Американскиот актер, Арнолд Шварценегер, беше нападнат за време на јавен настан во Јоханесбург.
На видеото објавено од медиумската платформа еNCA, се гледа како 71-годишниот Шварценегер стои и се слика со деца на спортски настан во Јоханесбург, кога одеднаш еден човек го удира одзади со нога во грб.Обезбедувањето веднаш го фати напаѓачот.
Набргу потоа, актерот насмевнат повторно се ракуваше со посетителите, а локацијата ја напушти во придружба на обезбедувањето.
„Ви благодарам што се грижите, но нема причина за тоа. Мислев дека толпата ме повлече, што често се случува. Сфатив дека бев удрен дури кога ја видов снимката. Мило ми е што тој идиот не го прекина мојот снепчет“, напиша Шварценегер на „Твитер“ во врска со инцидентот.
