Прекинато првото заседание на новиот парламентарен состав

Првото заседание на деветиот парламентарен состав е прекинато, додека до пратениците не биде доставен Извештајот за резултатите од изборите и освоените мандати на Државната изборна комисија од Верификациската комисија, која заседава.

На конститутивната седница на Собранието на Република Македонија присуствуваат 118 од 120-те избрани пратеници на предвремените парламентарни избори што се одржаа на 11 декември. Првото заседание на деветиот парламентарен состав е прекинато, додека до пратениците не биде доставен Извештајот за резултатите од изборите и освоените мандати на Државната изборна комисија од Верификациската комисија, која заседава.

Со седницата претседава претседателот на Собранието во заминување Трајко Вељаноски. Како негови заменици беа назначени пратениците Стојан Миланов и Јусуф Хасани.

За претседател на Верификациската комисија беше избран Влатко Ѓорчев, а членови се Петре Шилегов, Реџаиљ Исмаили, Фадил Зејнели и Сурија Рушити.

Оливер Спасовски, од коалицијата предводена од СДСМ, во процедурална забелешка рече дека Вељаноски не треба да претседава со седницата заради тоа што и според праламентарната пракса и според Деловникот, со неа треба да раководи најстариот пратеник. Спасовски рече дека Вељаноски се повикува на промената на Деловникот од 2008 година, но оти по изборите после тоа сепак конститутивна седница ја водел највозрасниот пратеник.

Зошто воведувате нови стандарди во парламентарната демократија во Македонија, но тоа не е страно за вас. Не треба да продолжите по стариот терк со кршење на Деловникот и со едно насилие, рече Спасовски.

Вељаноски кусо одговори дека има разлика во праксата и во спроведувањето на Деловникот. Јас мислам дека Деловникот преовладува во работата и така треба да направиме, рече Вељаноски.

На дневен ред на првата собраниска седница се избор на претседател и членови на Верификациската комисија, верификација на мандатите на пратениците, избор на претседател, заменик на претседателот, членови и нивни заменици на Комисијата за прашања на изборите и именувањата и избор на претседател на Собранието на Република Македонија.

На конститутивната седница не присуствуваат само двајцата новозибрани праници од ДПА.

На седницата присуствуваат високи претставници на верските заедници, на судската власт, на МАНУ, дипломатскиот кор...

Најмногу пратеници во деветиот парламентарен состав ќе има коалицијата предводена од ВМРО-ДПМНЕ 51, коалицијата предводена од СДСМ има 49 мандати, ДУИ 10, Беса - 5, Алијанса на Албанците - 3 и ДПА - 2. Во овој парламентарен состав нема да има народни избраници од дијаспората поради недоволен број гласови.

Апасиев: Еве една БОМБА за Заев!

Професорот Димитар Апасиев, денеска на својот Фејсбук профил објави, акко што тој вели „правна бомба“ до премиерот Заев и неговите советници. Во прилог на својот статус, Апасиев прикаќи одлука на уставниот суд на Македонија од 2002 година, со која се докажува надлежноста на судот над законот за ратификација за договорот со Грција. 

- За сите оние преплатени, а боси „специјални советници“ на Премиерот кои грешно го советуваат дека Уставниот суд на РМ не е надлежен за оценување на меѓународните договори - еве им една ПРАВНА БОМБА од 2002, кога своевремено истите овие кускулиња во правото го советуваа и Љубчо Георгиевки  ;)

p.s. Уставниот суд веќе има укинато БИЛАТЕРАЛЕН ДОГОВОР и тоа баш со Грција! И ако шверцерски го објавите Законот за ратификација на „Преспанскиот договор“ без потпис од Претседателот на Републиката, пак ќе го укине  😘

#НаЗдравјеБричењеНезнајковци

#НемојтеДаРечетеДекаНеСтеЗнаеле

#КнигиТребитЧитање

ВИДЕО: Собранието го изгласа договорот со Грција - сите гласаа ЗА

Сите присутни  69 пратеници гласаа „за“ ратификација на Договорот со Грција за решавање на долгогодишниот спор за името.

Премиерот Заев пред самото гласање се обрати пред пратениците и соопшти дека Североатлантскиот совет донел политичка одлука, поканата за НАТО за Македонија да биде ставена на дневен ред на самитот.

Тој на крајот им се заблагодари на сите граѓани, на помалите етнички групи за поддршката, како и на министрите кои биле вклучени во целиот преговарачки процес. Заев им се заблагодари на на опозицијата и претседателот на државата, кои како што рече биле во овој процес. На крајот, се заблагодари и на како што ги нарече партнерите во Грција, со кои постигнале Договор кој е од корист за двете страни.

Најави дека сега на земјата и претстој процес на реформи и економски напредок.

-Покривот се поправа додека грее сонце, а не додека врне дожд или снег. Ајде да го поправиме и да го ставиме покривот на нашата заеднничка Македонија Да не дозволиме тој никогаш да ни прокиснува. По денешното гласање, референдумот, уставните измени и ратификацијата во Грција, сонцето ќе изгрее, но дали ќе не огрее нас и нашите деца. Затоа да бидеме исправени пред одлуката и конечно да бидеме нормална земја, со тапија, која ќе биде еднаква со сите, ќе го јакне нашиот идентитет и ќе бидеме горди граѓани на нашата Македонија, рече Заев.

Со Договорот официјално име ќе биде Република Северна Македонија, јазикот македонски и идентитетот Македонски/ граѓани на Репулика Северна Македонија.

Премиерот Зоан Заев во воведното обраќање ги повика граѓаните да гласаат за Договорот на рефрендумот, бидејќи како што рече „потпишавме договор со кој се означува почеток на крајот на неизвесноста и на трауматичен период со кој постигнавме достоинствено решение на двете страни . Имаме договор со јасни обележја на македонскиот јазик и идентитет. Го заштитуваме идентитетот за век и векови“, кажа Заев.

ВМРО ДПМНЕ не присуствува на седницата, зашто според нив, овој Договор е штетен и капитулантски, а власта го прекршила Уставот и процедурите за да го ратификува.

По ратификацијата на Договорот македонските власти треба да ја известат Грција дека Договорот е ратификуван во Парламентот, по што Атина ќе испрати известување до Европскиот совет и до генералниот секратар на НАТО дека веќе нема пречки за вроатлантската интеграција на земјава.

Европскиот совет одлучува на самитот на 28 јуни дали ќе ни додели датум за почеток на преговорите на Македонија со ЕУ.

Во вторник седница ќе има Советот за општи работи на министрите за надвореши работи на земјите членки на ЕУ во Луксембург кога исто така ќе се одлучува за пристапните преговори на Македонија.

Иванов: Го повикувам Заев да покрене постапка за импичмент

Претседателот на Република Македонија, Ѓорге Иванов го повикува премиерот Зоран Заев веднаш да покрене постапка за импичмент, најгалсувајќи дека неговиот став во однос на договорот за името е конечен и останува непроменет.

„Го повикувам г. Заев со истото двотретинско мнозинство кое е неопходно за менување на Уставот на Република Македонија, веднаш да покрене постапка за утврдување на одговорност на претседателот на Републиката, односно импичмент. Мојот став во однос на штетниот договор за името е конечен и останува непроменет и покрај сите искажани закани и притисоци“, стои во пишаната изјава до медиумите на претседателот Иванов, во врска со вчерашната изјава на премиерот во емисијата „Само Вистина“ на Канал 5 Телевизија.

Иванов во пишаната изјава реагира на, како што е наведено, сите изнесени невистини и закани од страна на претседателот на Владата на Република Македонија, Зоран Заев, во емисијата „Само Вистина“ на Канал 5 Телевизија.

Популарно