Зоран Папиќ е сопственик на Шарка, козата од Кутјево која родила родила три јариња. Од нив две се здрави женки, а третото е јаре со осум нозе, а изгледа дека има и женски и машки полови органи.

-Кај него се е двојно. Козата Шарка која ја имам три години на свет донесе чудо на природата. Ова и е четврти пат да раѓа и секогаш имаше тројки – објаснува Папиќ за хрватските портали.

Тој веднаш повикал ветеринар кој му рекол дека се сомнева дека јарето ќе преживее зошто веројатно станува збор за неразвиен близнак.

Најкритични се првите седум дена. Ако ги преживее, вели Папиќ, би можело да живее две до три години.

-Се обидува да застане на нозе, ама нема сила, вели тој.

Инаку со одгледување кози тој се занимава веќе 20 години и ги храни со природна храна од поле. Јадат само сено, јачмен и пченка.

-Сакам јарето да преживее и да си го чувам како љубимец, вели тој додавајќи дека пред неколку години на негов пријател во соседното село козата му родила јаре со две глави.