Ново истражување покажа колку долго траат антителата по Ковид-19

Тестирање на цел италијански град покажува дека нивото на антитела останува високо девет месеци по инфекцијата со САРС-КоВ-2, без разлика дали кај симптоматски или асимптоматски пациенти.

Истражувачите од Универзитетот во Падова и Империјал колеџ во Лондон тестирале над 85 проценти од 3.000 жители на градот Во (Vaud) во Италија во текот на февруари и март 2020 година за инфекција со САРС-КоВ-2 и ги тестирале повторно во мај и ноември 2020 година за да утврдат присуство на антитела.против коронавирус.

Резултатите од ова истражување беа објавени неодамна во списанието „Nature Communications“.

Нема разлика кај симптоматски и асимптоматски пациенти

Истражувачкиот тим откри дека 98,8 проценти од луѓето заразени во февруари 2020 година покажале ниво на антитела што може да се забележи во ноември истата година и дека нема никаква разлика помеѓу луѓето кои страдале од симптоми на КОВИД-19 и оние кои немале. симптоми на болеста.

Нивото на антитела било следено со користење на три теста – тестови кои откриваат различни видови антитела кои реагираат на различни делови на вирусот. Резултатите покажаа дека, иако сите типови на антитела покажаа одредено опаѓање помеѓу мај и ноември, стапката на деградација е различна во зависност од тестот.

Тимот, исто така, откри случаи на зголемено ниво на антитела кај некои луѓе, што укажува на потенцијални повторни инфекции со вирусот, што обезбедило поттик за имунитетот.

Силината на имунолошкиот одговор не зависи од симптомите и сериозноста на инфекцијата

Водечкиот автор на студијата, д-р Иларија Доригати, од Центарот за глобална анализа на инфективни болести и Институтот за анализа на болести и итни случаи, Абдул Латиф Џамил (J-IDEA) од Империјал колеџ во Лондон, рече:

„Не најдовме докази за нивото на антитела помеѓу симптоматските и асимптоматските инфекции, тие не се разликуваат значително, што покажува дека јачината на имунолошкиот одговор не зависи од симптомите и сериозноста на инфекцијата. Сепак, нашата студија покажува дека нивото на антитела варира, понекогаш значително, во зависност од користениот тест. Ова значи дека е потребна претпазливост при споредување на проценките за нивото на инфекција кај популации добиени во различни делови на светот, различни тестови и во различно време#.

По девет месеци, нивото на антитела паѓа

Професорот Енрико Лавецо од Универзитетот во Падова рече дека „тестирањето во мај покажа дека 3,5 проценти од популацијата на градот Вo биле изложени на вирусот, иако не сите испитаници биле свесни за нивната изложеност поради голем дел од асимптоматските инфекции.

„Сепак, за време на следењето, кое беше спроведено приближно девет месеци по избувнувањето на инфекцијата, откривме дека има помалку антитела, затоа мора да продолжиме да ја следиме упорноста на антителата подолг временски период“, рече професор Лавецо.

1:4 шанси заразено лице да ја пренесе инфекцијата во домаќинството

Тимот, исто така, го испитал статусот на инфекција кај членовите на домаќинството за да ја процени веројатноста заразен член да ја пренесе инфекцијата во домаќинството. Нивното моделирање покажува дека постои веројатност од околу 1:4 за лице заразено со вирусот САРС-КоВ-2 да ја пренесе инфекцијата на некој од семејството.

Ова откритие потврдува дека постојат големи разлики во бројот на секундарни случаи на инфекција. Големите разлики во начинот на кој едно заразено лице може да зарази други во популацијата, сугерираат дека факторите на однесување се клучни за контрола на епидемијата, а физичкото растојание, како и ограничувањето на контактот и носењето маски, остануваат важни за да се намали ризикот од пренесување на болести, дури и кај популации каде стапките на вакцинација се високи.

Над 400 приватни специјализанти стапија во штрајк

Над 400 приватни специјализанти изутринава стапија во генерален штрајк и не ги извршуваат работните обврски на скопските клиники и останатите болници и амбуланти низ државава. Тие бараат зголемување на надоместот што им се исплаќа  во изнес од 26 илјади денари, на ниво на просечна плата на доктор во јавна здравствена установа, здравствено осигурување, како и решавање на статусот што сега им е со договор на дело. Штрајкот ќе го прекинат, како што најавија, само доколку добијат писмена гаранција за исполнување на барањата. 

- За жал, се решивме на овој чекор бидејќи Министерството за здравство нема слух за решавање на нашите проблеми,  изјави доктор Христина Илиоска Чешлароска, приватен специјализант по интерна медицина, трета година. 

Таа потсети дека по протестот во март, имале средба со министерот за здравство на која им било ветено дека нивните барања ќе се најдат на седница на Влада., но  дека засега немаат никаков одговор. 

Како што соопшти Илиоска Чешлароска, добиле повик од претставник во Министерството за здравство и им било кажано дека денеска во 14 часот  ќе се одржи средба во Влада.

-Петмина наши претставници ќе бидат на таа средба, но, немаме информација кој се ќе присуствува и дали ќе бидат прифатени нашите барања. Штрајкот продолжува, се додека не добиеме писмена официјална гаранција дека барањата ќе бидат исполнети, нагласи Илиоска Чешлароска.

Тамара Пејоска, специјализант на пластична и реконструктивна хирургија, прва година, рече дека работно максимално се посветуваат, а се ставени во разочарувачка деградирачка позиција. На протестот беше нагласено и дискриминирањето при остварување на мајчинство и породилно отсуство, бидејќи тогаш се укинува надоместот. Сите овие луѓе, беше кажано на протестот, имаат желба да останат во државата, да работат и да се грижат за пациентите.

ИЈЗ: Нови 44 случаи на голема кашлица од 5 до 11 април, вкупно 443 заболени

Нови 44 случаи на голема кашлица се пријавени од 5 до 11 април, со намалување од 10,0 отсто споредено со претходниот седмодневен период. Најголем дел од случаите се пријавени во Скопје. Пријавени се случаи и во Битола - четири и по еден случај во Куманово, Кратово и во Крива Паланка. Возраста на заболените се движи од еден месец до 75 години, а најголем број случаи се од возрасната група од 10 до 14 години. Од новите 44 случаи, два се хоспитализирани, се наведува во најновиот извештај на Институтот за јавно здравје (ИЈЗ), објавен попладнево.

- Заклучно со 11 април, во Северна Македонија се регистрирани вкупно 443 случаи на голема кашлица, со инциденца од 24,1/100 000 жители. По однос на место на живеење, најголем број лица живеат во Скопје - 355 или 80,1 отсто со зафаќање на шеснаесет различни општини. Од територијата на ЦЈЗ Куманово се пријавени 25 лица, од ЦЈЗ Битола 19, 17 лица од ЦЈЗ Тетово, од ПЕ Гостивар - пет и од ЦЈЗ Кочани и ПЕ Кратово по три случаи. По два случаја се регистрирани во Крива Паланка, Дебар, Струга, Пробиштип, Велес и во Струмица, а по еден случај е регистриран од Кичево, Прилеп, Кавадарци и од Гевгелија, пишува во извештајот.

Од вкупниот број регистрирани случаи - 433, 263 или 59,4 проценти не биле вакцинирани, не се комплетно вакцинирани согласно возраста или нема доказ за вакцинација. Од случаите кои се комплетно вакцинирани, просек на поминато време од последната доза вакцина до заболување, изнесува 12,9 години.

Од заболените, хоспитализирани се 60 лица и тоа 49 од нив на возраст до четири години.

Дадени се вкупно 39.031 доза вакцина што содржи компонента против голема кашлица во периодот од 18 јануари до 11 април. 

Овие намирници го зајакнуваат имунитетот и ги ублажуваат симптомите

Иако пролетта носи многу прекрасни работи и позитивна енергија, луѓето кои страдаат од алергии се на мета на алергиите и така започнува нивната агонија. Алергиите се резултат на преосетливост на имунолошкиот систем, што предизвикува ослободување на штетни хистамини. Тие можат да влијаат врз целото тело, особено на кожата, очите, носните прооди и белите дробови.

Симптомите на алергија се јавуваат кога вашето тело реагира на алергените во телото со производство на хемикалијата наречена хистамин која помага да се потисне алергенот. Имуниот систем предизвикува алергиска реакција преку производството на антитела на имуноглобулин Е (IgE) кои предизвикуваат широко распространети симптоми.

Пример симптоми

- течење на носот, сугреб, чешање, затнат нос

- исип на кожата, црвенило, сувост, лупење или чешање

- печење или чешање во устата и усните

- отекување на јазикот, усните, грлото или лицето

- гадење и повраќање

- грчеви во стомакот

- кашлица

Овие се најдобрите прехранбени продукти кои треба да ги вклучите во својата исхрана за да се справите со алергиите:

1. Белиот лук

Природен антибиотик кој помага во борбата против инфекции, вируси, дури и алергии. Дневното консумирање или цедење на сок од две сурови чешки од овој моќен антиоксидант може да го засили имунитетот.

2.Лимон и лимета

Одлични за засилување на имунитетот и се користат за разни заболувања, вклучувајќи ги и алергиите, бидејќи се полни со витамин C и антиоксиданти кои го засилуваат имунитетот. Водата со лимон го прочистува телото од нечистотии. Помешајте сок од лимон со маслиново масло како дресинг за салата.

3. Зелените лисни зеленчуци

Спанаќ, кељ, зелка и рукола се одличен извор на важни витамини, минерали, антиоксиданти и ензими кои помагаат во детоксикацијата и намалувањето на воспалението.

4. Храна богата со пробиотици

Пробиотичката храна (кефир, кисело млеко, кимчи, јогурт, сирење, мисо и комбуха) го подигнуваат имунитетот и може да помогнат во регенерацијата на оштетената цревна мукоза.

5. Кокосово млеко

Најдобрата алтернатива на кравјото млеко, бидејќи не содржи млечни производи, лактоза, соја, ореви и житарки.

6. Путер од бадеми и семки

За луѓе алергични на кикиритки и путер од кикиритки, путерот од бадеми е безбедна и здрава алтернатива која обезбедува здрави незаситени масни киселини, влакна, минерали како и рибофлавин и магнезиум, па дури и некои антиоксиданти.

7. Ленено семе, чија, семе од тиква и сончогледово семе

Одлични извори на здрави масти и влакна.

8. Коприва

Листот на коприва природно ги контролира хистамините, затоа се препорачува од страна на се повеќе лекари да се земе лиофилизиран препарат пред почетокот на сезоната на поленова грозница. Може да се користи и како чај или во форма на тинктура, вклучувајќи и хомеопатски лекови.

Популарно