Трагедија во средно училиште во Скопје: Матурантка почина на час

Вчера во 18.30 часот од Ургентен центар Скопје во ЕИК Скопје било пријавено дека во ГУЦ „Здравко Цветковски“, на час по Историја, на ученичката А.А. (18) од Скопје во еден момент и се слошило, по што паднала од столчето.

По неуспешниот обид од професорите да ја освестат била повикана Итна медицинска помош, кои се обиделе да ја реанимираат, но не успеале.

После тоа истата била пренесена во Ургентен центар каде од страна на лекар била констатирана смрт.

Скопје: Застана автобус и го нападнал возачот со безбол палка

Д.А.(33) со автомобил „Застава“ му го пресекол патот на автобусот на ЈСП број 24, управуван од М.И. (52), при што излегол од возилото, искршил еден од прозорците на автобусот и физички го нападнал М.И. со дрвена безбол палка во пределот на главата, во инцидентот што се случил вчера на улицата „Народни Херои“ во близина на крстосницата со улица „Ѓорѓи Димитров“ во Скопје.

Нападот бил пријавен во полиција вчера околу 14.15 часот. Д.А. бил лишен од слобода од страна на полициски службеници и приведен во полициската станица Кисела Вода за понатамошна постапка.

Студентка тепана и горена со цигари по рака во студенсткиот дом „Гоце Делчев“

Дваесет и едногодишна студентка од Радовиш, која престојува во студентскиот дом „Гоце Делчев“ во Скопје, вчера околу 17 часот пријавила дека физички била малтретирана.

Според информациите на полицијата, лицето М.Ѓ. ја заклучил во соба, ја влечел за рака, ја горел со цигари и ѝ упатувал навредливи зборови.

Девојчето се здобило со изгореници на десната рака.

Се преземаат мерки за расчистување на случајот.

Жена во Скопје се претставувала како мајка на Валерија Зафировска и барала пари!

Измамничка која се претставувала како мајка на седумгодишната Валерија Зафировска, за која изминатава недела се собраа средства за лекување во Турција, им се претставувала на скопјани како мајка на девојчето и им барала пари, пишува Фокус.мк.

Марина Зафировска, мајка на седумгодишната Валерија од Штип, за која деновиве се собраа 40.000 евра за операција на клиника во Турција, пред еден час на својот Фејсбук профил испрати предупредување до јавноста, дека во Скопје жена оди од врата на врата и лажно се претставува со нејзиното име.

Според сознанијата кои ги имала Зафировска, непознатата жена барала пари од граѓаните, тврдејќи дека е мајка на Валерија.

„До сите пријатели! Имаме дојава дека некоја жена оди во Скопје, поточно во Тафталиџе 2 од врата на врата и се претставува како мајка на Валерија и собира пари со изговор дека и требаат за престој во Турција. Жената немала никаква идентификација. Значи, средствата за Валерија се собрани. Нека и прости Господ на таа жена што ова го злоупотребува и се претставува како мајка на моето дете“ – апелираше Зафировска.

Таа денес ги уплатила средствата од донациите кои ја надминале сумата која им е потребна за лекување, на сметките на две дечиња, кои за исто така во тек се хуманитарни акции.

Целата статија прочитајте ја на Фокус.мк

Популарно