Денеска, околу 11 часот и 30 минути, на аеродромот Петровец во Скопје, се превртел хеликоптер на МВР. Во несреќата, како што дознава Слободен печат, нема повредени.

Фотографијата од превртениот хеликоптер ни ја испратија од лице место вработени на аеродромот кои се вознемирени од немилиот настан.

Заменичката на министерот за внатрешни работи, Славјанка Петровска, во изјава за Слободен печат ја повтрди информацијата и рече дека нема жртви, ниту повредени, освен еден колега кој има гребнатинки.

Со повеќе информации МВР ќе излезе подоцна.