По првите две кола на европското ракометно првентсво во Данска македонската репрезентација освои само 1 бод и се наоѓа на делбата на последното место што води во понатамошната фаза со репрезентацијата на Чешка. Завчера сите го славевме бодот кој ни ги отвори вратите за втората група, но сеуште не е се завршено. Бодот не донесе до вратите, но сега ни треба уште една мал чекор.
Нашата репрезентација го игра мечот со Австрије 2 часа пред Данска и Чешка, па нашите момци нема да го знаат исходот од тој меч на време и ќе мораат да дадат се од себе. Ова се сите комбинации од денешните два меча во нашата група:
1. Да ја победиме Австрија.
Во овој случај сме сигурни патници во следната група, а во дуелот Данска-Чешка ќе навиваме за Данска за да носиме два бода во следната рунда од победата со Австрија.
2. Ако одиграме нерешено со австријците
Во ваков случај ќе имаме два бода, па многу работи ќе зависат од дуелот Данска - Чешка.
Доколку победи Данска, Македонија оди понатаму со еден бод од дуелот со Автсрија.
При победа на Чешка, Македонија го напушта првенството.
3. Пораз од Австрија
Најлошото можно сценарио е секако пораз од Австрија. Во овој случај повторно ќе го чекаме исходот од натпреварот меѓу Данска и Чешка.
Ако победи Чешка, македонските ракометари ги пакуваат куферите и ја напуштаат Данска.
Доколку победи Данска, Македонија и Чешка ќе имаат по само еден бод и тоа освоен во меѓусебниот дуел, па за патникот во следната фаза ќе решава вкупната гол разлика на овие две репрезентации.
Македонија во моментов има -8, од поразот со Данска.
Чешка е во негатива од -10, од поразот со Австрија.
Што значи дека за наш пласман во ваков расплет на настаните потребно ни е да загубиме од Австрија со само еден гол поголема разлика од победата на Чешка над Данска. Ако ние загубиме 5 разлика, Чешка „смее“ да ја победи Данска со 6 разлика. Ако победи со 7, во следната фаза одат чесите.
Или сето ова кажано во една реченица, Македонија оди во следната фаза во секој случај освн при висок пораз од Австрија и победа на Чешка над Данска.
Многу математика и разни комбинации. Секако најубаво би било ние утре да ја победиме Австрија и заслужено да одиме понатаму. Во вториот дуел од нашата група во секоја комбинација ни одговара победа на актуелниот европски првак и домаќин на ова првенство Данска, што барем на хартија изгледа многу реално.
