Михајловски до Шекеринска: Не знам за „вашата земја“, ама нашата Македонија оди на Европско!

Не знам за вашата земја, а и баш ме заболе, ама мојата, нашата Македонија оди на Европско, објави денеска македонскиот артист Тони Михајловски на Фејсбук.

Оваа негова реакција се однесува на честитката на министерката за одбрана Радмила Шекеринска, која Македонија ја нарекува „нашата земја“ и го меша ЕП во фудбал со НАТО.

-Како изгледа поддршка од НАТО на фудбалско првенство? Има тенк кај нас на голот, знаме на НАТО на гол линијата и на корнерите, снајперска поддршка од трибините и спремен носач на авиони во случај противничкиот тим да не нападне? Ако се разбира некој у натофудбал нека каже, објави Михајловски на својот профил на Фејсбук.

Филипче: Нема потреба од дополнителни мерки, досегашните даваат ефект

Досегашните мерки даваат резултати и нема потреба од дополнителни рестрикции кои би биле без значаен ефект. Така е за Прилеп и за територијата на целата држава, изјави министерот за здравство Венко Филипче по денешната средба со приелепскиот градоначалник Илија Јованоски кој деновиве го пренесе заклучокот на прилепскиот кризен штаб за дополнителни мерки за заштита.

Според Филипче, заедничка е денешната констатација со прилепските градски власти.

– Очигледно е дека и сега мерките даваат резултати. Вака димензионираните мерки со затворени угостителски објекти по 21 часот, забраната за групирање во целото деноноќие, постепено ја олабавуваат ситуацијата. Заедно заклучивме дека нема потреба од дополнителна рестрикција која не би имала некаков позначаен ефект од мерките кои сега се на сила. Практично, во сите земји во Европа, ваква комбинација даде резултат. Во таа смисла, како за Прилеп, така и за територијата на целата држава, и по вчерашниот состанок со Комисијата за заразни болести, засега не доаѓа предвид да се воведуваат дополнителни мерки, изјави Филипче.

Што се однесува до епидемиолошката состојба во Прилеп, градот е во третината градови со благ пораст на новозаразените, но на национално ниво еднаков е бројот на заразените последните недели, а се намалува притисокот врз болниците, и во прилепската, за прегледи. Но ситуацијата се следи со внимателност, поради непредвидливоста на вирусот, како и во светот.

– Прилеп е во третина од градовите во земјава во кои има благ пораст во инциденцата последните две недели во однос на оние претходни две. Инаку, на национално ниво последните три недели еднаков е бројот на новодијагностицирани случаи, а во болниците, посебно во Скопје, а денеска го констатиравме тоа во Прилеп, има благо намалување на притисокот во однос на бројот на пациенти кои доаѓаат за преглед и за прием. Мора да потенцирам, не само кај нас, туку и во светот нередвидливоста на вирусот останува и мора да бидеме претпазливи и не сакаме да даваме никакви предвидувања. Се уште чекаме да ја видиме ситуацијата во следните денови.

Министерот Филипче оцени дека ситуацијата во прилепската болница одлично се менаџира, има пет ковид-оддели, а за респект е одзивот на матичните лекари да помогнат во Инфективното.

– Болницата во Прилеп е одлично организирана. Пациенти се сместени на пет одделенија. Мобилизирани се сите лекари, медицински сестри , помошно технички персонал. Сепак, има одреден број здравствени работници кои се заразени и по апелот на градоначалникот на Прилеп Јованоски, одличен е одзивот од Здружението на матичните лекари и веќе одредена бројка веќе се пријавија да волонтираат во приелпската болница и е за поздравување, рече министерот Филипче при денешната посета на Прилеп. 

СПОДЕЛУВАЈТЕ: Апел за помош на 29-годишниот Ѓорѓе Џонов за операција во Турција, потребни се 100.000 евра!

Македонската јавност се обединува за да му помогне на Ѓорѓе Џонов. 29-годишниот фудбалер има потреба од финансиска поддршка во здравствената борба.

За лекувањето на Џонов се неопходни 100.000 евра, средства кои во моментов ги нема на располагање, поради што голем број фудбалски работници се активираа во трката со времето за собирање на финансиските средства.

„На нашиот другар, пријател, фудбалски работник му претстои најважниот натпревар во животот, да ја победи болеста. За тоа, итно се потребни 100.000 евра за лекување и престој во Турција, сума која е недостижна за него. Затоа, да бидеме хумани, да помогнеме заедно во престојниот натпревар, кој значи живот“ – се вели во повикот преку социјалните медиуми.

Средства може да се донираат на следната банкарска сметка:

Ѓорге Џонов

Жиро сметка за донации: 200-0023348140-48

Стопанска Банка А.Д.

11 Октомври

1000 Скопје

ДЕВИЗНА СМЕТКА:

МК07200003801913052

SWIFT: STOBMK2X

Одделот за неврологија во гостиварската болница се отвара за сместување на болни од Ковид-19

Зголемениот број на заразени со корона вирусот во гостиварскиот регион ја принуди управата на болницата „Ферид Мурад“ да ги зголеми капацитетите за сместување на болни од Ковид-19 на одделот за неврологија. На располагање  ќе бидат ставени и дваесетина здравствени работници и дваесет болнички кревети.

– Имајќи ја предвид алармантната состојба од зголемувањето на бројот на заболени од вирусот Ковид 19 во Гостивар и пошироко денес на 27.11.2020 година, директорот на болницата и координативната група, донесоа одлука како центар на Ковид 19 да биде и одделот за неврологија. Од денес во функција ќе бидат над 20 болнички кревети и над 20 здравствени работници, поточно лекари и технички здравствен персонал кои во секој момент ќе бидат на услуга на пациентите, стои во соопштението од болницата.

Освен на инфективното одделение, поранешната хемодијализа, од минатата недела, пациенти со ковид се хоспитализираат и во дел од интерното одделение.

Во текот на вчерашниот ден по извршените тестирања, во гостиварскиот регион од почетокот на пандемијата беа регистрирани рекордни 94 случаи на Ковид-19, а 52 за оздравени.

Покрај апелот за почитување на мерките, од болничката управа посочуваат на важноста да не се прават посети на болните кои лежат на одделенијата.

– Апелираме да се избегнуваат посети на хоспитализираните пациенти. За специјалистички-консултативни прегледи, прво да се посети матичниот лекар и само за итни случаи да се бараат болнички услуги. Почитувајте го медицинскиот персонал кој дава се од себе и се бори во моментот со невидлив непријател. Само на овој начин можеме прво да се заштитиме себеси, нашето семејство, роднините и општеството, се наведува во соопштението.

Популарно