Азиски стршлен се појави во Македонија. Првичните лабораториски анализи покажаа дека стршленот што вчера беше пронајден на Водно е всушност смртоносниот азиски стршлен. Примерокот ќе биде однесен во странска лабораторија каде ќе биде бидат направени генетски анализи за утврдување на точниот тип.

Скопјанката Снежана вчера го забележала стршенот полумртов пред прагот на куќата на Водно. Го усмртила веднаш и го затворила со чаша. Сомнежот се јавил откако прегледувала по сликите на интернет и википедија. Го споредувала, но незнаела каде да се обрати за да го предаде на анализа. Екипата на Сител била во домот на Снежана која им рекла дека доколку се покаже дека станува збор за смртоносниот стршен, тогаш тој не е единствениот во нивната околина. Сомнежот станал уште поголем поради тоа што кровот на куќата во која живее семејството на Снежана бил дрвен и има простор каде да направат осило. Запуштениот двор со грмушки во куќата спроти нив е уште една причина за нивната паника. Екипата на Сител го однела инсектот во лабораторијата на ветеринарниот факултет на испитување.

Денеска уште еден невообичаен инсект се појави во Скопје. Ристо од Козле го уловил жив и бил фрапиран од тоа како изгледа. Вели се занимава со пчели ги чува од стршлени и разни други опасни инсекти ,но ова е првпат да види вакво нешто. Голем колку палецот, со портокалова глава. Ристо го уловил во домашната работилница која е сместена во дворот од куќата. Внимателно го усмртил за да го сочува примерокот во целост. Ристо го предал инсектот на екипа од ТВ Сител која веднаш го доставила во лабораторијата на ветеринарниот факултет за испитување.

Овој инсект потекнува од Азија, има портокалова глава и може да порасне до 8 центиметри. Лета со брзина од 60 километра на час. Азискиот стршен ги напаѓа пчелите, убива и до 40 во една минута. Тој е опасен и за човекот, има голем црн заб за боцкање, со кој е во состојба да предизвика застрашувачки убоди кои личат на рани од куршум. Од неколку убоди може да престане работата на бубрезите, да го отежни дишењето и да предизвика смрт. Поради големите климатски промени, забележан е во повеќе балкански земји.