Ова се најчестите постковид симптоми

Иако се чини дека состојбата со пандемијата на КОВИД-19 е стабилна, здравствените работници укажуваат дека се повеќе фокусот на вниманието се поместува на последиците по прележан ковид. Најчести пост-ковид симптоми се јавуваат во делот на кардиоваскуларните болести, како и невролошките нарушувања.

На денешниот брифинг со медиуми во организација на Македонскиот институт за медиуми, на кој присуствуваа д-р Александар Петличковски, специјалист по клиничка генетика и претседател на Комисијата за заразни болести, д-р Гордана Китева-Тренчевска, специјалист невролог и научен соработник и Валентина Андова, специјалист кардиолог се дискутираше околу актуелните прашања поврзани со КОВИД-19, хроничните болести и вакцинацијата.

– Разговаравме за најчестите симптоми што се јавуваат по прележан КОВИД, а можат да траат со месеци, па веројатно и години и потенциравме на значењето на вакцинацијата во намалување на шансите на вакви симптоми, бидејќи во сите сериозни студии е јасно дека оние кои се вакцинираат поретко имаат долг ковид и симптоми што го отежнуваат животот по прележување. Помеѓу главните ризик фактори што можат да доведат до долготраен ковид се набројуваат тешка форма на КОВИД, понапредната возраст, женски пол и невакцинираност, вели д-р Петличковски.Д-р Андонова, специјалист кардиолог вели дека на Универзитетска клиника за кардиологија е зголемен бројот на пациенти во амбулантите. На дневна основа во амбулантите за преглед доаѓаат околу 400 пациенти, додека на дијагностичките методи се прават и до 150 прегледи дневно. Старосната граница, како што посочи станува се пониска и периодов доаѓаат и пациенти од 25 до 30 години, со сериозни кардиоваскуларни заболувања.

Додаде дека најчесто пациентите доаѓаат поради симптоми на замор, малаксаност, градна болка, отежнато дишење или пак срцебиење, а како пост-ковид синдроми најчесто се јавуваат дилатативна кардиомиопатија, лева и десна срцева слабост, аритмија, венски тромбоемболизам и воспалителни промени на срцето што се многу почести во однос на пред пандемијата.

– КОВИДОТ и пост-ковидот се ризични, но исто така ризик се и нездравите навики на живеење, тоа значи дека нивните навики на пушачи, дебелина, неправилен начин на живот, без физичка активност се голем ризик фактор за кардиоваскуларни заболувања на коишто нормално ние можеме да делуваме, апелираше д-р Андонова.Д-р Китева-Тренчевска од Клиниката за неврологија вели дека најчести пост-ковид што пациентите ги пријавуваат кај нив се главоболка, вртоглавица, епилептични напади, промени во функционирање на централниот нервен систем, деменција, проблеми со периферниот нервен систем.

– Овие пост-ковид заболувања ќе ги имаме зачестено бидејќи КОВИДОТ покажа дека ја менува хомеостазата, менувајќи ја циркулацијата, правејќи состојба на зголемена тромбоза, зголемување на мозочни удари, менувајќи го имунолошкиот одговор кога тој наместо да се сврти против вирусот се врти против сопствените структури во нервниот систем. Потребно е симптомите да се следат уште на почетокот за да може да се реагира на време, со цел последиците да бидат што помали од овие сериозни невролошки болести, вели д-р Китева-Тренчевска.Д-р Петличковски вели дека Комисијата за заразни болести ја следи состојбата со зачестените респираторни болести и вели дека е очекувано по олеснување на рестриктивните мерки.

– Апсолутно е причина за ново сретнување со малку подзаборавени вируси и од тоа што го гледаме тоа е очекувано. Во моментов навистина се исполнети педијатриските капацитети со пациенти со потешка клиничка слика. Не е загрижувачки, туку нормален тек по олабавување на мерките по ковид-пандемијата, додаде тој.

Причини зошто наутро се будите со побрзо чукање на срцето

Ако наутро се будите со забрзано чукање на срцето, може да имате некаква срцева активност или таканаречени палпитации.

Според Мајкл Џеј Бла, директор за клинички истражувања во Johns Hopkins Ciccarone Centru во Мериленд, палпитациите се сензации на абнормално чукање на срцето што може да трае само неколку секунди и претставува предвремено отчукување на срцето. Тие, исто така, може да бидат упорни, што потенцијално укажува на аритмија.

Аритмија се јавува кога чукањето на срцето отстапува од нормалното темпо. Ова може да значи отчукување што се случува побрзо од нормалното, побавно од нормалното или како неправилно отчукување. Сепак, за разлика од аритмијата, палпитациите не се нужно опасни и можат да ви помогнат да откриете други здравствени состојби.

Еден од главните состојби што може да предизвика палпитации е апнеја при спиење, што може да биде потенцијално сериозно нарушување. Се јавува кога дишењето престанува додека спиете. Ова се случува кога мозокот понекогаш не успева правилно да комуницира со мускулите кои го регулираат дишењето.

Меѓутоа, почесто, апнеја при спиење може да биде поврзана со моделите на мускулна релаксација во задниот дел на грлото, што може да предизвика стеснување на дишните патишта. Таквото стеснување може да доведе до пад на внесот на воздух и пад на нивото на кислород во крвта.

Падот на нивото на кислород во крвта може да го отежне дишењето, понекогаш предизвикувајќи рефлекс за замолчување. Ова потоа може да го поттикне мозокот да ве разбуди од сон, макар и само за момент. Како резултат на тоа, има лош сон и повремени срцеви палпитации по будењето.

Апнеја при спиење е многу честа, особено кај луѓето со прекумерна тежина, а чувството на палпитации по будењето потенцијално може да укаже на апнеја при спиење.

Сепак, забрзаната работа на срцето по будењето може да биде резултат на други причини. Од една страна, палпитации може да се појават поради едноставна промена на положбата за време на спиењето. Алтернативно, тие може да бидат резултат на промените на спиењето во таканаречениот автономен тонус на поединецот, 24-часовниот напор на нервниот систем автоматски да ги одржува телесните функции, дури и додека спие.

Сепак, најчеста причина за побрзо чукање на срцето додека се будите е апнеја при спиење. Бидејќи се работи за сериозна здравствена состојба, треба да посетите кардиолог за да ја утврдите точната причина и да добиете соодветен третман.

Одличен домашен лек за сува кашлица

Кашлицата е спазматична мускулна контракција, која го ослободува телото од слузта акумулирана во бронхиите и која може да биде заразна.

Затоа, кашлицата е помошник на кој треба да му се даде поддршка, пренесува uspesnazena.com.

Решението за овој проблем е во лекувањето со жалфија.

Зошто жалфијата помага во ублажување на кашлицата?

Високата ефикасност на ова растение се објаснува со содржината на вредни есенцијални масла во неговите лисја, кои имаат антибактериско и антиинфламаторно дејство. Тие исто така содржат многу фосфорна киселина, витамини Ц, Б1, П и танини.

Народната медицина препорачува земање раствор од жалфија во млеко за сува кашлица.

Се верува дека таквиот пијалок ја омекнува сувата, упорна кашлица, ја раствора слузта, го стимулира нејзиното исфрлање и го олеснува искашлувањето. Има антисептично и антиинфламаторно дејство, придонесува за побрзо закрепнување.

Млеко со жалфија против кашлица – рецепт

Состојки

-250 мл млеко (по избор, може да биде од растително потекло)

-1 лажица чај од лист од жалфија

-1 лажичка путер

-1 лажичка мед

-Половина до 1 лажичка куркума

Подготовка

Во тенџере ставете 250 мл млеко, додадете 1 лажица чај од лист жалфија, па оставете да зоврие на тивок оган.

Штом млекото зоврие, веднаш тргнете го од шпоретот. Во оваа смеса додадете 1 лажичка путер, покријте и оставете да отстои околу 15 минути.

После тоа треба да се процеди течноста и да се додадат 1 лажичка мед и една кафена лажичка куркума (за деца – половина лажичка) и да се измеша.

Овој пијалок треба да се пие цел, половина час пред спиење. Мирна ноќ без напорна кашлица е загарантирана. Можете да го подготвувате неколку дена, додека не почувствувате олеснување и лесно искашлување на слуз од бронхиите.

Рецептот може да го користат и деца и возрасни.

Контраиндикации

Но, и покрај тоа што овој рецепт е многу ефикасен за проблеми со кашлицата, а и самите лекари одамна сугерираат дека жалфијата има одлично експекторантно дејство, треба да се следат одредени медицински препораки.

На пример, овој пијалок евентуално може да ја запре лактацијата, па затоа не се препорачува за доилки. Исто така, претпазливост за луѓето кои се склони кон бубрежни заболувања и низок крвен притисок.

извор:popara.mk

Бамијата е многу здрава, а може да ја користите за приготвување на разни јадења

Бамјата е исклучително здрава билка, можете да ја користите за приготвување на разни јадења, но неправедно е запоставена во нашата кујна.

Бамја е растение кое потекнува од Африка. Се одгледува во јужните делови на САД, Западна Африка, како и во Индија, Бразил и Турција. Во Босна и Херцеговина, бамјата е незаменлива состојка во беговата супа.

Изгледа како пиперка, а може да се консумира свежа, сушена, конзервирана или варена. Можете да ја динстате или печете.

Ова растение е исклучително богато со минерали како што се магнезиум, калциум и калиум, а содржи и влакна и витамини А, Б6, Б9, Ц и К1. Содржи антиоксиданси и протеини. Нема маснотии, а една шолја бамја содржи околу 33 калории.

Можете да направите чај и од бамја. Во Босна, ова растение е позастапено во готвењето. Таму го подготвуваат на традиционален начин, со телешко месо. Бамја можете да ја додадете и во супи или чорби.

Популарно