Пред тестирање за Ковид-19 не треба да се јаде, пие вода, џвака мастика или пуши цигара

Македонија

на 11.2020

Забрането е јадење, пушење и пиење на вода најмалку 30 минути пред тестирање за Ковид 19 а еден час пред тестот не треба да ги миете забите ниту да ја плакнете устата. Никако не џвакајте и мастика најмалку половина час пред одење во лабораторијата. Ова ни го потврдија и микробиолози кои ги контактиравме со образложение дека мастиката дејствува како антисептик и може да го замаскира вирусот. Ова се официјални препораки објавени во многу евроспки земји и им укажуваат на граѓаните што треба да знаат пред земањето на брисеви или крв за утврдување на вирусот. Во Македонија вакви протоколи нема. Никој не им кажува на пациентите што треба да прават и дел веќе реагираат што добиле негативен тест за корона иако имале симптоми.

Засега нема официјална анализа дали тие резултати се должат на погрешно земен брис или пак непочитување на одредени препораки.

Но протоколи за лекување на ковид пациенти немаат ниту матичните лекари. Тие реагираат дека изминатиот период сите ја обвинуваат примарната заштита за зголемениот број на хоспитализации и компликации кај пациентите. Но од здружението на лекари по општа и семејна медицина велат дека не седеле со скрстени раце и многупати досега доставале барања и решенија до здравство и Комисијата за заразни болести, но одговор нема.

Во последниот нивен допис јасно е наведено што е неопходно за соодветен медицински третман.

1 - Отварање на пунктови на пр. во состав на здравствените домови каде би можело пациентите со Ковид 19 водени на домашно лекување, по индикација и со електронски упат од страна на матичниот лекар да направат РТГ на бели дробови, лабораториски анализи, D-Dimeri и хемостаза.За оваа цел да се инкорпорира во ЛУ-2 образецот во ПЗЗ, анализа на CRP, D-Dimeri и хемостаза како фондовски покриени анализи.

2 - Ажурирање на протокол на лекување на COVID-19 според МБД, научни сознанија и научно поткрепени светски искуства, применливи во ПЗЗ.

3 - Да се изготви протокол за интерпретирање на лабораториски анализи како D-Dimeri и хемостаза, вклучување на антитромботична терапија (вид и доза) кај пациенти кои би останале на домашно лекување.

4 - Обезбедување на комуникација со Ковид центри.

Здравствените работници во ПЗЗ се преморени, демотивирани и безнадежни и ако ова продолжи вака, со сигурност ќе ја изгубиме битката, порачуваат од Здружението на лекари по општа и семејна медицина.

Почна увидот за пожарот во Универзална сала

Македонија

пред 17 минути

Откако локацијата e обезбедена и се создадени неопходни услови, увидни екипи со јавен обвинител од Основното јавно обвинителство Скопје денеска го започнаа увидот на објектот на Универзалната сала каде вчера изби пожар.

Локацијата ќе биде детално прегледана за да се обезбедат сите докази неопходни за утврдување на причините за настанување на пожарот. Стручно вешто лице ќе се произнесе дали пожарот е евентуално предизвикан од човечки фактор или се работи за несреќен случај.

Во текот на вчерашниот ден, во рамките на своите надлежности, Државниот инспекторат за труд изврши контрола на работењето на фирмите ангажирани за реконструкција на објектот и изготви записник.

Бидејќи се уште трае фазата на прибирање докази, односно до овој момент не е утврдено дека пожарот настанал како последица на човечки фактор, вчера во полициска станица беа земени изјави од три задржани лица, по што тие беа пуштени со оглед на тоа што во оваа фаза нема основ за нивно натамошно задржување.

Учениците од понеделник на пролетен распуст, наставата ќе продолжи на 7 мај

Македонија

пред 7 часа

Учениците од основните и средните училишта од понеделник, 29 април, заклучно со 6 мај 2024, ќе бидат на пролетен распуст кој е воведен во оваа учебна година.

Првпат има промена и во календарот за настава, така што 2023/2024 за основците ќе заврши на 17 јуни, а за средношколците, како и во минатите години – на 10 јуни.

Училиштата нема да работат на 8 мај (среда) кога ќе се одржуваат вториот круг од Претседателските избори и Парламентарните избори 2024.

Ден претходно, вторник 7 мај, скратени часови и работно време до 11 часот ќе имаат оние училишта каде што утредента ќе се организира гласањето.

Како што информираше Министерството за образование и наука, наставата од двата дена кои поради изборите се неработни ќе бидат одработени во работни денови со подолг престој на учениците во училиштата за да се реализираат дополнителни часови.

Скопските ученици треба да надоместат и за пропуштеното од наставата на 30 ноември 2023 кога во главниот град беше организиран Советот на министри на ОБСЕ.

За планирањето и организирањето на дополнителните часови, МОН ги задолжи директорите на училиштата.

-Дополнувањето на нереализираните наставни часови ќе го планираат и организираат директорите на училиштата и ќе се реализира со подолг престој на учениците во денови од работната недела, во рамки на шестчасовното работно време на наставниците, соопшти МОН откако по реакции во јавноста и од синдикатите ја повлече претходната одлука пропуштената настава да се надомести во саботи.

Со лажен сертификат за англиски јазик аплицирала за директорка и добила работа, сега ќе одговара кривично

Македонија

пред 8 часа

Единицата за корупција при Одделот за сузбивање на организиран и сериозен криминал (ОСОСК) на 25.04.2024 до ОЈО Велес поднесе кривична пријава против М.В.(44), од Велес, поради постоење на основи на сомнение за сторено кривично дело „употреба на исправа со невистинита содржина“, согласно член 380 ст.1 од Кривичниот законик.

Како што соопштува МВР, пријавената, на функција директор во општинска јавна установа за деца - детска градинка во Велес, прибавила меѓународно признаен сертификат за познавање на англиски јазик со нејзино име, издадена од училиште за јазици од Пловдив, Р Бугарија.

- Иако знаела дека исправата е со невистинита содржина, М.В. ја употребила како доказ дека поседува меѓународно признаен сертификат при нејзиното аплицирање на Јавен оглас за избор на директор на детската градинка, по што и била именувана на функцијата, соопшти МВР.