Полицискиот час се враќа, Комисијата за заразни болести бара строги мерки за Штип, Тетово и Чаир

Откако неколку денови на цела територија на државата беше укинат полицискиот час, истиот ќе се врати назад, според информациите кои ги добивме од Комисијата за заразни болести, која заседава и во тек е состанок на кој официјално ќе бидат донесени повеќе одлуки.

Според неофицијалните информации, ќе биде побаран полициски час за скопски општини, Тетово и Штип. Со сигурност од скопските општини, Чаир ќе оди под полициски час, за другите се уште не е детално познато.

Добро во оваа ситуација е што повеќето од новите случаи се очекувани, затоа што имале контакт со позитивни од корона вирусот. За Чаир и Тетово велат дека се од семејни забави и се зафатени цели фамилии, а во Штип се текстилни работнички од една конфекција, но се размислува да се затворат сите конфекции, бидејќи почнале да се појавуваат изолирани случаи и по други конфекции поради заeдничкото возење во автобус на работнички од различни фабрики.

Во последниве 24 часа во земјава починале 7 пациенти позитивни на вирусот Ковид-19, дознава Алсат-М.

Како што информираат од телевизијата, 6 од нив починале во болницата „8 Септември“, а еден во Клиниката за инфективни болести.

Со ова вкупниот број починати во нашата земја достигна 140.

Официјални информации околу бројот на новозаболени до овој момент сѐ уште нема, но вицепремиерот Бујар Османи, изутринава, преку својот фејсбук профил објави дека денеска бројот на нови случаи е уште позагрижувачки.

СЗО: Наместо славење, подготовки за втор бран на ковид-19

Случаите на новозаболени од коронавирусот изминатиот период во земјава, кои главно се резултат на непочитување на мерките, би можеле да послужат како добра лекција во момент кога се сѐ погласни предупредувањата од евентуален втор бран од ширење на ковид-19, кој го најавува и самата Светска здравствена организација (СЗО).

Експертите се поделени во однос на тоа дали новиот бран би бил послаб или посилен, но заедничко им е очекувањето дека вирусот ќе се врати. Македонските здравствени власти регистрираа нови кластери на заразени од ковид-19 во Скопје, кои се поврзуваат со неодговорноста на граѓаните. Велат дека строгото придржување на протоколите и мерките за заштита е најважен начин како да се пречека или пресретне евентуален втор бран наесен за да се избегнат рестриктивните карантински мерки низ кои поминаа Европа и светот.

СЗО предупреди дека земјите сè уште би можеле да се соочат со „непосреден втор бран“ ако избрзаат со укинувањето на карантинските мерки. Ханс Клуге, директорот на СЗО за Европа, предупреди дека вториот бран може да се совпадне со други заразни болести, како сезонски грип и сипаници.

(Видео) Обраќање на претседателот на МОРО - Работничка партија Горан Зафировски

Со цел работникот да добие најдобри здравствени услуги нашето здравство треба да има вистински услови за работа. Примарната здравствена заштита ке биде бесплатна за сите. Постојниот клинички центар ке се прошири за двојно и ке биде изградена нова инфраструктура.

Сите здравствени установи ќе се реновираат на секои 5 години. Здравствените работници како и пациентите со тоа ке добијат современи услови за работа и за лекување. Трудот на лекарите, медицинските сестри и болничкиот персонал ќе им биде соодветно платен.

Денес се регистрирани 168 новозаразени од Ковид-19 во земјава

Во последните 24 часа се направени 1470 тестирања, а регистрирани се 168 нови случаи на ковид-19.

- Скопје 83

- Куманово 8

- Дебар 2

- Штип 6

- Прилеп 3

- Тетово 26

- Струга 5

- Битола 2

- Охрид 8

- Гостивар 8

- Крива Паланка 1

- Крушево 1

- Кочани 1

- Пробиштип 2

- Македонски Брод 1

- Свети Николе 4

- Кичево 6

- Ресен 1

Починати се 3 лица, двајца пациенти од Скопје и еден од Гостивар.

Денеска Институтот за јавно здравје регистрира 70 оздравени лица.

- Скопје 48

- Тетово 18

- Велес 1

- Гостивар 1

- Кочани 1

- Ресен 1

Досега во земјата се направени вкупно 72.690 тестирања на ковид -19. Денеска нема тестирања во рамките на скринингот

Вкупната бројка на ковид дијагностицирани во нашата земја од почетокот на епидемијата изнесува 7572, бројката на оздравени пациенти е 3624, на починати е 362, а во моментов бројот на активни случаи во земјата изнесува 3586.

Скопјани на возраст од 27 и 43 години, со умисла извршиле кривичното дело тешка кражба

Основното јавно обвинителство Скопје поднесе обвинителен предлог против две лица, кои како соизвршители сториле продолжено кривично дело „тешка кражба“.

Како што соопшти денеска Јавното обвинителство, обвинетите, скопјани на возраст од 27 и 43 години, со умисла извршиле две временски поврзани дејствија, искористувајќи ист траен однос и исти прилики што претставува повеќекратно остварување на кривичното дело тешка кражба.

Обвинетите на 2 јули 2020 година, околу 01.00 часот, со погоден алат – токмак го искршиле долниот дел од заштитниот ѕид на затворена просторија од магацин – тезга и одзеле туѓи подвижни предмети, облека, во вкупна вредност од 21.420,00 денари. Истиот ден, околу 03.00 часот го провалиле и магацинот – тезга на второоштетената од каде, со намера противправно да ја присвојат, одзеле облека во вкупна вредност од 180.480,00 денари.

При напуштање на местото со украдената облека спакувана во најлонски ќеси, обвинетите биле фатени од надлежни полициски службеници.

Со поднесениот обвинителен предлог, јавниот обвинител до Основниот кривичен суд Скопје достави и предлог за продолжување на веќе определената мерка притвор за едно од обвинетите лица, а за другото обвинето лице предлог за продолжување на веќе определената мерка куќен притвор, бидејќи постои опасност од бегство на обвинетите и можност за попречување на натамошната постапка.

Популарно