Бугарскиот премиер тврди: На Македонија не и се оди во ЕУ

Македонија

пред 4 часа

Сметам дека тонот кој го користи Република Северна Македонија нема да и помогне да стане членка на Европската Унија, изјави денеска во Софија бугарскиот технички премиер Димитар Главчев.

 -Бугарија е предвидлив партнер, лојален на ЕУ. Нема со што да ги изненадивме останатите земји-членки. Го поддржуваме проширувањето и европските перспективи на земјите од Западен Балкан.

Доволно компромиси направивме со националниот идентитет. Република Северна Македонија едноставно треба да ги исполни барањата на ЕУ, изјави Главчев.

Изјавата на Главчев е една од серијата реакции на бугарски политичари по забелешките од македонска страна за непоставувањето на македонското знаме за време на неформалната средба на претседателите на двете држави, Гордана Сиљановска Давкова и Румен Радев, минатата недела во Софија, особено по изјавата на вицепремиерот и министер за транспорт Александар Николоски, кој рече дека „очигледно домаќинот не е цивилизиран, ниту има почит, па затоа се случуваат вакви ситуации“.

Европратеникот од ЕПП/ГЕРБ Андреј Ковачев, во изјава за Бугарската национална телевизија рече дека ја информирале Европската народна партија за, како што рече однесувањето на ВМРО-ДПМНЕ и додаде дека побараат да се иницира процедура за исклучување на таа партија од ЕПП.

-Мислам дека тие на секој начин докажуваат дека сакаат да бидат со Фидес, партијата на Орбан.

Тоа си е нивна желба и тие многу се оддалечуваат од вредностите на ЕПП и европската демократија, истакна Ковачев, кој смета дека геополитичката насока која ја избираат властите во Скопје е на линија на политиките на Вучиќ, Орбан, Кина и Русија.

 Во врска со изјавата на Николоски за непоставување на македонското знаме, Ковачев смета дека таа била искоординирана со македонскиот премиер Христијан Мицкоски.

 -Се покажува јасна желба на сегашното раководство на Република Северна Македонија да не продолжи по патот на европската интеграција.

Си бараат некаков изговор пред нивната јавност зошто тоа не може да се случи, а изговорот е, се разбира, со оцрнување на Бугарија, смета Ковачев.

кој се осврна и на, како што рече „нивните активности за блокирањето на Коридотот 8“.

Според него, Бугарија не дала повод за провокација и се однесувала цивилизирано и европски и не го користи прашањето за односите со Скопје во предизборната кампања.

Николоски вчера во интервју за Канал 5 изјави дека изградбата на брзата пруга на Коридoрот 10 е најголем приоритет за државата и оти ќе ја почне и ќе ја изгради во два мандатa, при што потенцира дека не е против изградба на пругата со Бугарија, но оти нема да се гради траса која е неизводлива.

-Не сум против изградба на пруга кон Бугарија, но нема да се гради по траса која е неизводлива, прескапа и на начин со обиди на корупција врз мене и претседателот на Владата, што јавно беше истакнато, нагласи министерот во врска со третата фаза од пругата кон Бугарија.

Со реакција за последните случувања на релација Скопје-Софија денеска и лидерот на Преродба, Костадин Костадинов.

Тој бара од бугарското Собрание да донесе декларација, со која Бугарија ќе ги информира своите партнери во ЕУ „за тоа што се случува од другата страна на границата – дека има саботажа против паневропските политики и дека еден од нив е Коридорот број 8“.

-Кога сакате да бидете во заеднички европски дом, мора да ја почитувате политиката на овој заеднички европски дом. Еден од условите е да имате политика на добрососедство.

Потпишавме Договор за пријателство и добрососедство со Северна Македонија. што во моментов гледаме дека искрено се прекршува.

Се разбира, сфаќаме дека тоа е намерна политика за провокации, рече смета Костадинов.

Претходно со реакции за како што се наведуваат, навредливи квалификации кон Бугарија и бугарскиот народ од функционери од Република Северна Македонија имаше од Кабинетот на бугарскиот претседател Румен Радев и Министерството за надворешни работи во Софија, додека поранешниот бугарски премиер и лидер на ГЕРБ, Бојко Борисов за изјавата на Николоски рече дека „за речникот што го користат има само едно оправдување – оставка на тој министер, а доколку не го направат тоа, ниту претседателот, премиерот, министрите, ниту партиите не треба да се сретнат и да разговараат со нив“.

Премиерот Мицкоски вчера од Брисел порача дека интеграцијата во ЕУ треба да биде процес во кој одлучувачки фактор ќе бидат постигнувањата, а не билатералните прашања, бидејќи ние повеќе не можеме да прифаќаме ултиматуми и за нас е неприфатлив принципот „тие се таму, а вие сте надвор“.

 Тој по средбите со високи европски претставници порача дека на нив се разговарало за европската перспектива на регионот и на нашата држава, при што потенцирал дека ние остануваме фокусирани да предлагаме решенија за предизвиците.

 – Поради билатерални прашања, поради прашања кои што се поврзани од средниот век, ние не можеме да се развиваме како држава за 21-от век, а камоли пак да зборуваме за нешто повеќе.

Така што уште еднаш потенцирав дека ние повеќе не можеме да прифаќаме ултиматуми и  принципот тие се таму, а вие сте надвор и ако сакате да бидете таму, треба тоа да го прифатите. . .

простете, но ние не можеме да го прифатиме. А од друга страна ни велат дека има желба да бидеме членка во Европската Унија.

Мојот одговор на таа теза е, ако има желба, тогаш има и начин, нагласи Мицкоски.

Тетово под вода - се испумпува вода од домовите

Македонија

пред 33 минути

Невреме со силни врнежи од дожд, град и грмотевици попладнево ја зафати Општина  Тетово и околината.

Врнежите предизвикаа поплавување на дел од улиците, посебно кај касарната на влезот на Тетово и на неколку куќи во Мала Речица-Општина Тетово. Во улицата спроти касарната поплавени се  гаражи, дворови а сопствениците поставуваат соодвртни бариери за  заштита од водата да не навлезе во домовите. Поради поплавените улици отежнато се одвива и сообраќајот во овој дел од градот.  ТППЕ-Тетово, ЈКП-Тетово и одговорни лица во Општина Тетово веќе интервенираат  со соодветна механизација- багери, но исто така веќе и  ТППЕ-Тетово е на  терен и врши испумпување на водата од поплавените објекти.

Почина македонскиот велемајстор во шах Борче Илиевски

Македонија

пред еден час

Вчера на 89 годишна возраст во Битола почина Борче Илиевски, шахист велемајстор, член на ШХ “Стевче Патако“ од Битола , битолчанецот кој во август 1967 година му ремизираше на Боби Фишер, светска шаховска легенда.

Борче Илиевски е роден во 1935 година во битолското село Ѓавато, настапувал за шаховскиот клуб “Стево Патако“ од Битола.

Илиевски започнува да игра шах 11-годишна возраст, кога започнува да ги влече првите потези на шаховската табла, на еден пионерски камп во потпелистерското село Цапари. На свои 16 години, во далечната 1951 година го има својот прв настап на младинското првенство на Македонија. Настапувал за битолската шаховска екипа “Стево Патако“, со кој три пати биле републички прваци и 4 пат го освојуваваме шаховскиот куп. Во 1967 година кога битолскиот шах го живееше своите звездени моменти бил републички првак со 12,5 поени од вкупно 15 поени.

Борче Илиевски пред неколку години во Битола, на плоштадот “Магнолија“ заедно со својот помал брат Димче пред битолчани ја презентираа партијата на Борче со Боби Фишер која што се одиграла во 1967 година на турнирот “Средба на солидарноста“ што се одржал во Скопје, а партијата завршила со реми. Ремито со Фишер било на првите страници на сите весници во тогашна Југославија, а не останало назабележано и во светските специјализирани весници за шах.

Погребот на Борче Илиевски беше извршен денес.

Од леб до овошје: Објавена есенската кошница

Македонија

пред 3 часа

Ориз, брашно, тестенини, масло, млеко, јогурт, млечни производи, зеленчук, овошје,  се на листата со 73 три производи во таканаречената есенска потрошувачка кошница. За нив бруто профитната маржа ќе биде ограничена на 10 проценти во трговијата на големо и мало,  а маркетите ќе бидат обележани со натписот „помалку трошоци, повеќе за тебе“, одлучи денеска Владата, на предлог на Министерството за економија и труд. 

Одлуката на Владата за ограничување на бруто профитната маржа на дел од основните прехранбени производи  ќе стапи во сила наредниот ден по објавувањето во „Службен весник на Република Северна Македонија“, а ќе се применува до 31 октомври годинава.

Ресорниот министер  Бесар Дурмиши на прес-конференција рече дека  со стапување во сила на оваа одлука се очекува трошоците за храна и безалкохолни пијалоци да се намалат во просек за околу 10 проценти.

Дурмиши соопшти дека ваквата одлука е донесена врз основа на податоците од Државниот завод за статистика, за индекс на трошоци за живот, кои покажуваат дека споредено август 2024 година, со декември 2023 година, евидентирано е зголемување на трошоците за храна за 4 проценти, од кои најголемо зголемување има кај овошјето од 10,9 проценти, кај млекото, сирењето и јајцата од 6,6 проценти, кај зеленчукот од 3,9 проценти, кај месото од 3,6 проценти, и  кај лебот и жита од 2 проценти. За истиот период, трошоците за безалкохолни пијалоци се зголемени за 9,4 проценти, од кои кај минерлната вода, безалкохолните пијалоци, соковите од овошје и зеленчук зголемувањето е од 11,1 процент, додека кај кафе, чај и какао зголемувањето е од 7,7 проценти.

-Согласно податоците, во консултација со работната група која беше формирана од претставници од министерствата за економија и труд,  за финансии и за земјоделство, сметаме дека ваквото зголемување на трошоците за храна и безалкохолни пијалоци е прекумерно и несразмерно во однос на растот на трошоците за набавка и оперативните трошоци кои трговците ги имаат. Нашите проценки се дека со стапување во сила на оваа одлука трошоците за храна и безалкохолни пијалоци ќе се намалат во просек за околу 10 проценти, со што ќе се намалат и трошоците за живот во потрошувачката кошница за групата храна и пијалоци,  рече министерот Дурмиши.

Според Одлуката, трговците за производите кои се вклучени во есенската кошница и се поставени на полиците, фрижидерите и разладните уреди, треба јасно да ги обележат со натписот „помалку трошоци, повеќе за тебе„ кој е објавен на веб -  страницата на Министерството за економија и труд. 

Исто така, посочи Дурмиши, трговците на големо и трговците на мало ќе имаат обврска  да  ги прибавуваат и продаваат во месечни количини од најмалку 70 проценти од прибавените количини во август годинава од овие производи на листата.

Мерката есенска потрошувачка кошница во наредниот период ќе се применува како божиќна кошница, рамазанска кошница, велигденска кошница со ограничено време на траење пред и за време на празниците кога вообичаено се зголемуваат цените на основните прехранбени производи, со цел да се заштити стандардот на граѓаните.

Во листата на производи спаѓаат: 

- ориз бел во пакување од 900г до 1кг;

-брашно пченично, тип 400 во пакување од 1кг до 2кг;

-бел и полубел леб, векна, индустриски тип 450г (цел и на парчиња), со исклучок на свежо печен леб во маркетите;

-печени пекарски производи (ѓеврек обичен, бурек со месо и сирење, баничка со месо и сирење, симит погача и лисната кифла, обична и со сирење);

-бисквити, "Petit Beure" и бисквити обични од 300гр до 500 гр;

-тестенини (макарони и шпагети од тврда пченица без и со јајца од 500 гр (без додатоци).;

-масло за јадење од сончоглед, во пакување од 1 литар;

-месо, јунешко, без коски, од бут или некој друг дел;

-месо, свинско, без коски, од бут или некој друг дел;

-пиле (свежо и замрзнато) цело;

-пилешки стек (свеж и замрзнат);

-салама, шункова во пакување од 300гр до 800гр (без слајс пакување);

-чаен колбас, од свинско месо (без додатоци и без слајс пакување);

-чаен колбас, од говедско месо (без додатоци и без слајс пакување);

-пилешка посебна саламa во пакување од 300гр до 800гр  (без слајс пакување);

-паштета од џигер или пилешка (кокошја), (без додатоци) во пакување од 95гр и 100 гр.;

-замрзната риба  Ослиќ;

-трајно кравјо млеко (освен органско млеко и млеко со додатоци) со масленост 2,8 проценти, 3,2 проценти и 3,5 проценти во пакување од 1 литар;

-јогурт од кравјо млеко обичен, без додатоци, со масленост од 2,8 проценти до 3,2 проценти  во пакување од 1 литар;

-кисело кравјо млеко (обично без додатоци) со масленост од 2,8 проценти и 3,2  порценти во пакување од 400гр до 500 гр;

-павлака од кравјо млеко, кисела со масленост од  од 12 проценти до 20 порценти во пакување од 180гр до 400 гр;

-урда;

-традиционално кравјо бело сирење (без додатоци);

-традиционално мешано бело сирење (без додатоци);

-традиционален кравји кашкавал (без додатоци);

-традиционален мешан кашкавал (без додатоци);

-свежи јајца од кокошка, пакување 1/10;

-масло ,(путер), индустриски произведен (пакување од 250 гр.);

-маргарин, (обичен), пакуван од 250 гр;

-јаболка;

-праски;

-грозје трпезно;

-лимони;

-портокали;

-банани;

-исчистени ореви;

-грав;

-кромид;

-компир;

-морков;

-спанаќ;

-зелка;

-краставици;

-корнишони;

-лук;

-тиквици;

-боранија;

-домат;

-пиперки;

-карфиол;

-тиква;

-модар патлиџан;

-леќа;

-магдонос;

-брокула;

-праз;

-зеленчук замрзнат (мешавина) во фолија од 450 гр;

-зеленчук замрзнат од  пченка, во фолија од 450 гр;

-зеленчук замрзнат од грашок, во фолија од 450 гр;

-боранија замрзната, во фолија од 450 гр;

-маслинки, црни;

-грашок конзервиран во пакување од 400гр;

-ајвар од печени пиперки, тегла до 660 гр;

-краставички, конзервирани, тегла до 720 гр;

-печурки маринирани (сецкани), тегла до 720 гр;

-шеќер кристал бел;

-џем и мармалад;

-чоколадо млечно обично, во пакување од 100 гр;

-кечап;

-мајонез во тегла од 660 гр;

-зачин (вегета, зачинал и слично);

-кафе пржено мелено пакувано од 200гр;

-сок кашест (матен) овошен од разно овошје во тетрапак од 1 литар.

Популарно