Прва победа на ракометните кадети!

Спорт

на 8.2014

По несреќниот пораз од Русија во првото коло и двата високи порази од Шпанија и Днаска, македонската кадетска репрезентација ја извојува првата победа на ЕП во Полска. Совладана е селекцијата на Србија, со резултат 23:20 (9:9). Гледавме интересен и израмнет натпревар во кој нашите кадети најпосле одиграа според очекувањата и забележаа заслужена победа.

Во првиот дел имавме резултатска криза, која противникот ја искористи за водство од 9:5, но полувремето сепак заврши со мирољубиви 9:9. Во вториот дел се играше рамноправно се до последните пет минути од средбата, кога и го разбивме противникот. Во овој дел одлично изиграа Талески и Нелоски и особено голманот Кизиќ, кој одбрани неколку тешки удари.

Македонија утре ќе се сретне со селекцијата на Исланд, а средбата е закажана со почеток во 13 часот.

Србија – Македонија 20:23 (9:9)

Македонија: Кизиќ, Блажевски, Даниловски, Бошковски 1, Давитковски, Гроздановски, Крстановски, Крстевски, Маркудов 4, Нелоски 8, Палевски 3, Поповски, Ставридис, Талески 5 и Велковски 2. Седмерци: 1/2. Исклучувања: 10 минути.

МВП: Мартин Велковски.

Митревски блескаше на голот во португалското дерби

Спорт

пред 6 дена

Македонскиот голман повторно блескаше во дресот на Порто кој триумфираше на гостински терен во дербито на португалското ракометно првенство против Спортинг со 37:35.

Нашиот чувар на мрежата придонесе во победата со девет одбрани.

На табелата Спортинг има 40 бодови, пред Порто со 38, следуваат Бенфика (34) и Брага (28).

Македонија има нов светски шампион

Спорт

пред една недела

Македонија има нов светски шампион! Бобан Илиоски го победи Берк Дузенли во првата професионална битка за појас во „ВАКО Про АФН 9“ и по аматерските трофеи, се закити со признание и во професионалните води. Илиоски во борбата во дисциплината К1 успеа да ја исполни зацртаната цел и стана професионален кик-бокс шампион.

Илиоски во пет рунди беше подобар од турскиот ривал на големиот светски настап кој се одржа во СЦ „Јане Сандански“. Македонецот имаше проблеми против Дузенли кој беше расположен во првите неколку рунди, меѓутоа потоа успеа да воспостави контрола. Илиоски добро се бранеше, го одби противничкиот налет и со удари од дистанца собра доволно бодови.

Откако немаше нокаут во петте рунди, одлуката остана на судиите, а спикерот го прогласи Илиоски за победник на одушевување на присутните во салата. За македонскиот кик-боксер ова е најголем успех во досегашната кариера, откако претходно стана светски и европски првак во ВАКО аматерските натпреварувања.

Пред одлично пополнети трибини во скопската сала Македонија доби нов првак на професионално ниво. Во поддршка на својот другар Бобан Илиоски дојдоа и навивачите на Вардар, верните „Комити“ во солидна бројка.

Лазаров доби нов помошник во репрезентацијата

Спорт

пред една недела

Поранешниот репрезентативец Стојанче Стоилов ќе биде дел од стручниот штаб на машката репрезентација на Македонија.

Тој и претходно беше дел во неколку наврати од подготовките на националниот тим откако ја заврши репрезентативната кариера, но сега ќе биде во улога на асистент.

Ова е четврти екс репрезентативец кој влегува во стручниот штаб на селекторот Кире Лазаров по Бранко Ангеловски, Ацо Јоновски и Филип Миркуловски.

Машката репрезентација ја очекува двомеч со Фарски Острови за пласман на СП 2025 година во Хрватска, Данска и Норвешка.

Првиот натпревар се игра во Торшавн на 8 мај од 20:00 часот, додека реваншот е во Скопје на 12 мај од 19:00 часот