Антиќ ја раскажа својата приказна и откри зошто му замерува на Стефанов

Спорт

на 10.2014

По јавните препукувања помеѓу големите имиња во македонската кошарка, Перо Антиќ и Врбица Стефанов и денешната прес конференција на новиот тренер на МЗТ Скопје, Антиќ реши да објасни каде е проблемот. Кошаркарот во изјава за Курир.мк објаснува зошто почна цела расправа со Стефонов.

Ова е изјавата во целост:

Перо Антиќ лажел и манипулирал во македонската репресентација со цел да не тренира, не сум ни знаел што значи зборот капитен и слични дегутантни работи што ги изнесе човекот што не се замарал со мојот лик и дело на прес-конференција?! Моите резултати како капитен немам што да ги дискутирам, има видеа на јутјуб од пречекот на мојата репрезентација. Никогаш немам земано денар од репрезентација, сум играл повреден, сум жртвувал многу и не сум имал задни намери да играм за КФМ да ми помагаат во мои матни нерасчистени бизниси.

Си ја напуштил репрезантацијата заради размазеноста на Перо Антиќ?! Ти ја напушти репрезентацијата зошто луѓето од федерација не го ставија твојот другар за тренер на младински категории. Истиот ти не дојде никогаш на ниедна вечера, па пушти видео на јутјуб да се видиш дека само ти не се радуваш на терен.

Не треба ти да ја освестуваш македонската јавност, моето име и презиме си има тежина .Јас патам за медиумско внимание што си пишувам на мој профил на социјална мрежа што сакам, а ти на свикан прес пола саат ме плукаш!? Ништо не ти држи вода, со среќа на новото работно место и сконцентрирај се на него.

Јас секогаш во секое интервју мое ја истакнувам почитта спрема постарите, на секој Македонец млад играч сум направил се да му помогнам и за секого кој ми барале мислење сум кажувал се’ најдобро.Жал ми е што не можеш да го кажеш истото за себе. Јас ја завршувам шпанскава серија тука, тебе нека ти смислат твоите другари новинари што е следно после прес, секоја следна дискусија ќе ја префрлиме во други институции.

И за розевите исфарбани чорапи ке ти одговорев и за твојата способност како спортски директор на репрезентација, ама не сакам да вовлекувам други луѓе спрема кои имам полна почит. Не си ти наивен и не си станал играч од луѓе како мене, јас сум станал дежурен кривец од лицемерни ликови како тебе.

Поздрав голем тренеру

Митревски блескаше на голот во португалското дерби

Спорт

пред 3 дена

Македонскиот голман повторно блескаше во дресот на Порто кој триумфираше на гостински терен во дербито на португалското ракометно првенство против Спортинг со 37:35.

Нашиот чувар на мрежата придонесе во победата со девет одбрани.

На табелата Спортинг има 40 бодови, пред Порто со 38, следуваат Бенфика (34) и Брага (28).

Македонија има нов светски шампион

Спорт

пред 5 дена

Македонија има нов светски шампион! Бобан Илиоски го победи Берк Дузенли во првата професионална битка за појас во „ВАКО Про АФН 9“ и по аматерските трофеи, се закити со признание и во професионалните води. Илиоски во борбата во дисциплината К1 успеа да ја исполни зацртаната цел и стана професионален кик-бокс шампион.

Илиоски во пет рунди беше подобар од турскиот ривал на големиот светски настап кој се одржа во СЦ „Јане Сандански“. Македонецот имаше проблеми против Дузенли кој беше расположен во првите неколку рунди, меѓутоа потоа успеа да воспостави контрола. Илиоски добро се бранеше, го одби противничкиот налет и со удари од дистанца собра доволно бодови.

Откако немаше нокаут во петте рунди, одлуката остана на судиите, а спикерот го прогласи Илиоски за победник на одушевување на присутните во салата. За македонскиот кик-боксер ова е најголем успех во досегашната кариера, откако претходно стана светски и европски првак во ВАКО аматерските натпреварувања.

Пред одлично пополнети трибини во скопската сала Македонија доби нов првак на професионално ниво. Во поддршка на својот другар Бобан Илиоски дојдоа и навивачите на Вардар, верните „Комити“ во солидна бројка.

Лазаров доби нов помошник во репрезентацијата

Спорт

пред 6 дена

Поранешниот репрезентативец Стојанче Стоилов ќе биде дел од стручниот штаб на машката репрезентација на Македонија.

Тој и претходно беше дел во неколку наврати од подготовките на националниот тим откако ја заврши репрезентативната кариера, но сега ќе биде во улога на асистент.

Ова е четврти екс репрезентативец кој влегува во стручниот штаб на селекторот Кире Лазаров по Бранко Ангеловски, Ацо Јоновски и Филип Миркуловски.

Машката репрезентација ја очекува двомеч со Фарски Острови за пласман на СП 2025 година во Хрватска, Данска и Норвешка.

Првиот натпревар се игра во Торшавн на 8 мај од 20:00 часот, додека реваншот е во Скопје на 12 мај од 19:00 часот