Божји дар: Марија е прво бебе во нашето село после 17 години

Се и сешто Балкан

на 11.2016

Марија е прво бебе во селото Павловичи, недалеку од Нова Градишка, после 17 години. Нејзините родители Стјепан и Ружица Павер цели 25 години чекале и пробувале да добијат дете. Тие скоро и се откажале, но како дар ја добиле Марија, која се четири дена ќе наполни еден месец.

„Веќе се откажавме. По сите посети на лекари не останав бремена, па се помиривме со тоа дека нема да имаме деца. После нова година ми задоцни циклусот, па со оглед на годините помислив дека сум влегла во менопауза. Продолживме со Стјепан како и претходно, работев тешки работи затоа што живееме од земјоделие. После еден или два месеци приметив дека ми се случуваат промени. Кога на Стјепан му кажав да купи тест за бременост, ме погледна сомнително. Тестот покажа дека сум бремен. Дојдов во собата и му кажав: „Јас сум бремена“, а тој скоро не падна од кревотот. Двајцата бевме шокирани, ни се мешаа чувства на радост и страв“, раксажува Ружица.

„Секој ден му се заблагодарувам на Господ за дарот кој ни го даде. Само да поживеам и да дочекам да прошетам внуката за рака низ селот“, низ солзи вели пресреќната баба, 76 годишната Манда.

Селото Павловичи имало околу 200 семејства, а денес со малата Марија, во селото живеат уште 15 жени и 14 мажи.

Митревски блескаше на голот во португалското дерби

Спорт

ново

Македонскиот голман повторно блескаше во дресот на Порто кој триумфираше на гостински терен во дербито на португалското ракометно првенство против Спортинг со 37:35.

Нашиот чувар на мрежата придонесе во победата со девет одбрани.

На табелата Спортинг има 40 бодови, пред Порто со 38, следуваат Бенфика (34) и Брага (28).

Цветници е единствениот празник на кој треба да работите

Се и сешто

пред еден ден

На самиот крај од шестата недела на големиот велигденски пост, го прославуваме и свеченото влегување на Исус Христос во Ерусалим. Овој празник се нарекува Цветници и секогаш се паѓа во недела.

Името „Цветници“ празникот го добил по цветното гранче палма што Исус Христос го носел во раката за време на овој свечен настан.

Иако спаѓа во еден од големите празници, па се подразбира дека на овој ден не се извршуваат големи работни обврски, со векови постои верувањето дека токму на Цветници би требало да се посади лен и зелка, бидејќи така родот на овие билки ќе биде подобар.

Кога станува збор за работењето, овој празник е исклучок, бидејќи токму на овој ден се појавува полна месечина, кога, според верувањата, умот и вештините на луѓето стануваат далеку помоќни од вообичаено. Поради тоа, на Цветници би требало да започнете некои проекти и да донесете одлуки.

Македонија има нов светски шампион

Спорт

пред еден ден

Македонија има нов светски шампион! Бобан Илиоски го победи Берк Дузенли во првата професионална битка за појас во „ВАКО Про АФН 9“ и по аматерските трофеи, се закити со признание и во професионалните води. Илиоски во борбата во дисциплината К1 успеа да ја исполни зацртаната цел и стана професионален кик-бокс шампион.

Илиоски во пет рунди беше подобар од турскиот ривал на големиот светски настап кој се одржа во СЦ „Јане Сандански“. Македонецот имаше проблеми против Дузенли кој беше расположен во првите неколку рунди, меѓутоа потоа успеа да воспостави контрола. Илиоски добро се бранеше, го одби противничкиот налет и со удари од дистанца собра доволно бодови.

Откако немаше нокаут во петте рунди, одлуката остана на судиите, а спикерот го прогласи Илиоски за победник на одушевување на присутните во салата. За македонскиот кик-боксер ова е најголем успех во досегашната кариера, откако претходно стана светски и европски првак во ВАКО аматерските натпреварувања.

Пред одлично пополнети трибини во скопската сала Македонија доби нов првак на професионално ниво. Во поддршка на својот другар Бобан Илиоски дојдоа и навивачите на Вардар, верните „Комити“ во солидна бројка.