Една медицинска сестра се грижи за 16 пациенти!

Состојбата во здравството од ден на ден се влошува. Реалната слика во државата покажува дека како расте бројот на ново заболени граѓани од корона вирус, така се зголемува и бројот на ново инфицирани медицински и здравствени работници ширум државата, а оние кои што останаа едвај издржуваат во борбата против ширење на корона вирусот.

Информации за заразен медицински персонал ги загрижува граѓаните прашувајќи дали ќе има кој да ги лекува во време на пандемијата. Според податоците до сега има заразено нешто над 1600, додека пак 13 здравствени работници за жал ја изгубија битката.

Една од причините за ваквата состојба е немање на соодветна заштитна опрема, но и губење на сила и концентрација на медицинскитот персон кој е на првите борбени редови против ширење на корона вирусот.

Од друга страна пак, додека медиумите пренесуваат дека капацитетите на болниците се преполовени и секојдневно се борат со недостиг на здравствен персонал, податоците од Агенцијата за вработување покажуваат над 2300 сестри и доктори се на листата невработени заклучно со месец октомври годинава.

Како невработени се евидентирани 249 доктори на медицина, 19 специјалисти по општа медицина и 1 интернист. Од нив дури 225 се водат како невработени помалку од 11 месеци или приближно колку што трае КОВИД кризата. Кај медицинските сестри состојбата е поалармантна, од податоците на Агенцијата за вработување се впишени вкупно 2908 сестри, од нив 939 се со звање медицински техничар, 873 медицинска сестра, 21 сепцијалисти медицински сестри, дипломирани медицински сестри се евидентирани 63, и 4 невработени медицински лица се специјалисти за интензивна нега.

Во услови на здравствена криза која почна во март 1214 сестри се невработени помалку од 11 месеци, а невработеноста кај сестрите трае подолго од докторите.

На инфективните одделенија во земјава се лекуваат 811 пациенти, слободни кревети има

Во изминатите 24 часа во ковид центрите во болниците низ земјава е пријавено дека се лекуваат вкупно 811 пациенти позитивни и суспектни на корона вирусот.

По извештаите на болниците кои пристигнуваат во Министерството за здравство на дневна основа, во болницата во Битола се хоспитализирани 65 пациенти позитивни и суспектни на КОВИД-19. Во болницата во Штип се хоспитализирани 53 пациенти. На  инфективното одделение во Тетово има 44 пациенти, во Велес се лекуваат 59 болни, а во Куманово 114 пациенти позитивни и суспектни  на КОВИД 19. Во ковид центарот во Охрид има хоспитализирано 110 пациенти, во Прилеп  115, во ковид центарот во Гостивар 54, а во Струга 30 болни. Во болницата во Струмица лежи 71 пациент, во Кочани 22, во Кичево 20, Кавадарци 39, а во Гевгелија 15 лица позитивни на корона вирусот. Имајте во предвид дека бројките се менуваат од час во час, според направените приеми и исписи на пациенти.

Вкупната бројка на пациети позитивни и суспектни на корона вирусот кои се лекуваат на инфективните оддели во главниот град и во болниците низ земјава е 1248 и има колку 175 празни болнички кревети во ковид центрите. Во тек на денот се прават и исписи на оздравени пациенти со што ќе се ослободат дополнителни легла.

Инаку, сите одделенија на клиничките болници располагаат со болнички места до кои има довод на кислород.

И покрај големиот наплив на пациенти во изминативе десетина дена, Министерството за здравство е во постојан контакт со сите болници и доколку има потреба, капацитетите на ковид одделенијата ќе бидат дополнително проширени.

Почина Раде Гогов, првоборец во народната борба против фашизмот

Денеска почина првоборецот и носител на Партизанска споменица 1941, Раде Гогов. Тој беше учесник во Народноослободителната и антифашистичка борба во 1941 година, соопшти Сојузот на борците на Македонија.

Погребот ќе се одржи утре во 14:00 часот на Градските гробишта во Бутел.

Телеграма со сочувство до семејството испратија претседателот на Главниот одбор на Сојузот на борци, Никола Стојановски и претседателот на Градскиот одбор, Трајко Стаматоски.

Приведен 36-годишен скопјанец баран со потерница

Осуден криминалец од Скопје за кого судот издал потерница, од денеска ја издржува казната во Затворот во Идризово.

Од МВР соопштија дека во 13:05 часот полициски службеници од Секторот за меѓународна соработка -Отсек за потрага на уллицата „Алексо Демниевски“ во Скопје врз основа на издадена потерница од Основен суд -Скопје 1 го приведоа Д.Б. (36) од Скопје за издржување на казна затвор од две години.

Лицето е предадено на КПУ-Затвор Идризово.

Популарно