидете подготвени за пријатните изненадувања што ве очекуваат во кариерата.

БИК

За време на празниците ќе се потрудите на членовите на семејството да им надоместите се што мислите дека сте пропуштиле во изминатиот период. Поради тоа размислувате овие три дена да ги поминете покрај море или езеро. Ако сте слободни, на повидок е романса. Следните неколку дена ќе имате можност да се дружите со една необична личност која во вас ќе разбуди романтични чувства. Затоа дотерајте се најубаво што можете и отидете на некое место каде што има добра забава.

БЛИЗНАЦИ

Вие сте личност на која не и недостасува друштво. Секогаш сте опкружени со луѓе кои го бараат вашето внимание. Така ќе биде и за време на празниците. Но, деновиве нема да уживате во толпата. Ќе имате потреба да се повлечете и да се одморите. Викендов ќе ви помине во дружење со домашни пријатели. Тие ќе ви помогнат да ги растерате црните мисли. Не анализирајте премногу, се ќе биде како што сте планирале. Можеби ќе причекате до крајот на јануари, но на крај ќе биде така како што сакате.

РАК

Ах, колку соништа чекате да ви се остварат во новата година. Слободно сонувајте, медитирајте и уживајте во празниците. Можно е до вас да дојде информација која долго ја очекувате. Во прашање се некои пари од кои веќе сте се откажале. Тоа што сте се откажале не значи дека нема да знаете како да ги потрошите. Ако имате можност, деновиве посетете некој СПА-центар. Тоа многу ќе придонесе за вашето психичко и физичко здравје.

ЛАВ

Атмосферата во домот ќе биде хаотична. Расположението ќе се менува секој момент. Ова се должи на зголемената емотивност на вашиот партнер. Тој ќе се чувствува несфатено. Обидете се да разговарате и да објасните дека не сте нечувствителни иако делувате така. За да го задоволите партнерот, ќе направите се за да се почувствува новогодишната атмосфера и празниците да ги поминете без конфликти.

ДЕВИЦА

Метежот и бучавата ви пречат и не се пронаоѓате во тој вид на забава. Повеќе сакате новогодишната ноќ да ја поминете во кругот на семејството и да се релаксирате. Деновиве партнерот ќе биде романтично расположен. Искористете го неговото расположение и внесете свежина во врската. Предложете му романтична прошетка или вечера во некој ресторан заедно со пријателите. Дружете се и не размислувајте за здравјето.

ВАГА

Драги ваги, искористете ги овие денови во ваш стил. Не дозволувајте никој и ништо да ви го расипе расположението. Ова е ваша година, ваш месец, ваш ден. Потрудете се дипломатски да се однесувате кон партнерот. Неговата ексцентричност ве вади од такт, но правете се дека тоа не ви пречи. Ако сте слободни, можно е во новогодишната ноќ да запознаете нова личност. Ова познанство има шанса да прерасне во нешто сериозно.

СКОРПИЈА

До последен момент нема да знаете каде и како ќе ја поминете новогодишната ноќ. Вие честопати имате шанса да се забавувате, така што оваа вечер нема да биде нешто што многу ви значи. Вашиот партнер после подолго време се чувствува релаксирано и затоа не се враќајте на минатото. Време е да отворите нова страница и сериозно да почнете да работите на вашата врска. Во следната година очекувајте многу љубов и надминување на финансиските проблеми.

СТРЕЛЕЦ

Вашите пријатели во новогодишната ноќ ќе забележат промени кај вас. Се работи за промена на вашиот изглед. На секој чекор ќе добивате комплименти. Тоа уште повеќе ќе ви ја зголеми самодовербата и ќе ја зголеми вашата популарност во друштвото. Ако сте во подолга врска или брак, времето поминато со партнерот ќе биде многу пријатно и интересно. Можно е да отпатувате на неколку дена и да се опуштите. Ако сте слободни, можно е да сретнете некој што ќе ви ја одбележи следната година.

ЈАРЕЦ

Ова е ваш месец и нормално е да сјаете со полн сјај. Деновиве ќе бидете задоволни и полни со себе. За време на празниците ќе имате желба да излезете надвор и да ја дочекате новогодишната ноќ опкружени со многу луѓе. Опуштете се и облечете нешто поинакво, повесело, во повеќе бои. Ослободете се од конзервативноста што ви е вродена и дозволете си малку озборување. Никој нема да смета дека сте несериозни ако го сторите тоа.

ВОДОЛИЈА

Иако сте секогаш подготвени за патување и за нова авантура, за време на празниците најубаво ќе се чувствувате дома. Ќе посакате да бидете сами за да можете на мир да размислите за се. Веќе подолго време атмосферата во вашиот дом ви е чудна. Имате чувство дека вашите домашни нешто кријат од вас. Оние што се сами, ќе имаат можност за флерт. Во следната година можете да очекувате многу промени и на личен и на емотивен план.

РИБИ

За време на празниците ќе бидете многу романтично расположени. Викендот ќе го поминете со децата или со партнерот објаснувајќи им колку ги сакате. Веројатно ќе посакате да отидете со нив на некое место покрај вода каде што освен фамилијарна атмосфера има и добра храна. Слободните риби во следните неколку дена ќе имаат можност да сретнат личност која многу ќе се разликува од личностите што досега ги среќавале. Тие ќе бидат привлечени од шармот и интелигенцијата на новиот познаник.

Ова се двата најинтелигентни хороскопски знаци

Хороскоп

пред 4 часа

Без разлика дали сте авторитетен Овен или грижлив Рак, секој хороскопски знак има свои најпривлечни квалитети. Овие астролошки читања можат да предвидат сè, од вашата романтична компатибилност до вашето здравје.

Но, кога станува збор за интелигенција, кој знак го презеде тронот?

Имено, Водолијата и Скорпијата се најпаметните хороскопски знаци, велат астролозите, но поради две сосема различни причини.

Луѓето родени во знакот Водолија имаат највисоко ниво на аналитичка интелигенција, која се мери со когнитивните способности и коефициентот на интелигенција.

Скорпиите, од друга страна, имаат попребирлив ум; тие се најдобри во реалното оценување и разбирање на светот како целина.

Тоа не значи дека другите знаци не се интелигентни на свој начин. Всушност, Близнаците и Вагата имаат и многу когнитивни способности, додека Ракот и Рибите се емотивно најинтелигентни; со други зборови, тие се одлични во препознавање и судење на сопствените и туѓите чувства.

Од друга страна, земјените знаци Бик, Девица и Јарец покажуваат практична интелигенција, а огнените знаци Овен, Лав и Стрелец имаат тенденција да бидат најинтуитивни, што ги прави повеќе склони кон ризик.

Ова се три хороскопски знаци кои се вистински нарциси

Хороскоп

пред 7 часа

Хороскопот открива многу за нашиот карактер.

Тој ги открива нашите добри и лоши страни. Сите се сакаме себеси и понекогаш сакаме да бидеме во центарот на вниманието, но постојат три знаци кои се вистински нарциси.

Овен

Овните се познати по својата импулсивност, упорност и желба за внимание. Тие се способни да направат драма од ништо и не само што не им е важно како ќе изгледа тоа во вашите очи, туку и се полни со себе кога тоа ќе се случи. Сакаат да бидат доживеани како храбри и единствени и веруваат дека се многу подобри од останатите. Никој не знае ништо подобро од нив.

Лав

Родените во овој знак се познати по својата драматична природа и потреба за внимание. Тие живеат за моментите кога се во центар на вниманието и тогаш се чувствуваат како ѕвезди. Нивната самоувереност често се изразува како нарцисоидност бидејќи тие сакаат да зборуваат за својот успех, но и тоа колку се сакани и ценети.

Стрелец

Стрелците се познати по својата независност и спонтаност. Ја сакаат слободата и сметаат дека не мораат за ништо да им се објаснуваат на другите. Но, нивната постојана желба за авантура може да направи да сметаат дека само нивните искуства се важни и дека со самото тоа тие се подобри од другите кои не живеат на ист начин.

Дневен Хороскоп

Хороскоп

пред 16 часа

ОВЕН

Можеби се запрашувате какви обврски ве очекуваат на работно поле. Не ви е лесно да дојдете до извесност кога станува збор за работата. Ќе успеете да ја освоите личноста која ви се допаѓа. Можни се проблеми поврзани со кашлица.

БИК

Заземете еден одреден став и борете се за него до крај. Не ја расфрлајте својата енергија на споредни цели. Ако сакате промени многу е важно да му покажете на партнерот во која насока размислувате. Чувствителен предел на градниот кош.

БЛИЗНАЦИ

Можете да очекувате стабилна ситуација на работно поле. Имате можност да дојде до добра соработка. Доколку сте слободни, може да се надевате на ново познанство. Денот е поволен и за зафатените. Водете сметка за исхраната.

РАК

Доколку се пред вас нови случувања подгответе многу енергија за промени. Нема да биде лесно. Ве очекува можност да влезете во љубовна врска со личност кон која имате одредени симпатии. Можни се проблеми со притисокот.

ЛАВ

Финансиската ситуација може да биде позитивна ако се потрудите да донесете правилни одлуки. Сакате да му ги покажете на вашиот партнер своите искрени емоции. Време е вашата врска да напредува. Поволен период за почеток на диета.

ДЕВИЦА

Можно е потпишување на договор. Разгледајте ги сите ставки пред да се одлучите на таков чекор. Сакате да направите промени на ова поле и многу ви е важно саканата личност да размислува во тој правец. Избегнувајте цигари.

ВАГА

Слушајте ја својата интуиција и потрудете се да се посветите на работата максимално. Време е да се насочите кон нови работни задачи. Ова не е поволен ден, ве очекува разочарување поврзано со нова личност во вашиот живот. Можни се проблеми со нервниот систем.

ШКОРПИЈА

Обидете се да одржите стабилна состојба на работно поле. Дајте си време да научите нови тајни на својот занат. Имате впечаток дека партнерот е ладен кон вас. Можно е да дојде до прекинување на врската. Склони сте кон депресија.

СТРЕЛЕЦ

Не е поволен ден за вас на работно поле. Може да очекувате некои компликации. Ви се отвора можност да ја освоите личноста кон која имате емоции уште од минатото. Внимавајте на црниот дроб и панкреасот.

ЈАРЕЦ

Можно е да се трудите да дојде до промени, но сѐ уште не можете да успеете во тоа. Покажете малку трпение. Се појавуваат нови проблеми помеѓу вас и саканата личност и не ви е лесно да се носите со нив. Потребна ви е масажа.

ВОДОЛИЈА

Размислувате за започнување нов бизнис но како сѐ уште да не сте подготвени за тој чекор. Доаѓате до контакт со личност која ќе посака сериозна врска. Дали сте подготвени да и го овозможите тоа? Здравствената состојба е сѐ подобра.

РИБИ

Ви се нуди можност за напредување и секако треба да ја искористите шансата. Ви изгледа дека партнерот не се поставил фер кон вас и тоа не ви се допаѓа. Можни се проблеми со забите.