Австријките со босанско потекло, 16 годишната Самра Кешиновиќ и 15-годишната Сабина Селимовиќ се лоцирани во близина на турско-сириската граница, јавуваат босанските медиуми. Тие се омажиле со радикални исламски борци кои наводно им дозволуваат на секои три месеци на кратко да се чујат со своите семејства.

Малолетните Босанки, кои пред три месеци побегнаа од Виена во Сирија за да се борат на страна на исламистите, живеат во близина на границата со турција. Балканските медиуми своевремено објавија дека девојчињата на 10 април побегнале од своите домови за да им се приклучат на исламистичките борци, но нивните роднини тврдеа дека тие се киднапирани. Според последните информации, девојчињата на секои три месеци имаат право на кратко да се јават дома од припејд мобилен телефон, но притоа не смеат да откриваат каде се наоѓаат и да даваат било какви други информации. Кешиновиќ кон крајот на април и се јавија на својата сестра на мобилен телефон од турски број. Турската полиција успеала да го фати сигналот, но телефонот набрзо бил исклучен. Интерпол, во соработка со турските и австриските власти и понатаму трага по побегнатите ученички, чии семејства се уште не можат да поверуваат дека нивните ќерки станале радикални исламисти. Одредени балкански медиуми јавуваат дека босанките наводно се одличиле за џихад ал-ника, односно сексуален џихад, при кој жените им нудат сексуална утеха на исламските борци.