Потврдени првите случаи на заразени со коронавирус од журките на охридските плажи

Тројца позитивни на ковид 19 кои биле на забавите во Охрид за продолжениот илинденски викенд, дознава Канал 5 од болнички извори.

Заразените се со благи симптоми и се на домашно лекување. Од денеска стартуваат и анкетите на заразените со кој се биле во контакт и до среда треба да се знае точната бројка на луѓе кои би заминале во самоизолација и се заразиле од нив.

-Очекувана е бројката од 200-те ново заразени од Ковид 19 и нови кластери по забавите на излетнички места, а бројката ќе се задржи и со можност да биде и повисока“, вели епидемиологот Даниловски.

За професорот Даниловски и во наредните денови треба анкетите на заразените од овие кластери да покажат со колку луѓе имале контакт. За него загрижувачки е што се уште има забави како на пример во Струмица, а и покрај големиот број на болни и починати забавите не престануваат.

Според епидемиологот токму ваквото однесување непочитувањето на мерките создава страв и несигурност колку децата се подготвени во училиште да следат настава без претходна навика да носат маски и да држат дистанца.

Утре комисијата за заразни болести треба да донесе препораки во какви услови и на кој начин ќе почне учебната година од септември дали таа ќе биде онлајн, во училишни клупи или комбиниран начин на образование, пренесе Канал 5.

Украден мртовец од струмичката болница

Претпладне околу 9 часот група струмичани украле мртовец од Инфективното одделение на болницата, потврди за МИА директорот, д-р Наќе Гогов.

– Се се случи како во хорор филм. Пациент на 49 годишна возраст бил примен во амбулантата во тешка состојба, откако претходно го донеле неговата ќерка и сопругата. Отако набргу починал дваесетина граѓани од Турското маало во Струмица го извлекле починатиот со кревет надвор во дворот на болницата, го префриле преку оградата и го ставиле во комбе по што се упатиле во непознат правец. Го осудуваме овој чин, бидејќи не дозволиле на лекарите да потпишат посмтрница и да ги пополнат потребните документи. Веднаш ја алармиравме полицијата, но додека таа да дојде тие веќе заминаа, рече директорот Гогов.

Според него не може да се каже дали починатиот бил заразен од Ковид-19, бидејќи не му бил направен тест. 

Ковид-19 се шири низ градинките

Два нови случаи на заразени вработени во градинки. Нов случај е регистриран во градинка во Кочани каде коронавирусот е потврден кај психолог во установата, јавува Сител.

Ковид-19 е потврден и кај негувателка во кумановска градинка.

Сител јавува дека информациите се потврдени и од Министерството за труд и социјална политика од каде велат дека и во двете установи постапиле согласно насоките од Центрите за јавно здравје.  Во изолација се испратени контактите на двете заразени.

Во изминатите денови откако градинките почнаа со работа на 9 септември потвдени беа случаи со Ковид-19 кај вработени во повеќе градинки ширум земјата. Но, заразени се и деца кои ги посетуваат детските установи.

Три случаи беа потврдени во струмичка градинка каде децата се заразиле меѓу себе, а едно дете со позитивен тест на корона има и во скопска градинка во групата јасли.

Семејството на починатата родилка: Немаше проблеми во бременоста - да се испита случајот

Семејството на родилката која почина на ГАК од искрварување тврди дека родилката немала никакви проблеми во бременоста.

Тие бараат објаснување зошто, како што велат, гинекологот кој ја примил 40 годишната Кадрие Јашар и ѝ направил Це-Те –Ге и рекол да си оди дома и да се врати за два часа бидејќи за породување било се уште рано, пренесува Нова ТВ.

Таа немаше никакви проблеми, а на Гинекологија отидовме затоа што почнаа породилните болки. Кога стигнавме пред влезот во Шуто Оризари, таа почна обилно да крвари и ние веднаш се вративме назад. Ја хоспитализираа, тоа беше попладнето, околу 16 и 30 часот најдоцна. Во 20 и 30 вечерта ни се јавија да дојдеме бидејќи, како што ни рекоа е, е во критична состојба“, изјави за НОВА, нејзиниот внук од брат Фејзула Јашаров.

На ГАК потврдија дека на родилката и бил направен царски рез, а после тоа поради обилно крварење уште една интервенција кога била извадена матката. Бебето било живо при првиот преглед и направеното Це-Те-Ге, а кога се вратила било мртво. Но, спротивно на тврдењето на семејството, на ГАК велат дека гинкологот и рекол да поседи надвор и да се врати за час и половина.

Популарно