Заев: Не знам кои се „Кики“ и „Фрики“

Македонија

на 7.2019

Обид да избегне конкретен одговор на конкретно прашање – вака може да се прокоментира одговорот на премиерот Зоран Заев на новинарското прашање дали знае кои се Кики и Фрики од приказните на новинарот Бранко Героски за рекетот кој се покажа како вистинит. Тој втејќи од околу па на коше на крај избегна да каже дали разговарал со Кики и Фрики за нивната инволвираност за случајот Рекет за кој веќе се во притвор Бојан Јовановски – Боки 13 и Зоран Милески – Кичеец.

Конкретно, на денешната прес-конференција Заев од страна на новинар беше запрашан:

Дали имате сознанија за кои двајца високи функционери на СДСМ постојат сомневања дека биле инволвирани во случајот со Бојан Јовановски и го придружувале на состаноци со градоначалници од вашата партија. Или како што ги нарекуваше Бранко Героски во неговите колумни – Кики и Фрики, дали знаете кои се и дали сте разговарале со нив за нивната инволвираност.

На тоа Заев одговори:

-Јас сум запознаен од… Го коментирав тоа во парламентот, од градоначалничката од Битола, за конкретниот случај, како се одржал состанокот, што била намерата. Се доаѓа и се бара локација за старечки дом, Општината вели немаме таква намена, добро дали може да се пренамени. Отворете си постапка, со самоиницијатива можете да си направите да донесете генерален план, со генерален план се утврдуваат намените за старечки дом. Втората тема дали може тоа да биде ослободено од комуналии. Нормално, градоначалничката вика, ако е тоа во интерес на градот, обратете се до советниците, Советот одлучува. Советите на општините одлучувале за спортски терени, старечки домови,градинки, пколи и слично. Советот одлучува. До денденеска таму нема промени, ниту има таму промена на план, ниту ослободување од комуналии, односно нема реализација на таква идеја. Тоа се случувало. Секако во еден таков период, не можам јас точно да потврдам што тоа господинот Героски мисли, за кој случај точно мисли и слично. Би шпекулирал само со имињата, но, дефинитивно знам дека господинот Бојан Јовановски фружи со многу луѓе, со луѓе од владејачката партија, со луѓе од естрадата, со луѓе новинари, со луѓе од опозицијата, од сите. Така да мала ни е земјата и дружат со сите, но изговор не е некој ако направил нешто криминално, незаконски, дека тоа му е причина за незаконско или криминално дејствување. Секој што направл треба да одговара, уште еднаш ако тоа биде потврдено во нормална правна постапка со конкретни аргументи и докази.

Кучето кое беше злоставувано од сопственикот е на безбедно!

Македонија

пред 7 дена

За случајот МВР поднесе пријава против 59-годишен жител на Крива Паланка со иницијали З.М., кој го влечел кучето врзано за своето возило. Малтретираното куче било фрлено во коритото на Крива Река, од каде било извлечено и згрижено.

Кучето од Крива Паланка кое било злоставувано од страна на сопственикот, донесено е во ЈП „Лајка“. Во моментов тоа е безбедно и ќе му биде обезбедена целосна нега и сѐ што е потребно за неговото опоравување, информираат од јавното претпријатие.

Оттаму додаваат дека благодарение на брзата реакција на граѓаните кои веднаш го пријавиле случајот, како и интервенцијата на пожарникарите кои го извлекле од провалијата, инспекторите и ветеринарните служби обезбедиле итна грижа и стабилизација.

-Овој настан е уште еден показател дека системот функционира кога институциите и граѓаните делуваат заедно – брзо, координирано и одговорно. Злоставувањето на животни не е изолиран чин – тоа е сериозен општествен проблем. Секое злоставување на животни мора да се пријави – веднаш и без исклучок. Само со гласна и одлучна реакција можеме да ги заштитиме најранливите и да спречиме насилството да се повтори, велат од ЈП „Лајка“.

Одговорноста, потенцираат, е заедничка – да изградиме средина во која и животните и луѓето живеат безбедно и достоинствено.

ЦУК: Активни три пожари на отворено, изминатото деноноќие имало вкупно 33

Македонија

пред една недела

Под контрола е ставен пожарот во атар на село Нерав, место викано „Биљино“, општина Крива Паланка, каде опожарени се ниска вегетација и шума. Вториот пожар ставен под контрола е на територија на општина Кичево, во подрачјето на село Челопеци, а опожарена е нискостеблеста шума.

Активни се три пожари на отворен простор од вкупно 33 регистрирани изминатото деноноќие на територија на државава, до осум часот утрово. Два се под контрола, а останатите се изгаснати, соопштија од Центарот за управување со кризи (ЦУК).

Од трите активни пожари, како што се наведува, два се на територија на општина Македонски Брод, а еден е во подрачјето на Сарај. Во Јасен гори мешана шума, а на територија на село Крапа опожарени се ниска вегетација и нискостеблеста шума. Пожарот на територија на општина Сарај е во регионот на село Радуша кон село Дворце. Таму гори ниска вегетација.

Во Македонија живеат најгневните луѓе во Европа

Македонија

пред 2 недели

Македонските граѓани се едни од најгневните луѓе во Европа, кај кои гневот и револтот на дневна основа се далеку над европскиот просек.

Ова го покажуваат резултатите во најновиот извештај на „Галуп глобал емоушнс репорт“, во кој се опфатени 122 земји во периодот на 2021-та и првата половина на 2022 година, во кој македонските граѓани со високи 26 отсто на акумулиран гнев на дневна основа се веднаш зад Турција, каде што гневот е изразен високи 48 отсто.

Речиси во цела Европа гневот на дневна основа е под 25 отсто, но во Македонија тој е над оваа граница и ја позиционира земјава како водечка во делот на гневно и револтирано население на дневна основа.

Како по обичај, најмалку гневни се Финците, потоа следуваат Естонците, а по нив Холанѓаните и Португалците.